དཔྱད་རྩོམ།

འདི་སྐད་དུ་བརྗོད་པའི་བྱེ་བྲག་བཤད་མཛོད་ཆེན་མོའི་ཞབས་ཕྱག་ཉི་ཟླའི་དཀྱིལ་འཁོར་རམ་རྒྱུ་དྲུག་གསེར་གྱི་ས་གཞི་ཞེས་བཏགས་དགོས་པའི་བསམ་པ་ནི། ཐོལ་བྱུང་བློ་རྡེག་གི་སེམས་པ་ཞིག་ཏུ་སོང་ན་ཡང་། ནན་གྱིས་བསམ་ན་ཕྱི་ནང་གི་ཆོས་ལུགས་དང་གྲུབ་མཐའ་ཡོད་ཚད་ཀྱིས་འདི་ལྟར་བའི་རྟེན་འབྱུང་ཕྲ་རགས་ཀྱི་རྣམ་བཞག་ལ་ལྟོས་ཏེ། ཕྱི་ནང་གི་འགལ་འདུ་དང་སོ་སོའི་བར་ཁྱད་ཀྱི་འདུ་ཤེས་པའི་སྒོ་ཆེན་ཕྱེས་པ་མ་ཡིན་ནམ། དེ་ཡང་ལོས་ཡིན་ཏེ། ཕྱི་བའི་ལྟ་ དེ་ལས་མང་་་

བརྗོད་བྱ་དངོས་ལ་མ་འཇུག་གི་སྔོན་དུ་ཐོག་མར་བཤད་འདོད་པ་ཞིག་ལ། དཔྱད་རྩོམ་འདི་ལོ་གསུམ་གྱི་ཡར་སྔོན་ཞིག་ཏེ་སྤྱིར་ལོ་༢༠༡༨ལོར་ལོ་མཇུག་ཞིག་ཏུ་སློབ་གླིང་གི་ལུགས་སྲོལ་ལྟར་བྲིས་པ་ཞིག་ཡིན་ལ། དེ་ཡང་ལོ་ངོ་གསུམ་ལྷག་ལ་དབུ་མ་ཆེད་སྦྱོང་བྱས་ནས་ལོ་གསུམ་གྱི་ལོ་མཇུག་ཏུ་དབུ་མ་མཐར་ཕྱིན་པའི་རྒྱུགས་རྩོམ་གྱི་དོད་དུ་བྲིས་པ་ཞིག་ཀྱང་ཡིན་ལགས། རྩོམ་ཐུང་འདི་མ་གཞི་ནས་ཡན་ལག་གི་ས་བཅད་ཞིག་ཡིན་པའང་ཀློག་པ་པོ་དག་གིས་ངེས་དགོས་ དེ་ལས་མང་་་

ཉིན་འདི་དག་ལ་རྩྭ་སྐྱ་མེ་ལ་ཤོར་བ་ལྟ་བུའི་རིམས་ནད་ཀྱི་འཇིགས་པས་ཁྱིམ་ནས་སྒོ་རུ་འགྲོ་མི་ཐུབ་ནའང་། ” གོམ་མཐའི་ས་ལས་གོམ་གཅིག་མ་བརྒལ་བར།། འཇིག་རྟེན་དེ་ཉིད་མཐོང་བའི་ལྟད་མོ་འབྱུང་” ཞེས་པ་ལྟར། ཆག་ལོ་ཙཱ་བའི་ལམ་ཡིག་ལས་ཁོང་གི་སྐུ་དུས་ཀྱི་རྒྱ་གར་ཞིང་གི་བཀོད་པ་དང་ལམ་བར་གྱི་གནས་ཚུལ་དག་ཁོང་དང་མཉམ་དུ་འགྲོགས་ནས་དངོས་སུ་མཐོང་བ་དང་གཉིས་སུ་མ་མཆིས་ལ། ལམ་ཡིག་གི་ཁ་ཕྱེས་ནས་བལྟས་པ་ན་ང་རང་གློ་བུར་དུ་ཡུལ་དུས་ཀྱི་བར་ཐག་མང་པོ་ཞིག་ཐོལ་བརྒལ་བྱས་ཏེ་བོད་ཀྱི་ལོ་ཙཱ་བ་ཆེན་པོ་ཞིག་དང་མཉམ་དུ་གནས་སྐོར་ལ་ཆས་སོང་། དེ་ལས་མང་་་

