བཅད་རྩོམ།

ཆུང་འདྲིས་སྙིང་གི་མེ་ཏོག་གཞན་ཡུལ་དུ་ཕྱིན་ནས།།
རང་གི་འཚོ་བ་ཞེས་པའི་མནར་གཅོད་ཀྱི་འོག་ནས།།
དུང་ཟླ་འདྲ་བའི་གདོང་གི་མཛེས་ཉམས་དེ་ཡལ་ནས།།
སྐྱ་སེར་སྔོ་སེར་གྱུར་པའི་རྒན་མོ་ཞིག་གྱུར་འདུག།སྔོན་སྨོན་ལས་ཀྱི་སྐལ་བ་ཆ་གཅིག་ཏུ་སྦྲེལ་ནས།།
གྲངས་མེད་དབྱར་དགུན་སྟོན་དཔྱིད་ཕར་ཕར་དུ་བསྐྱལ་དུས།།
ཆུང་འདྲིས་སེམས་ཀྱི་མེ་ཏོག་འཚེར་ཡ་རུ་བཟུང་ནས།།
སོན་པའི་ལོ་ཟླ་ཁྱོད་དང་མཉམ་གཅིག་དུ་བསྐྱོད་མྱོང་།།འདྲིས་འདྲིས་ཆུང་གྲོགས་ཡིད་ཀྱི་འདང་ཆེན་དུ་འཛིན་ནས།།སྙན་ དེ་ལས་མང་་་

ཁུངས་བརྟན་བརྟན་ཞིག་གང་ཡིན་མེད་ཅིང་།།
མི་མང་མང་ལ་འགོས་ཁྱབ་མྱུར་བའི།།
བློ་བློང་བློང་གི་སྙིགས་དུས་འདི་གའི།།
ནད་ཚ་ཚ་འདི་ཆེད་དོན་ཅི་རེད།།
ཚ་རེག་རེག་གི་འགོག་ཁབ་སྣོན་ཡང་།།
ལྐོག་སུད་སུད་ནས་མཐར་གྱིས་ཆེད་དེ།།
ཡུན་རིང་རིང་གིས་དུས་ཚོད་འདས་རུང་།།
རྟགས་གསལ་གསལ་ཞིག་མེད་དོན་ཅི་རེད།།
གྲོང་ག་གེ་ནས་བགས་ཀྱིས་དྲག་ཀྱང་།།
ལྗོངས་ལ་ལ་ནས་ཟུལ་གྱིས་ཆེད་པ།།
ནད་གསར་གསར་འདིའི་འགྲས་པ་ཡིན་ནམ།།
མི་ཆེ་ཆེ་ཚོས་གཙེས་པ་ཡིན་ནམ།།
ཞེ་དངངས་དངངས་ཀྱི་ དེ་ལས་མང་་་

གློག་འོད་ཁྲི་ཕྲག་མང་པོ་དགུང་གི་སྐར་མའི་ཚོགས་ཆེན་བཞིན།།
ཞི་བའི་གྲོང་གི་མཐའ་དཀྱིལ་མ་ལུས་གསལ་བར་འདུག་པ་ན།།
ས་སྲོད་མུན་པའི་འཇིག་རྟེན་ལྷ་ཡི་གྲོང་ལ་འཁྲུལ་འཛིན་ནས།།
མཛེས་པའི་སྣང་གླུ་འདི་ཀོ་ཆུ་རིས་གདངས་ལ་དྲངས་ཏེ་གྱེར།།
སྨག་རུམ་སྤྲིན་ནག་སྟུག་པོ་ཨ་སྔོན་དབྱིངས་སུ་འཕགས་པ་ན།།
སྐྱ་རེངས་བུ་མོ་འཛུམ་དང་ཉི་གཞོན་དལ་གྱིས་དགོད་པའི་ཚེ།།
རྫུན་མའི་སྒེག་པ་ཁུར་བའི་སྲིད་པ་མཛེས་ལ་འཁྲུལ་འདི་ཡིས།།
བརྒྱ་ཕྲག་དུ་མའི་བར་དུ་སྨོན་པའི་རེ་ དེ་ལས་མང་་་

