རྩོམ་སྒྲིག་པ་ཕར་ནང་ཚང་། དཀོན་མཆོག་དར་རྒྱས། ལགས་ཀྱི་རྩོམ་ཡོངས།

མཚོ་ཡིད་འོང་མཛེས་སྡུག་སྟོང་ལྡན་སྟེང་།།
གདན་འདབ་བཟང་བརྒྱ་སྟོང་གྲོལ་བའི་སྟེང་།།
ལྷ་དབྱངས་ཅན་མ་ནི་མཛེས་སྡུག་གིས།།
ཡིད་བཟི་བའི་ཆང་དུ་ལྷམ་མེར་ཤར།།
ཕྱག་སོར་མོ་འགུལ་བའི་སྒྲ་དབྱངས་ཀྱིས།།
ཡིད་སྣང་བའི་མཁའ་ལ་སྒྱུ་མ་ཡི།།
སྣ་མི་གཅིག་རི་དྭགས་བསྡུ་བ་མོ།།
ཁྱོའི་ལུས་ཀྱི་སྨྱུའི་མའི་གླིང་བུ་དེ།།
དུས་ཡང་ཡང་འབུད་རྒྱུ་བྱུང་ན་སྙམ།།
མིག་བང་བ་ལྡིང་བའི་ཞལ་ཁྱིམ་དུ།།
ངའི་སེམས་ཀྱི་གླིང་བུ་བུས་བུས་ནས།།
དབྱངས་འབུམ་ཕྲག་རྡོལ་བའི་སྙན་ངག་དག།
སེམས་སྐྱོ་བ་སངས་ དེ་ལས་མང་་་

མཚོ་སྟེང་པདྨ་འགུལ་བ་ཡིས།།
ཏིང་འཛིན་གཉིད་ལས་སད་པ་ཡི།།
དད་པའི་སྒེག་མོ་དབྱངས་ཅན་མ།།
ཡིད་ཀྱི་ཁྲུས་རྫིང་ལ་ཞུགས་དུས།།
ནང་གི་སྙན་ངག་མངོན་པར་མཛད།།
སྙན་ངག་ཡུམ་གྱུར་ཤེས་རབ་མའི།།
ཞལ་ཀྱི་དཀྱིལ་དུ་བུང་བ་སྟེ།།
བདག་མིག་རྟག་ཏུ་འཁོར་འཁོར་ནས།།
ད་ནི་གཉིད་ཀྱང་སེམས་སུ་འཆར།།
ཚངས་མའི་སྲས་མོར་གྲགས་པ་ཡི།།
ཁྱོད་གདོང་ཚངས་པ་ལས་ཀྱང་མཛེས།།
ཀེམ་ཀེམ་མིག་དེས་ཀུན་བཟི་མ།།
སྨྲ་བ་ངག་གིས་མ་ཟིན་པའི།།
སྙན་ངག་གླེ་འུའི་སྣང་བརྙན་དེ།།
ཡིད་ཀྱི་ཟོམ་ དེ་ལས་མང་་་

འཛུམ་དཀར་གཡོ་བའི་ཞལ་གྱི་པད་མོ་ལས།།
ཟག་མེད་དབྱངས་ཀྱིས་ངག་སྙན་གང་སྨྲ་ཡང་།།
ཆགས་ཐོགས་བྲལ་བ་ཚངས་པའི་ལྷ་མོ་ཁྱེད།།
སྒྱུ་འཕྲུལ་རྫོགས་པའི་ངག་རིག་ལོངས་སུ་སྤྱོད།།
དབྱངས་ལ་སྦྱར་བའི་མ་ངེས་དྲན་གཞུང་གིས།།
སྣང་བ་བཏེགས་ཏེ་ལས་འཕྲོའི་འཛུམ་པ་ལ།།
བཅོས་མིན་བདེ་བ་དབྱངས་སུ་ལྷུང་བའི་དུས།།
འཕགས་མ་མཆོག་ཉིད་ཡིད་དུ་སླར་ཡང་དགྱེས།།
སེམས་པའི་གཏིང་དུ་སྨྲ་བརྗོད་རང་དབང་ཡང་།།
ངག་སྙན་གསོན་པོས་སྒྱུ་འཕྲུལ་མཐའ་ཡས་ཀྱང་།།
རྟོག་བཏགས་བྲལ་བ་ཡིད་དུ་ལྷང་ལྷང་གྲགས།།
གྲགས་ དེ་ལས་མང་་་