ཉེ་ལམ་དཔྱིད་ཀའི་ཉི་མ་རིང་ཞིང་། རྒྱ་གར་བྱང་རྒྱུད་དུ་ཡང་གནམ་གཤིས་ཀྱི་ཚ་དྲོད་ཉིན་རེ་བཞིན་འཕར་སྒང་ལ་སོང་། གུང་ཚིགས་རྗེས་ཚ་ཡོལ་དང་སྦྲགས་རྫོང་པའི་དཔེ་མཛོད་དུ་ཡིག་ཆ་རེ་བསྔོགས་ཏེ་བསྡད། རྣམ་ཐར་དཔེ་བསྟར་མའི་ཁྲོད་ནས་ << ཆག་ལོ་ཙཱ་བ་ཆོས་རྗེ་དཔལ་གྱི་རྣམ་ཐར། >> ཞེས་པའི་དེབ་ཆུང་དམར་པོ་ [1]ཞིག་མཐོང་བ་ན། ཡུན་རིང་གོང་ནས་ཞལ་གྱེས་པའི་ཆོས་ཀྱི་བཤེས་གཉེན་བགྲེས་སོང་ཞིག་དང་གློ་རྡེག་ཏུ་མཇལ་བ་ལྟ་བུའི་སྤྲོ་སྣང་སྐྱེས། དེ་སྔོན་མཁས་དབང་དགེ་འདུན་ཆོས་འཕེལ་གྱི་གཏམ་རྒྱུད་གསེར་ཐང་[2]དང་། རྒྱ་གར་གནས་ཡིག་ལས་[3]ཆག་ལོའི་རྡོར་གདན་དཀར་ཆག་[4]དང་། དེ་ལས་མང་་་

དུས་རབས་བདུན་པའི་ནང་ཐང་ཐེའུ་ཙུང་གི་སྲས་མོ་རྒྱ་བཟའ་ཀོང་ཇོ་རྒྱལ་ས་ཁྲང་ཨན་ནས་བོད་ལ་ཕེབས་སྐབས་སུ་སྨར་ཁམས་ཁུལ་དུ་ཕེབས་ནས་རྣམ་པར་སྣང་མཛད་ལ་ཞིག་གསོ་མཛད་པ་དང་། ད་ལྟའི་དུས་རབས་གསར་པའི་ཡུལ་དངོས་ཀྱི་ཕྱིའི་སྣོད་ཀྱི་བཀོད་པ་དང་ནང་རྟེན་གྱི་རྣམ་པ་དེ་དག་གི་རྒྱབ་ལྗོངས་དང་འབྲེལ་བའི་སྐོར་ཅུང་ཙམ་གླེང་ཡོད།
[བརྡ་ཆད་གཙོ་བོ ]
རྣམ་པར་སྣང་མཛད། ལྷ་འདུས། རྒྱ་བཟའ་ཀོང་ཇོ། སྨར་ཁམས། འབོམ།
དེ་ལས་མང་་་

ངོ་མཚར་མཁྱེན་པའི་འཁོར་ལོའི་མུ་ཁྱུད་ལ། །བརྟན་གཡོའི་ཆོས་ཀུན་ཟླུམ་པའི་དཔལ་ལྡན་པའི། །ཤེས་རབ་ནོར་བུའི་མཛོད་གྱུར་ཤཱཀྱ་ཐུབ། །སྙིང་དབུས་མི་ཤིགས་ཐིག་ལེར་རོལ་བར་མཛོད། །དེ་ལ་འདིར་སྒོམ་སྡེ་ལྷ་རམས་པ་ཐུབ་བསྟན་བསམ་གྲུབ་ཀྱིས་མཛད་པའི་སྡོམ་སྡེའི་ཚིག་མཛོད་ཆེན་མོ་ལས་ཁ་འབབ་ཀྱི་ཆུ་བོ་ཆེན་པོ་བཞི་ངོས་བཟུང་བའི་ཚུལ་ལ་དཔྱད་པར་བྱ་བ་ལ། རང་ལུགས་ཁ་འབབ་རྣམ་བཞིའི་ཆུ་བཞི་ངོས་བཟུང་བ་དང་། གཞན་ལུགས་མི་འཐད་པར་དགག་པ་དང་། དེ་ལ་རྩོད་པ་སྤོང་བའི་ཚུལ་བཤད་པ་དང་གསུམ་ལས། དང་པོ་ནི། ཁ་འབབ་རྣམ་བཞིའི་ཆུ་བོ་ཞེས་རང་རེ་བོད་ལ་གྲགས་པ་ནི། དེ་ལས་མང་་་