ཀྱེ་ཀྱེ་སེམས་ཀྱི་སྦྲང་ཆུང་ཉིད། །
པད་མའི་ཚལ་དང་བྲལ་བ་ན། །
གསོན་པ་ལ་ནི་དོན་མེད་པར། །
ཚོར་བ་ཞེ་རུ་ལྡངས་ཡོད་སྲིད། །
ཞེ་གཙང་པདྨའི་སྐྱེད་ཚལ་དུ། །
ཉེ་བར་འཁོར་བའི་གང་དེ་ནི། །
འཇོན་མེད་མི་ཡི་མཐའ་མ་དེ། །
སྐྱོར་བའི་ནུས་པ་དེ་ཡོད་མིན །
གཟུགས་མེད་ཞེ་ཡི་མེ་ལོང་དུ། །
འཆར་བ་འདང་གི་ཀ་ཆེན་མ། །
ལང་ཚོ་གསེར་གྱི་ག་པུར་ལ། །
ན་བའི་གཡའ་བག་མེད་དེ་སྤྲོ། །
རྒྱང་བཞུད་ཟླ་བ་ཁེར་འགྲོ་མ། །
ཞེན་པའི་མིག་ཀོང་སུ་ལ་ཕྱོཊ། ། དེ་ལས་མང་་་

སེམས་ནི་ས་ཏེ་རྟེན་བརྟན་འཐས་པ་འོ།།
སེམས་ནི་ཆུ་སྟེ་གྲང་མོ་ཆུའི་རང་བཞིན།།
སེམས་ནི་མེ་སྟེ་དྲག་ཏུ་འབར་བར་གྱུར།།
སེམས་ནི་རླུང་སྟེ་འཁོར་འདས་གཉིས་སུ་རྒྱུ།།
དེ་བཞིན་སེམས་ནི་ཀུན་གྱི་རང་བཞིན་ཏེ།།
མཛེས་ཤིང་སྒེག་པའི་ཆོས་ཀྱང་སེམས་ཉིད་ཡིན།།
མི་སྡུག་མཚན་མའི་གཟུགས་ཀྱང་སེམས་ཉིད་ཡིན།།
སེམས་ནི་ཆོས་སོ་ཅོག་གི་རང་བཞིན་ནོ།།
བར་ཐག་རི་ཆུ་སྟོང་གིས་ཆོད་ན་ཡང་།།
སེམས་ཀྱིས་ཕན་ཚུན་སྦྲེལ་ཏེ་བརྩེ་བ་གསོ།།
ལུས་དང་གྲིབ་མའི་ཟོལ་དུ་འགྲོགས་ན་ཡང་།། དེ་ལས་མང་་་

བགྲང་བྱ་ཆིག་སྟོང་ལྷག་གི་གོང་རོལ་ཏེ།།
ཡར་གླིང་ཁྱོན་ལ་སྟོབས་ཀྱིས་དབང་བསྒྱུར་བའི།།
འཛམ་གླིང་བདག་པོ་ཁྲི་སྲོང་ལྡེ་བཙན་སྐབས།།
དུས་རབས་བརྒྱད་པའི་དཀྱིལ་གྱི་ཆུ་ཡོས་ལོར།།
ཞང་བློན་ཆེན་པོ་སྟག་སྒྲ་ཀླུ་གོང་གིས།།
སྟོབས་འབྱོར་ཀླུ་དང་མཉམ་པའི་ཐང་རྒྱལ་ལ།།
བྷོད་དམག་འབུམ་ཕྲག་ལྷག་གི་དཔུང་དྲངས་ནས།།
ཐང་རྒྱལ་བཅུ་བ་ཏེའི་ཙུང་ལིས་ཡོས་ཀྱང་།།
མི་འཇིགས་སེང་གེའི་ཁྲི་ལས་བཙན་ཕབ་སྟེ།།
རྒྱལ་ས་ཁྲང་ཨན་དབང་དུ་བསྡུད་པའི་སྐབས།། དེ་ལས་མང་་་