རིག་པ་གཉིད་ལས་སངས་པའི་བསམ་བློ་སྟེ།།
རང་བློ་རིག་པའི་རལ་གྲི་བརྡར་བཞིན་དུ།།
གཞན་བློ་དོག་པའི་མིག་རྒྱང་དཀྱེལ་བསྲིངས་ནས།།
ཆོས་རར་ཡུན་གྱིས་འགྲིམ་པའི་སློབ་གཉེར་བ།།
དགེ་འདུན་ཆོས་འཕེལ་དུས་ཀྱི་ཅོང་བརྡ་རེད།།
བསམ་བློའི་རྨི་ལམ་སྟུག་པོའི་མཁར་རྫོང་ནས།།
བདེན་དོན་ལུགས་ཀྱི་སྒལ་ཚིགས་སྲུང་བཞིན་དུ།།
རིག་པའི་རྣམ་དཔྱོད་གཏིང་ནས་སློག་པ་སྟེ།།
རིགས་ཞེན་ཁོག་ཏུ་འཁྱིལ་བའི་གདོང་དམར་བ།།
དགེ་འདུན་ཆོས་འཕེལ་གངས་ཀྱི་སེངྒེ་རེད།།
ཧ་ཅང་གུ་དོག་ཡིན་པའི་ཁོར་ཡུག་ནས།།
རྨོངས་དད་ དེ་ལས་མང་་་

ངའི་མིག་ཟུང་ནང་འཁྱིལ་བའི་འཁོར་བ།
སེམས་ཀྱིས་འདེད་པའི་ས་སྲོད་ཀྱི་ན་བུན།
མི་སེམས་འཆིང་བྱེད་ཀྱི་ཞགས་པ་ནག་པོ།
ལྕགས་སྒྲོག་གིས་འཆིང་བའི་མུན་ཁང་དུ་གྱུར།
སེམས་པས་མཚོན་ཐབས་མེད་པའི་ནམ་མཁའ་ཁེར་རྐྱང་ལུས།
ཉོན་མོངས་པས་སྡོམ་པའི་ཁྱོད་ཚོ།
ངའི་ཤ་རུས་ཀྱི་གསེང་ན་ལྗིད་ཏིག་གེར།
ཉིན་མཚན་མེད་པ་འགྲེང་།

ངས་དེ་དག་བརྒྱུད་ནས།
ཉིན་དེའི་མཚན་མོ་རུ་བསླེབས།
རྨི་ལམ་གྱི་ཐང་ནས་གཤོག་རྡེབ་རེ་བྱེད་ཚེ།
འཁོར་བའི་ཆུ་མོ་ཤག་ཤག་ཏུ་བཞུར་བ་ཐོས། དེ་ལས་མང་་་

ཁྱོད་དྲན་ཚེ
ཁོག་སྟོད་སྨད་ནས་རྒྱུ་བའི་ཆུ་ཐིགས་རེ་རེས
མཁུར་མགོ་ནས་རིམ་གྱིས་བྱད་གཞི་བརླན་སོང་ནའང
གཅེས་འདང་གི་མདུད་པས་དམ་དུ་སྦྲེལ་བའི་ཚབ་མཚོན་ཡིན
ཁྱོད་དྲན་ཚེ
སེམས་ཀྱི་གཏིང་རིམ་ནས་བཙིར་བའི་འཁུན་སྒྲ་རེ་རེས
མི་རྐྱང་ཞིག་གི་ལང་ཚོ་མནར་གཅོད་ཀྱིས་རྨས་ནའང
དམ་ཚིག་གི་ཁ་ཞེང་རབ་ཏུ་ཆེ་བའི་ཚབ་མཚོན་ཡིན
ཁྱོད་དྲན་ཚེ
མིག་ལམ་དུ་དགུན་ཁ་ཚེས་པའི་འདར་སིག་རེ་རེས
གྱེས་འཁང་གི་བྱང་རླུང་བསྟུད་མར་ལྡང་ནའང
མཛའ་འབྲེལ་གྱི་མེ་དཔུང་སྟུག་པའི་ཚབ་མཚོན་ཡིན དེ་ལས་མང་་་