སྟོན་པ་རྫོགས་པའི་སངས་རྒྱས་ཀྱིས་མདོ་རྒྱུད་ལས་གསུང་པའི་གང་ཟག་གཅིག་འཚང་རྒྱ་བ་ལ་ཚང་ལ་མ་ནོར་བའི་ལམ་ཡོངས་རྫོགས་བོད་ཡུལ་དུ་ཆོས་རྒྱལ་རྣམས་དང་ལོ་པཎ་རྣམས་ཀྱིས་གདན་དྲངས་པའི་ནང་ཚན་གནའ་ནས་ད་ལྟའི་བར་དུ་དར་ཞིང་རྒྱས་པ་གནས་བཞིན་པའི་ཚ་ཚའི་སྐོར་ནི་བོད་མི་རིགས་ཀྱི་རིག་གནས་གལ་ཆེ་ཞིག་ཀྱང་ཡིན་ཞིང་དེའི་སྐོར་རྒྱས་བསྡུས་རན་པོའི་ཐོག་ནས་ངོ་སྤྲོད་པར་བྱའོ།། དེ་ལས་མང་་་

ས་པཎ་ཀུན་དགའ་རྒྱལ་མཚན་གྱིས་མཛད་པའི་ཚད་མ་རིགས་གཏེར་ནི་རྒྱ་གཞུང་ལ་མ་བསྟེན་པར་བོད་རང་རྐང་གི་བསམ་བློས་བརྩམས་པའི་ཚད་མའི་བསྟན་བཅོས་ཐུན་མོང་མ་ཡིན་པ་ཞིག་ཡིན་ལ། བསྟན་བཅོས་འདི་བརྩམས་རྗེས་དེའི་སློབ་རྒྱུད་འཛིན་པ་མང་དུ་བྱུང་ནས་བོད་ཀྱི་ཚད་མ་རིག་པ་འཕེལ་རྒྱས་འགྲོ་བར་གལ་ཆེའི་ནུས་པ་ཐོན་ཡོད་པས། འགོས་ལོ་གཞོན་ནུ་དཔལ་དང་དཔའ་བོ་གཙུག་ལག་ཕྲེང་བ་སོགས་ཀྱིས་བོད་དུ་དེང་སང་གི་བར་རྣམ་འགྲེལ་དར་བ་ས་པཎ་དང་འུ་ཡུག་པ་རྣམ་གཉིས་ཀྱི་དྲིན་ཡིན་ཞེས་གདེང་འཇོག་གནང་ཡོད་པ་ལྟར། བསྟན་བཅོས་འདི་ལ་རིག་གཞུང་ཞིབ་འཇུག་གི་དགོས་པ་དང་རིན་ཐང་ཆེར་ལྡན་ཡང་། དེ་ལས་མང་་་

དེ་ཡང་ལོ་རྒྱུས་དང་རིག་གནས་དུ་མས་ཕྱུག་པའི་སྨན་ལྗོངས་སཱ་ལའི་ཞིང་འདིར། མཁས་པའི་དབང་པོ་རྒྱུ་སྐར་གྱི་གྲངས་བཞིན་བྱོན་ནས། བསྟན་དང་འགྲོ་བའི་དོན་དུ་རླབས་ཆེན་གྱི་ཕྱག་རྗེས་ཇི་སྙེད་ཅིག་འཇོག་པར་མཛད་པ་རྣམས་འགོག་མེད་དྲན་པའི་ངོས་སུ་ཤར་ཐེངས་རེར་དད་གུས་ཀྱི་བ་སྤུ་མི་ལྡང་བ་ཅི་ལ་སྲིད། དེ་ཡང་ལོས་ཡིན་ང་ཚོའི་མི་རིགས་འདི། ལོ་རྒྱུས་དང་། རིག་གནས། གོམས་གཤིས་སོགས་ཕུན་སུམ་ཚོགས་ཤིང་། རང་བཞིན་གྱིས་བྱམས་པ་དང་སྙིང་རྗེ་ཆེ་བ། གཡོ་སྒྱུ་མེད་པ་སོགས་འཛམ་གླིང་གང་སར་སྙན་གྲགས་ཀྱིས་ཁྱབ་པ་འདི་ཡང་མཁས་མཛངས་ལྡན་པའི་མེས་པོ་རྣམས་ཀྱིས་སྐྱེས་སྦྱངས་བློ་གྲོས་ཀྱི་རྩལ་ལས་ཐོན་པ་ཞིག་ཡིན་པ་གོར་མ་ཆག དེ་ལས་མང་་་