མེ་ཏོག་ཚལ་དུ་ཁོ་བོ་ནི།།
སྦྲང་མ་བཞིན་དུ་ལྡིང་སྐོར་རྒྱག།
མཁའ་ན་གློག་ཞགས་འཁྱུག་པའི་དུས།།
ཁོ་བོ་ག་ཤེད་གཞའ་བ་ཡིན།།
འོན་ཏེ་སུས་ཀྱང་མི་མཐོང་སྙམ།།
ཡིན་ཡང་ཆར་ཐིགས་ཕྲ་མོ་ཡི།།
མིག་འོག་གཞའ་བ་ཤིན་ཏུ་དཀའ།།
རྒྱུ་རྐྱེན་མེད་པར་ཁོ་བོ་ཡི།།
ལུས་ལ་རྡེག་པ་ཤིན་ཏུ་མང་།།
ཆར་ཐིགས་དག་ལ་སེམས་གཏིང་ནས།།
ཤིན་ཏུ་སུན་ཡང་གནམ་རྒན་མས།།
མིག་ནི་ཞར་ལྟར་ཉམ་ཐག་པའི།།
ཁོ་བོ་མཐོང་གིན་མེད་པ་འདྲ།།
དེ་མིན་ཁོ་བོ་སུས་མཐོང་ཡང་།།
སྙིང་རྗེ་ དེ་ལས་མང་་་

གསལ་ཡང་གསལ་ལ་མོག་ཀྱང་མོག་པ།།
གྲྭ་རྐྱང་བལྟ་བའི་མེ་ལོང་ཆག་རོ།།
ཅི་ཡང་འཆར་བའི་ཆ་ཤས་ཤིག་ལ།།
དཔོག་པར་དཀའ་བའི་མི་ཞིག་དོད་ཡོད།།
གཙང་འགྲམ་དེ་ཡི་མེ་ཏོག་རྙིད་ཚུལ།།
ཕྱེ་མ་ཁྱུ་གཅིག་གཤོག་སྒྲོ་འཐོར་དོན།།
ཐ་སྙད་གཟུགས་ཀྱི་ཚོན་ཁ་ཞན་ཡང་།།
མྱོང་བའི་རོ་ལ་ཚ་ཆང་འདྲེས་པ།།
སྐྱ་མོ་ལམ་གྱི་རྡུལ་ལ་འདྲེས་པའི།།
རྟ་ཕོ་ཞིག་གི་ཞེ་འདང་འཇོག་ས།།
སྲོད་ཁའི་གྲིབ་སོ་ཆུ་ལ་ལྷུང་དུས།།
སྣང་ཚུལ་ཞིག་གིས་ར་རོར་གྱུར་སོང་།། དེ་ལས་མང་་་

ཆོས་ཀྱི་སྐུ་ལས་མ་གཡོས་སྤྲུལ་བའི་སྐུ།།
སྒྲིབ་གཉིས་དང་བྲལ་ཡེ་ཤེས་མཁྱེན་པའི་གཏེར།།
སྟོབས་བཅུ་མངའ་བ་བསྟན་པའི་བདག་པོ་ཡི།།
མཛད་པའི་ཚུལ་ལ་བསྟོད་པའི་མཆོད་སྤྲིན་འབུལ།།
སྔོན་ཚེ་རྣམ་འདྲེན་གསུམ་པའི་དྲུང་ནས་ནི།།
བྲམ་ཟེ་ཁྱེའུ་བླ་མའི་རྣམ་སྤྲུལ་བཞེས།།
ལྷོ་གླིང་ཚེ་ལོ་བརྒྱ་ཡི་དུས་སྐབས་སུ།།
དགའ་ལྡན་ནས་འཕོས་མཛད་ལ་ཕྱག་འཚལ་ལོ།།
ལྷ་རྣམས་འདུལ་མཛད་གཟིགས་པ་རྣམ་ལྔ་ཡིས།།
གླང་ཆེན་ཐལ་དཀར་མཆེ་བ་དྲུག་ལྡན་ཚུལ།།
ཆུ་སྟོད་ཟླ་བའི་ཚེས་པ་བཅོ་ལྔ་ལ།།
ལྷུམས་སུ་ དེ་ལས་མང་་་

