ན་མོ་བུདྡྷཱ་ཡ། མཁྱེན་པའི་སྤྱན་ཟུང་ཤེས་བྱ་ཀུན་ལ་འཕྲོ། །ཐུགས་རྗེའི་རྒྱུན་ཆེན་ཕོངས་པའི་གནས་སུ་འབེབས། །ནུས་པའི་ཕྱག་གིས་འགྲོ་ཀུན་སྲིད་ཞི་ལས། །སྒྲོལ་མཛད་སྤྱན་རས་གཟིགས་ལ་ཕྱག་འཚལ་ལོ། །གང་འདིར་ལྷག་བསམ་དགོངས་པ་རྣམ་དཀར་ཞིང༌། །རྒྱལ་བའི་བཀའ་དང་བསྟན་བཅོས་དུ་མ་ལ། །མང་དུ་གསན་པའི་རྣམ་དཔྱོད་མཆོག་གྱུར་པས། །དྲིས་པའི་དོན་རྣམས་ཇི་བཞིན་འདིར་བརྗོད་བྱ། །འདི་ལ་གཉིས་ཏེ། དྲི་བ་དང༌། ལན་ནོ། །དང་པོ་གཉིས་ཏེ། དྲི་བ་དངོས་དང༌། དྲི་བ་པོས་དྲི་ཡུལ་གྱི་བསམ་ དེ་ལས་མང་་་
ཨོཾ་སྭསྟི། ཆོས་ཀྱི་སྐུ་མངའ་སྲས་བཅས་དང༌། །ཕྱག་འོས་ཀུན་ལ་ཕྱག་བྱས་ནས། །ཡིད་ལུས་རྣམ་གསུམ་ཞེས་བྱ་བ། །དེ་ཡི་དྲིས་ལན་མདོ་ཙམ་འཆད། །དེ་ལྟར་མཆོད་པར་བརྗོད་པ་དང་རྩོམ་པར་དམ་བཅའ་བ་སྔོན་དུ་བཏང་ནས། ཇི་སྐད་དུ། ཡིད་ཀྱི་རང་བཞིན་ཕུང་པོ་དང༌། །དེ་རྒྱུ་ལོག་ཕྱིར་བདེ་བ་ཉིད། །ཅེས་བདེ་བ་དམ་པའི་ཕ་རོལ་ཏུ་ཕྱིན་པ་ངོས་འཛིན་པའི་ཚེ། དེའི་མི་མཐུན་ཕྱོགས་ཡིད་ཀྱི་ལུས་རྣམ་པ་གསུམ་ཞེས་འཁོར་ལོ་གསུམ་པའི་མདོ་དང་བསྟན་བཅོས་དུ་མར་གསུངས་པ་ དེ་ལས་མང་་་
ན་མོ་བུདྡྷཱ་ཡ། འཇམ་པའི་དབྱངས་ལ་ཕྱག་བྱས་ཏེ། །སྔོན་བྱོན་བོད་ཀྱི་སྔ་རབས་པས། །དབུ་མའི་དབྱེ་བ་མང་བཞེད་པ། །དེ་ཡི་བསམ་པ་འདི་ལྟར་འཆད། །གཉིས་མེད་དོན་དམ་དབུ་མ་དང༌། །རབ་ཏུ་མི་གནས་དབུ་མ་པ། །དེ་ལའང་རྒྱུན་ཆད་མི་གནས་དང༌། །ཟུང་འཇུག་མི་གནས་གཉིས་སུ་ཕྱེ། །གཞན་ཡང་དབུ་མ་རྣམ་བཅས་དང༌། །རྣམ་མེད་གཉིས་སུ་འབྱེད་པ་ཡོད། །གནས་དང་མི་གནས་ཤེས་པའི་དོན། །རིགས་པའི་དཔྱད་པ་བརྒྱ་བཟོད་པའི། །གཉིས་མེད་ཡེ་ཤེས་དོན་དམ་དུ། །གནས་དང་མི་གནས་པ་ དེ་ལས་མང་་་