རྒྱ་གར་སྐད་དུ། ཀཱ་ཡ་པ་རི་ཀ་བྷཱ་བ་ན་ཀྲ་མ། བོད་སྐད་དུ། ལུས་ཡོངས་སུ་དཔྱད་པའི་བསྒོམ་པའི་རིམ་པ། སངས་རྒྱས་ལ་ཕྱག་འཚལ་ལོ། །འདི་ལ་སློབ་དཔོན་ཀླུ་སྒྲུབ་ཀྱི་ཞལ་སྔ་ནས། འཇིག་རྟེན་རྣམ་པར་རྟོག་ལས་བྱུང༌། །རྣམ་པར་རྟོག་པ་སེམས་ལས་བྱུང༌། །སེམས་ཀྱང་ལུས་ལས་བྱུང་བས་ན། །དེའི་ཕྱིར་ལུས་ལ་དཔྱད་པར་བྱ། །ཞེས་གསུངས་ཏེ། དེས་ལུས་ལ་བརྟག་པ་ནི་སྙིང་པོ་གསུམ་དང༌། ལུས་ཟུངས་བདུན་དང༌། སྤུའི་ཚོགས་བརྒྱད་དང༌། བ་སྤུའི་ཁུང་བུ་བྱེ་བ་ཕྲག་བརྒྱད་ཅུ་དང༌། སོ་སུམ་ཅུ་རྩ་གཉིས་དང༌། སེན་མོ་ཉི་ཤུ་དང༌། པགས་པའི་རིམ་པ་བདུན་དང༌། བུ་ག་དགུ་དང༌། འབུར་བཅུ་གཅིག་དང༌།ནང་གི་དངོས་པོ་ཉི་ཤུ་རྩ་གཅིག་དང༌། ཤ་སྤར་ཚད་ལྔ་བརྒྱ་དང༌། རྩ་སྟོང་ཕྲག་བདུན་ཅུ་རྩ་གཉིས་དང༌། དེ་ལས་མང་་་

གང་སྟོང་ཉིད་ཡིན་པའི་གཞི་དེ་རང་གི་ངོ་བོ་བདེན་པས་སྟོང་པ་ཡིན་ན་སྟོང་ཉིད་དེ་རང་སྟོང་དང་། གང་སྟོང་ཉིད་ཡིན་པའི་གཞི་དེ་རང་གི་ངོ་བོ་བདེན་གྲུབ་ཡིན་པ་ལ་ཆོས་གཞན་གྱི་ངོ་བོས་སྟོང་པ་ཡིན་ན་གཞན་སྟོང་ཞེས་བརྗོད། སྟོང་གཞི་བདེན་གྲུབ་སྨྲ་མཁན་ལ་གཞན་སྟོང་སྨྲ་བའམ་དངོས་པོ་སྨྲ་བ་ཞེས་དང་། སྟོང་གཞི་བདེན་མེད་སྨྲ་མཁན་ལ་རང་སྟོང་སྨྲ་བའམ་ངོ་བོ་ཉིད་མེད་པ་སྨྲ་བ་ཞེས་ཀྱང་གྲགས། རང་སྟོང་དང་གཞན་སྟོང་གཉིས་ཀྱི་ཁྱད་པ་དེ་ཆོས་ཀྱི་བདག་གི་སྟོང་པའི་སྟོང་ཉིད་ཀྱི་སྟེང་ནས་ཕྱེ་དགོས་པ་ལས། ཐེག་དམན་གྱི་སྡེ་སྣོད་དམ་འཁོར་ལོ་དང་པོ་ནས་བབསྟན་པའི་གང་ཟག་གི་བདག་མེད་ཙམ་ལ་རང་སྟོང་གཞན་སྟོང་གི་དོན་བཤད་སྲོལ་མེད། དེ་ལས་མང་་་

དགེ་ལུགས་པ་རྣམས་ཀྱིས་དོན་དམ་རིགས་པའི་དགག་བྱ་ཁེགས་ཙམ་གྱི་སྟོང་རྐྱང་མེད་དགག་དངོས་མེད་ཅིག་ལ་མཐར་ཐུག་གི་གནས་ལུགས་སྨྲ་ཞིང་། གནས་ལུགས་སྟོང་པ་ཉིད་དེའི་ངོ་བོ་ལ་སྐྱེ་འགག་མེད་པ་འདུས་མ་བྱས་ཤིག་ཡིན་ཡང་སྟོང་གཞི་ཆོས་ཅན་ཐམས་ཅད་ལ་ཁྱབ་བྱེད་དུ་འགྲོ་བའི་སྟོང་ཉིད་སྤྱི་ལྡོག་ཙམ་པོ་ཞིག་ཁས་ལེན་ལ། བུམ་པ་སྐྱེ་འགག་བྱེད་པའི་ཚེ་དེའི་སྟོང་ཉིད་ལ་འགྱུར་བ་སོང་མེད་པ་དང་། བུམ་པ་གཡོ་བའི་ཚེ་དེའི་སྟོང་ཉིད་མི་གཡོ་བ་ཡིན་ཞེས་ཟེར་རོ།། སྟོང་གཞི་ཆོས་ཅན་འདི་དག་ངོ་བོ་མ་ཡིན་པའི་ཆོས་དབྱིངས་སྟོང་ཉིད་ཀྱི་ངོ་བོ་ཞིག་འདོད་ན་བདེན་གཉིས་ངོ་བོ་གཅིག་ཏུ་འདོད་པ་དང་འགལ་བ་འགྱུར་ཞིང་། དེ་ལས་མང་་་