སྤྲིན་དཀར་བན་བུན་གཅིག་ཐོག་གཉིས་བརྩེགས་བྱས། །
སྔོ་ལྗང་རི་ཆུ་མཛེས་ཤིང་ལྟ་ན་སྡུག །
ས་རྡུལ་རླུང་གིས་སྤུར་བའི་རྗེས་ཤུལ་ནས། །
རབ་མཛེས་མེ་ཏོག་ཕ་ཡུལ་གོས་སུ་བཀླུབས། །
ཆར་ཟིམ་ཁྲོད་ནས་མེ་ཏོག་བསྐྱར་དུ་ལྡང་། །
ཁྱོད་རང་ཡ་ཆུང་དྲན་པའི་མཐའ་རུ་འཁྱིལ། །
རླུང་བུ་ཤུར་ཤུར་ལྡང་བའི་ཉི་མོ་དེར། །
ཡིད་ཀྱི་གྱེས་བྲལ་ཞིག་གི་རུམ་ནས་སོང་། །
སྟོན་གྱི་ཟླ་འོད་ཆུ་ཐིགས་གསེབ་ལ་འཛུལ། །
ལོ་མ་སེར་པོ་རི་ལུང་ཀུན་ལ་ཡན། །
ཟླ་འོད་འཁྲིགས་ཤིང་སྤྱང་ཚོགས་ལྷོད་ཀྱིས་གཤར། ། དེ་ལས་མང་་་

ཀྱེ་གཟུངས་མ་འཇོ་སྒེག་རང་འབར་མ།།
ཁྱོད་གནམ་གྱི་ཀ་བ་ཡིན་ཁུལ་བྱོས།།
ང་ཀ་བའི་ཀ་གདན་ཡིན་ཁུལ་བྱེད།།
དཔེ་དེ་བཞིན་གནམ་གྱི་རྒྱལ་མོ་བྱོས།།
ངས་འུ་གཉིས་མཇལ་བའི་ལས་སྐལ་ཞུ།།
ཡང་ང་ནི་བས་མཐའི་སྒོམ་ཆེན་བྱེད།།
ཁྱོད་སེམས་ཀྱི་ཏིང་འཛིན་ཡིན་ཁུལ་གྱིས།།
ངས་རྩེ་གཅིག་ཡིད་ཀྱིས་ཡང་ཡང་བསྒོམ།།
མཐར་ཕྱིན་ན་ངའི་སེམས་ཁྱོད་བདག་བྱོས།།
ཡང་ཁྱོད་ནི་དཀར་ཡོལ་རྟགས་བརྒྱད་བྱོས།།
ང་དངུལ་གྱི་ཁ་ཤན་ཡིན་ཁུལ་བྱེད།།
ངས་ཁྱོད་ཀྱི་ཁ་འབྲས་མཐོང་ཙམ་གྱིས།།
ཞེ་དགའ་བ་བྱེ་ དེ་ལས་མང་་་

གཞིས་ཀྱི་ར་བར་སྐྱེས་པའི་མེ་ཏོག་རྐང་གཅིག
སྤང་གི་ཐང་མར་གང་དགར་བཞད་པའི་མེ་ཏོག་ཅིག་མིན་ན་ཡང
ཟུམ་པའི་གདོང་ཞལ་གྲོལ་ཞིང
ལོ་ཟླ་འཁོར་མོའི་འདས་དོན་སྦྲུམ་དུས
ཧང་སང་ཞིང་ཧི་མ་ལ་ཡའི་མཐོངས་ངོགས་སྟོང་པ་དེའི་རྟོད་དུ་ཐོགས་འགྲོ
སེར་ཆུའི་དྲག་རྡུང་ཐེབས་པའི་མེ་ཏོག་རྐང་གཅིག
བཙའ་ཡིས་ཟིན་པའི་ཅོང་རྙིང་བཞིན་གང་སར་ཉུལ་བ་ཞིག་མིན་ན་ཡང
རྡོག་བརྫིས་ལ་གཞའ་རུ་མེད་ཅིང
མཆོད་ཁྲིའི་མདུན་དུ་ཤོམ་ར་ངོམ་དུས
ཞེ་ཞི་ཞིང་འཇམ་ལ་ལྷོད དེ་ལས་མང་་་