ཀ༵་ལ་པིང་ཀའི་འགྲིན་གྱིས་མི་འགྲན་ཁྱེད་གསུང་བརྗོད་མེད་ཡི་གེ་ཡིན།།
ཁ་ཟས་གོས་ཀྱི་དྲོད་ལ་མི་རེ་ཁྱེད་སྐུ་ཟག་མེད་འོད་ཕུང་ཡིན།།
ག་ཆད་མཚན་མའི་རླུང་བུས་མི་སྤུར་ཁྱེད་ཐུགས་སྐྱེ་མེད་ཆོས་སྐུ་ཡིན།།
ང་ཡི་སེམས་དང་རོ་གཅིག་བཞུགས་པའི་ངེས་དོན་བླ་མ་རྒྱལ་གྱུར་ཅིག།
ཅ་དག་ཡེ་གྲོལ་ནམ་མཁའི་གཤིས་འཛིན་ཀུན་ཁྱབ་ཐིག་ལེ་ཟླུམ་པོ་རུ།།
ཆ་བཞག་མི་མངའ་བཅིངས་པ་ལས་གྲོལ་རེ་དོགས་སྤང་བླང་གདོད་ནས་དག།
ཇ་ཐུག་ཟས་སོགས་ཡུལ་ལ་སྤྱོད་ཀྱང་འདོད་ཡོན་ དེ་ལས་མང་་་

ཡིད་ཀྱི་དྲན་པ་བརྩེག་པའི་དགུན་ཟླ་ནང་། །
ལོ་ཟླ་བརྒལ་བའི་ངང་དཀར་ཁུ་སིམ་གྱིས། །
ན་ཚ་མི་འགྱོད་སེམས་པའི་ཆང་ཞིག་བརྔུབ། །
གཏམ་རྒྱུད་སྣ་ཚོཊ་དགའ་སྐྱོའི་གསེབ་ཏུ་བསྙལ། །
འཛུམ་གྱི་པད་མོ་བཞད་པའི་ནགས་ཚལ་དུ། །
སྣང་བ་བན་བུན་འཁྲུལ་བཞིན་མགུར་རེ་གྱེར། །
སྐྱེ་འཆི་བཏང་སྙོམས་བསྒོམ་པའི་ངག་གི་མས། །
རྣམ་རྟོག་འདོད་པས་བསྐྲུན་པའི་མེ་ཏོག་དག །
ལན་རེ་མཆོད་པའི་ལྷ་མོའི་མདུན་དུ་བཤམས། །
བཅོས་མའི་ཚིག་གི་མེ་ཏོག་བཏབས་གྱུར་ཚེ། །
འཚོ་བ་གྲང་ལ་བརྡབས་པའི་དུས་ཚིགས་རེ། ། དེ་ལས་མང་་་

ཕ་ཡུལ་ལགས་ཁྱེད་བདེ་ལགས་སམ།
ལོ་ཟླའི་ཕྲེང་རྡོག་རེ་རེ་ག་ལེར་བགྲང་རྗེས།
དྲན་ངོགས་སུ་འཕྱུར་ཡོང་བ་ནི་ཆུ་བོ་བྲུག་པའི་ངར་ཤུགས་དེ་མ་རེད།
འབྱུང་གྱུར་གྱི་ཀུ་རེ་ལྟ་བུའི་སེམས་ཁྲལ་དང་སྨྲེང་བ་རྨི་ལམ་དེ་དག་ཀྱང་མ་རེད།
ཟླ་བ་ཟླ་བའི་ཡར་སྔོན་དུ་སྤྲིན་དཀར་ཚོགས་ཀྱིས་རྣ་ཆ་འདོགས་ཤིང་།
སྣ་ལྔའི་མེ་ཏོག་དྲི་བཟང་ཕྱོགས་ཀུན་ཏུ་ལྡང་ནས།
ནོར་འཛིན་གྱི་གཡུ་ཁྲབ་གསོ་བའི་དབྱར་ཟླ་དྲུག་པས།
ཁུ་སིམ་ལྟར་སྣང་ཡང་ཁུ་སིམ་མ་ཡིན་པའི་རྫོང་ དེ་ལས་མང་་་