རྗེ་ན་མོ་གུ་རུ། སྐབས་འདི་ཉིད་དུ་གསོལ་བ་འདེབས་སོ། །ཁྱོད་བླ་མ་མཆོག་གི་སྤྲུལ་སྐུ། །ང་རང་ལུས་རྩ་ཡི་དཀྱིལ་འཁོར། །ཆོས་བུམ་པའི་དབང་བསྐུར་སྩལ་བས། །དོན་དམིགས་བཅས་ལྷ་ཡི་དཀྱིལ་འཁོར། །དུས་དེ་རིང་འགག་མེད་དུ་ཤར་རོ། །སྐབས་འདིར་ཡང་གསོལ་བ་འདེབས་སོ། །ཁྱོད་བླ་མ་བདེ་ཆེན་ལོངས་སྐུ། །ང་འགྱུར་མེད་དོན་ཆེན་ཡི་གེ །ཆོས་གསང་བའི་དབང་སྐུར་སྩལ་བས། །དོན་བདེ་དྲོད་རང་འབར་དུ་སྐྱེས་སོ། །སྐབས་འདིར་ཡང་གསོལ་བ་འདེབས་སོ། །ཁྱོད་བླ་མ་ཡེ་ཤེས་ཆོས་སྐུ། །ང་ དེ་ལས་མང་་་
ན་མོ་ལོ་ཀི་ཤྭ་ར་ཡ། སྲིད་ཞིའི་དབང་ཕྱུག་དབྱིག་གི་སྙིང་པོ་ཡང༌། །བཤེས་གཉེན་ཇི་བཞིན་གང་བློའི་རྗེས་སོང་བས། །མཁས་པའི་གནས་ཐོབ་གྲགས་པའི་ཁྲིར་འཁོད་པ། །འཛམ་གླིང་རྒྱན་གཅིག་དེང་འདིར་ཕྱག་གི་འོས། །མང་དུ་སེམས་པའི་ནགས་ཁྲོད་ཉམས་དགའ་བར། །ལང་ཚོ་ཡོལ་ཀྱང་ལེགས་བཤད་ཚོལ་བྱའི་ཕྱིར། །སྙིང་ནས་བསམ་པ་དག་པས་འདྲི་གང་ཁྱེད། །ཆོས་མངོན་ཤེས་བྱའི་ཁྱམས་ཆེན་འདིར་སྤྱོན་ལ། །གཞན་དང་མི་མཉམ་རྣམ་དཔྱོད་ལག་པ་ཡིས། །བློ་གྲོས་ཤེལ་གྱི་ངོས་འཇམ་ལ་བྲིས་པའི། །ཡིད་འོངས་ལེ དེ་ལས་མང་་་
ན་མོ་ཝ་ཀི་ཤྭ་རཱ་ཡེ། འགྲོ་ཀུན་ཀུན་ནས་དགའ་བ་བསྐྱེད་པའི་གསུང༌། །རྣམ་རྒྱལ་རྒྱལ་བའི་དགེ་མཚན་དཔལ་གྱི་སྐུ། །བསྐལ་བཟང་བཟང་པོར་མཛད་པའི་ཐུགས་རྗེ་ཡིས། །བདག་དང་དྭང་བའི་བློ་ཅན་ཀུན་ཟུང་ཤིག །རང་ལ་ཆགས་པའི་ཆང་གིས་མ་མྱོས་ཤིང༌། །གཞན་ལ་སྡང་བའི་མིག་གིས་མ་བལྟས་པར། །ཆོས་རབ་འབྱེད་པའི་མགྲིན་པ་མཐོར་བཏེག་ནས། །དཀའ་བའི་གནས་འགའ་དེང་འདིར་བཤད་འདིའོ།། །།དེའང་འདི་ལྟར། སྡོམ་པ་གསུམ་གྱི་རབ་ཏུ་དབྱེ་བ་ཞེས་བྱ་བའི་བསྟན་བཅོས་ལས་བརྩམས་པའི་དྲི་བ་བརྒྱ་ དེ་ལས་མང་་་