གནས་ཡིད་འོང་ལྗོན་ཤིང་མང་ས་ན།།
བྱ་སྐད་སྙན་སྣ་ཚོགས་ཡར་མར་འཕུར།།
མཚོ་མདངས་ལྡན་གནམ་སྔོན་མེ་ལོང་སྟེང་།།
གདན་བཟང་བོའི་འདབ་མ་བརྒྱ་གྲོལ་སྟེང་།།
སྐུ་ཟླ་བའི་མདོག་ཅན་དབྱངས་ཅན་མས།།
ཕྱག་པི་ཝང་དཀྲོལ་གྱིན་གླུ་ལེན་པར།།
ངས་དད་པའི་མེ་ཏོག་དཀར་དམར་པོའི་ཚོམས།།
སེམས་ལག་པས་བསྐྱོར་ཏེ་འབུལ་ལགས་ན།།
ཞལ་མིག་འཛུམ་གཡོ་བཞིན་བཞེས་སུ་གསོལ།།
ངའི་སེམས་ཀྱི་གཏེར་གྱི་སྒོ་ཕྱེས་ཏེ།།
ཆོས་དབུ་མ་རང་ངོ་སྤྲོད་པ་དང་།།
ངག་རྩ་མདུད་ཤིགས་ལ་ཁྱོད་རང་མཁྱེན།།
༢
ངག་བྱིན་ དེ་ལས་མང་་་

དགེ་རྒན
ཁྱོད་ཀྱིས་བྲིས་པའི
ངའི་སེམས་ཀྱི་ཡིག་འབྲི་ཚོས
ད་ལྟ་ཁྱོད་ལ་འབོད་ཀྱིན་འདུག
དགེ་རྒན
དྲན་པའི་སྣེ་མོར
ཁྱོད་ཀྱིས་ནམ་ཡང་དེ་ལྟར་སྒུལ་དོན་ཅི་ཡིན
ངས ཁྱོད་རང་རྨི་ལམ་ལས་མཇལ་འདོད
དགེ་རྒན
སྔོན་ཆ་འུ་ཚོའི་སློབ་ཁང་དེ
ད་ལྟ་སྟོང་པ་སྟོང་རྐྱང་རེད
ཧ་ཅང་ལྷིང་འཇགས་ངང་འཇིག་བཞིན་འདུག
དགེ་རྒན
ཁྱེད་བཞུད་རྗེས
དངོས་པོ་ཆོས་ཉིད་ཀྱིས
ང་ཚོར་ཡང་ཡང་རྡོ་རྫི་གཏོང་བས
ང་ཚོས་ཇི་ལྟར་བྱེད་དམ དགེ་རྒན་ལགས། དེ་ལས་མང་་་

འཕགས་པ་ཀླུ་ཡིས་འདོད་པའི་བསྟན་བཅོས་བརྩམས།།
ཚངས་དབྱངས་པས་ཀྱང་བྱམས་པ་རྐྱང་རྐྱང་བྲིས།།
འབྲུག་པ་ཀུན་ལེགས་མི་ཕམ་དགེ་ཆོས་སོགས།།
འདོད་རྩོམ་འདྲ་མིན་འབྲི་མཁན་ཉུང་ཉུང་མིན།།
དེང་སང་སྙན་ངག་སྨྲ་བའི་ཁྱུ་མཆོག་སྟེ།།
དགེ་བཤེས་འཇིགས་མེད་པས་ཀྱང་བུད་མེད་འབྲི།།
ང་དང་རྩོམ་གྲོགས་འགའ་རེ་འདི་ལྟ་བུའི།།
སྙན་ངག་ཙམ་རེ་བྲིས་ན་ཅིས་མི་ཆོག།
སོ་སྐྱེས་རྣམ་རྟོག་ཆུ་འཛིན་ལྡིང་ཁང་ནས།།
དགའ་སྐྱོ་ཚོར་བའི་ཆར་བ་དྲག་ཏུ་འཇོ།།
དེ་ལ་དགག་པ་བརྒྱབ་ན་དཀའ་ཙམ་ལས།། དེ་ལས་མང་་་