གཞན་སྟོང་པ་རྣམས་ཀྱིས་བཤད་པ་ལ་གཞན་སྟོང་དོན་དམ་གྱི་ངོ་བོ་མྱ་ངན་ལས་འདས་པ་འདུས་མ་བྱས་པའི་ཆོས་ནི་མི་སླུ་བ་རྟག་བརྟན་ཐེར་ཟུག་ཏུ་བདེན་པ་གྲུབ་པ་དང་། རང་སྟོང་ཀུན་རྫོབ་ཀྱི་ངོ་བོ་འཁོར་བ་འདུས་བྱས་ཀྱི་ཆོས་ནི་སླུ་བ་མི་རྟག་པ་བདེན་མེད་ཡིན་ཞེས་ཟེར། ངེས་དོན་ལ་མི་སྟོན་དྲང་དོན་ལ་སྟོན་པའི་ལུགས་འདི། དོན་དམ་གྱི་ངོ་བོ་ལ་སྒྲོ་འདོགས་པ་དང་། ཀུན་རྫོབ་ཀྱི་ངོ་བོ་ལ་སྐུར་འདེབས་བྱེད་པའི་རྟག་ཆད་གཉིས་འཛིན་གྱི་ལུགས་ཡིན་པས་དགག་པར་བྱ་སྟེ། དེ་ལས་མང་་་

རྒྱ་ནག་ཧྭ་ཤང་གིས་བཞེད་པ་ལ་ཡུལ་གྱི་གནས་ལུགས་ལ་དོན་ཅི་ཡང་མི་གནས་པས་བློས་ཀྱང་དེ་ལྟར་ཅི་ཡང་ཡིད་ལ་མི་བྱེད་ན་ཡང་དག་པའི་ལྟ་བ་ཡིན་པ་ལས། གལ་ཏེ་ཡུལ་གྱི་གནས་ལུགས་ལ་འདི་ཡིན་དེ་མི་་གྱི་དོན་དཞིག་འཛིན་པའམ་འདོད་པ་བྱུང་ན། ཟབ་མོ་སྟོང་ཉིད་སྟོན་པའི་མདོ་ལས། གནས་ལུགས་སྤྲོས་བྲལ་འབའ་ཞིག་པ་གསུངས་པ་དང་འགལ་བ་འགྱུར་བས་མཐར་ཐུག་དབུ་མའི་ལྟ་བ་མིན་ཞེས་དང་། རྒྱ་ཆེར་སྤྱོད་པ་སྟོན་པའི་མདོ་ལས། དེ་ལས་མང་་་

རྒྱལ་བ་ལྔ་པས་བོད་ཀྱི་བླ་ཆེན་མི་ཆེན་ཁག་གི་བཞུགས་གདན་གྱི་རིམ་པ་གཏན་ལ་ཕབ་པ། དགོས་པ་དང་རྒྱུ་མཚན་དཀྱུས་སུ་གསལ་བས་བསྐྱར་བཤད་མ་དགོས། འདི་ལས་ལེགས་ཆ་ཅུང་ཟད་རེ་ལེན་རྒྱུ་ཡོད་ནའང་ཐང་། མེད་ནའང་གང་ལྟར་ལོ་རྒྱུས་ཤིག་ནི་རེད། རྒྱལ་བ་ལྔ་པའི་རང་རྣམ་དཱུ་ཀུ་ལའི་གོས་བཟང་དེབ་གཉིས་པ་ནས་དྲངས། འདིར་ཞིབ་མོ་རྣམ་དག་རབ་གསལ་མེ་ལོང་ཞེས་པ་ཞིག་བྲིས་པ་གསལ་བ་དེ་གང་དུ་ཡོད་མེད་ཤེས་མཁན་ཡོད་ན་མཆན་ཞིག་འདེབས་པར་ཞུ། དེ་ལས་མང་་་