སྭསྟི། དགེ་ལེགས་སུ་བགྱི་བ་གྲུབ་པར་གྱུར་ཅིག ཕྱག་རྒྱ་ཆེན་པོ་གསལ་བར་བྱེད་པའི་བསྟན་བཅོས་ཚངས་པའི་འཁོར་ལོས་གཞན་བློའི་དྲེགས་པ་ཉམས་བྱེད་ཅེས་བྱ་བ། རང་བཞིན་རྣམ་དག་རྫོགས་སངས་རྒྱས་ཀྱི་བློ། །གློ་བུར་དྲི་མའི་ཚོགས་དང་མ་འདྲེས་པ། །དུས་རྣམས་རྟག་ཏུ་ཀུན་ལ་བཞུགས་གྱུར་པ། །གཡོ་མེད་ཕྱག་རྒྱ་ཆེ་ལ་ཕྱག་འཚལ་ནས། །དེ་ཡིས་རང་བཞིན་གསལ་བར་རྟོགས་དཀའ་བ། །བརྗོད་དང་རྟོག་པའི་ཡུལ་ལས་འདས་གྱུར་ཀྱང༌། །མཛུབ་མོས་ནམ་མཁའ་མཚོན་པ་ཇི་བཞིན་དུ། །ཕྱོགས་ཙམ་བརྗོད་ལ་ དེ་ལས་མང་་་
ན་མོ་བཱཻ་ཌཱུརྻ་པྲ་བྷ་སྱེ། ས་སྐྱོང་རྒྱལ་པོས་མཆོད་པའི་གནས་ཐོབ་ནས། །ཕ་རོལ་དཔུང་དང་ནད་ཆེན་གཞོམ་སླད་དུ། །དེ་བཞིན་གཤེགས་བདུན་མཆོད་པར་མཛད་རྣམས་ལ། །དོགས་པའི་གནས་འགའ་དྲིའོ་དགེ་བར་གསོན། །དེ་ཡང་འདི་ལྟར་དེ་བཞིན་གཤེགས་པ་བདུན་གྱི་སྔོན་གྱི་ཁྱད་པར་རྒྱས་པའི་ཆོ་ག་མདོ་སྡེ་ལས་བཏུས་པ་ཞེས་བྱ་བའི་བསྟན་བཅོས་བྱང་ཆུབ་སེམས་དཔའ་ཞི་བ་འཚོས་མཛད་པ་འདི་ལས་བརྩམས་སྟེ། དོགས་པའི་གནས་འགའ་ཞིག་དྲི་བ་ནི། གཞལ་མེད་ཁང་གི་དབུས་སུ། དེ་བཞིན་གཤེགས་ དེ་ལས་མང་་་
ན་མོ་མཉྫུ་ཤྲཱི་ཡེ། ལྷ་དབང་གསུང་གི་རྔ་ཆེན་གྱིས་བསྐུལ་ནས། །ལྷ་ཡི་བཟོ་བོ་ལས་བསྐྲུན་ཐམས་ཅད་པས། །ལྷ་རྫས་ལས་བགྱིས་རྩིབས་སྟོང་རབ་མཉམ་ལྡན། །ལྷ་ལམ་ཡངས་པར་ཐོགས་པ་མེད་འགྲོ་བ། །ས་སྐྱོང་དཔུང་གི་ཡན་ལག་ཚོགས་བཅས་ཀུན། །ཇི་ཙམ་འདོད་པའི་ཡུལ་ལ་དབང་བྱེད་འདི། །ཐུབ་དབང་སྲས་དང་བཅས་ལ་འབུལ་ལགས་ན། །འགྲོ་ཀུན་འཁོར་ལོས་བསྒྱུར་བའི་དཔལ་འཛིན་ཤོག །རྒྱལ་མཚན་རྩེ་མོར་མཆོད་འོས་ཟུར་བརྒྱད་པ། །རྒྱལ་པོའི་ཡིད་ལ་ཅི་བསམ་སྟེར་བྱེད་ཅིང༌། །རྒྱལ་སྲིད་ཆོས་བཞིན་སྐྱོང་ དེ་ལས་མང་་་