མི་རྣམས་ཀྱིས་སྐྱོ་གདུང་མེད་ཁུལ་གྱིས
མུན་པའི་ར་བ་ན་མེ་ཏོག་གི་སྐྱེད་ཚལ་འདེབས
ཉི་འོད་ཀྱི་ནམ་མཁའ་མི་མཐོང་བའི་གནས་ཡུལ་དེར
མུན་པའི་ལྷིང་འཇགས་སླར་འཁྲུགས་ཏེ་སེམས་ངལ་གྱིས་གདུང
མེ་ལོང་རྡུལ་གྱིས་གཡོགས་པ་ནི་དྲི་བཅས་དེ་བཞིན་ཉིད་དང
མེ་ལོང་རྡུལ་དང་བྲལ་བ་ནི་དྲི་མེད་དེ་བཞིན་ཉིད་དུའོ
དུས་ཚོད་ཀྱི་ཡལ་ག་ལ་ཆགས་འཇིག་བྱུང་བ་ནི
བསྐལ་བ་སྔོན་མ་དང་ད་ལྟའི་བར་གྱི་དོགས་སློང་ཞིག་རེད
མི་རྣམས་ཀྱིས་དུས་ཚོད་ཀྱི་ཡང་སྙིང
བསྐྱར་ དེ་ལས་མང་་་

སྟོང་བའི་སེམས་ཀྱི་ངོས་སུ་དབྱངས་ཀྱི་ལྷ།།
འཇའ་བཞིན་དཀར་དམར་མ་འདྲེས་གསལ་གྱུར་ན།།
སྙན་ངག་གླིང་བུའི་བུ་གར་དབུགས་ཀྱི་སྲོག།
ག་ལེར་བླུགས་ཏེ་འཁོར་བའི་ངལ་གསོ་འཐོབ།།
མཚན་དཔེ་སྡུ་གུར་བཀྲ་བའི་ལང་ཚོ་ཡིས།།
འགྲོ་བའི་ཡིད་སེམས་མདངས་འཕྲོག་ཚངས་སྲས་མ།།
སྟ་ཟུར་ཡོམ་པོར་བྱོན་ན་སྙན་ངག་པས།།
སེམས་པ་ལག་པས་བསྐྱོར་ཏེ་གླུ་དབྱངས་ལེན།
ཆོས་ཉིད་ནམ་མཁའ་འདྲ་བའི་གུར་ཁང་དུ།།
ལྷོ་སྤྲིན་དལ་གྱིས་ལྡིང་བའི་མདོག་ལྡན་མ།།
རྒྱལ་ཡུམ་ཟླ་བའི་སྲས་མོ་མཚོ་བྱུང་མ།།
ཡིད་ དེ་ལས་མང་་་

སེམས་པ་དབྱིངས་ཀྱི་མཐིལ་ལས་གསོང་གཏམ་སྦྲང་ཆར་བྱོ་ན།།
ཡིད་ཆེས་ནེའུ་གསུང་ཐང་དུ་ཚིག་གི་མེ་ཏོག་བཞད་ཆོག།
མྱི་སེམས་དུས་ཀྱི་འཕེལ་འགྲིབ་སྣ་ཚོགས་རླབས་ཀྱིས་བསྐྱོམས་རུང་།།
རང་གཤིས་རྡོ་རིང་བརླིང་པོ་གཡོ་མེད་བརྟན་པོར་སྒྲོབ་དགོས།།
ཐ་ཚིག་གཉི་ཟླ་ཁ་སྤྲོད་ཡིད་ཀྱི་མཐོངས་སུ་ཡོད་པས།།
ཉ་སྟོང་སྒྲ་ཅན་གཟའ་ཡིས་གནག་པས་བགྲོད་ལམ་མ་བཅད།།
མཛའ་གཅུགས་སྙིང་གི་མེ་ཏོག་ལྡུམ་ར་གཅིག་ནས་བཞད་པས།།
སྙིང་མེད་སྟོན་རླུང་བུ་མོས་རྫུ་དེས་སྐྱོར་འབྱིན་མ་གནོངས།།
ལོ་ཟླའི་པང་ནས་ དེ་ལས་མང་་་