ཐ་སྙད་ལ་བརྒྱུས་པའི་འོད་ཟེར་དེ།
ཆེ་ཆུང་དང་བར་ཐག་མེད་པར།
སླར་ཡང་སྤྲིན་དཀར་གྱི་རོལ་མོར་གྱུར་དུས།
ཕ་ཡུལ། བར་དོ་འགྲིམས་དུས་ཀྱི་མིག་ཆུར་ཁོ་ནར་གྲུབ།
དབལ་ཚ་བའི་བག་ཆགས་ཀྱི་སྣེ་མོར།
ཏུར་ཏུར་ངང་འཚངས་འོང་བ་ཐམས་ཅད།
གྲིབ་མའི་ཁྲོད་ཀྱི་ཆ་ཤས་ཡང་ཤས་དེ་མ་ཡིན་པར།
ཚེ་སྲོག་གི་རིན་ཐང་ལ་ཁ་དོག་བསྒོ་མཁན་དེ་རེད།
ཉི་མ་ཟླ་བའི་འཁོར་བསྐྱོད་བརྟན་ཡང།
སྤང་ཐང་ན་རྟ་ནོར་ལུག་གསུམ་མི་འདུག
རྣང་ཞིང་དུ་གྲོ་ནས་སྲན་གསུམ་ དེ་ལས་མང་་་

དང་ཐོག་ཚོར་ཤེས་མང་པོའི་བཞིན་རས་ལས།།
དབྱངས་གསལ་རིག་པའི་མེ་ཏོག་མངལ་དུ་སྦྲུམ།།
བར་མེད་རྟོག་པ་འགྱུ་བའི་རླབས་འཕྲེང་ལས།།
སྤྱི་ཚོགས་གཡང་བའི་དཀན་དུ་ལང་ལོང་འཕྱོ།།
ཇི་ཡང་སྲིད་པའི་སྲིད་པ་སྒྱུ་མའི་གར།།
སྣ་ཚོགས་འཚུབ་མའི་དབྱིངས་ལ་ཡིད་བརྟན་ཅི།།
སེམས་ཉིད་དག་པའི་སྟོབས་ཀྱི་མཁའ་དབྱིངས་སུ།།
སྤྲིན་བྲལ་ཉི་ཟླའི་གསལ་སྣང་ཁྱབ་གྱུར་ཅིག།
གསར་དུ་འབུས་པའི་ལྗང་བུའི་གདན་སྟེང་དུ།།
ཕྲག་དོག་རྟ་ཕོའི་རྨིག་སྒྲ་རྡེབ་པ་འདི།།
ད་ལྟའི་བར་དུ་རང་རེའི་སྲོལ་ཡིན་པས།། དེ་ལས་མང་་་

སྲིད་པའི་ཚ་གདུང་སེལ་བའི་ནོར་གྱི་མཆོག །
སྔ་འགྱུར་བསྟན་པའི་དེ་ཉིད་རི་བོང་འཛིན། །
མི་ཉམས་སྲིད་མཐའི་བར་དུ་གསལ་མཛད་མཁན། །
མཚུངས་མེད་བྱ་བྲལ་བླ་མ་རྒྱལ་གྱུར་ཅིག །
རྩེ་གཅིག་དྲིན་ཆེན་བླ་མའི་ཞབས་སྟེགས་སུ། །
ཚོགས་གཉིས་རྦ་རླབས་གཡོ་བའི་ཞུན་མའི་ཆབ། །
དད་གསུམ་སྙིང་གི་རྩེ་ན་རབ་འཕྱོ་བའི། །
རྣམ་བཞིའི་དངོས་གྲུབ་བྱ་བྲལ་བླ་མས་སྩོལ། །
ཡང་དག་ཚད་མ་གསུམ་གྱི་ར་བར་ནས། །
ལུང་རིགས་གད་རྒྱངས་མཐོན་པོ་སྲིད་པའི་རྩེར། །
ཡང་དང་ཡང་དུ་བསྒྲེང་བ་ལན་ཅིག་མིན། ། དེ་ལས་མང་་་