ན་མོ་མཉྫུ་ཤྲཱི་ཡེ། ལྷུན་གྲུབ་རྒྱུན་མི་ཆད་པའི་འཕྲིན་ལས་ཀྱི། །གོས་དམར་གྱིས་ཀླུབས་ཡེ་ཤེས་ཉི་མ་ནི། །ཐུགས་རྗེའི་ཤིང་རྟ་ལ་ཞོན་འགྲོ་དོན་གྱི། །ལམ་དུ་བདེ་བར་རྒྱུ་ལ་ཕྱག་བགྱིའོ། །མི་འགྱུར་བདེ་ཆེན་ཤིན་ཏུ་ཟབ་པའི་ཐུགས། །སྟོང་ཉིད་ཚོན་བརྒྱས་རྣམ་པར་གསལ་བའི་སྐུ། །ཟུང་འཇུག་འཁོར་ལོས་སྒྱུར་བའི་གསུང་དབྱངས་ཀྱིས། །ཚུལ་ཆེན་གསུང་བ་དེ་ལ་ཕྱག་འཚལ་ལོ། །མཱ་ལ་ཡ་རླུང་བསིལ་བའི་ལང་ཚོ་ལས། །དལ་བུར་དྲངས་པའི་ཧ་རི་ཙནྡན་གྱི། །ངད་འཇམ་ཇི་བཞིན་སྙིང་གི་གདུང་ དེ་ལས་མང་་་
ཚངས་དབང་གཙུག་གི་ཟླ་གཞོན་ལང་ཚོའི་རྩེ། །ཁྱོད་ཞབས་ཉིན་མོར་བྱེད་པའི་མདངས་གསལ་གྱིས། །འཇིག་རྟེན་གསུམ་གྱི་མུན་ཆེན་སེལ་མཁས་པ། །སྣང་མཛད་ལྷ་མིའི་སྟོན་པས་འདིར་བསྲུངས་ཤིག །བརྩེ་ཆེན་ཡོངས་ཀྱི་འཆི་མེད་བདུད་རྩིའི་རྒྱུན། །སྤྱན་རས་གཟིགས་དབང་ཐུགས་རྗེའི་དཔག་བསམ་གྱིས། །གང་འཐུངས་སྲིད་ཞིའི་འཇུག་ངོགས་ཉམས་དགའ་བར། །ཕན་མཛད་འཇིག་རྟེན་དབང་པོས་འདིར་དགོངས་ཤིག །བོད་འབངས་ཨུཏྤལ་སྐྱོང་མཛད་ཐུགས་རྗེའི་གཏེར། །པད་དཀར་འཛིན་མཛད་མཚན་མོའི་ཉི་མ་ནི། །གངས་ཅན་དབང་པོའི་ལམ་དུ་ཤར་གྱུར་ནས། །ཕན་བདེའི་ དེ་ལས་མང་་་
ན་མོ་ཨཱརྻ་མཻ་ཏྲི་ན་ཐཱ་ཡ། གང་འདིར་རྒྱལ་བའི་བསྟན་པ་རིན་པོ་ཆེ། ཆོས་ཀྱི་སྒོ་ཐམས་ཅད་ནས་ཡུལ་ཕྱོགས་དུ་མར་དར་ཞིང༌། ཕྲིན་ལས་ལྷུན་གྱིས་གྲུབ་པར་རྒྱས་པ་དང༌། དེ་ཉིད་རྒྱུན་མི་ཆད་པར་ཡུན་རིང་དུ་གནས་པ་དང༌། འཇིག་རྟེན་ལུགས་ཀྱི་ཕུན་སུམ་ཚོགས་པ་མཐའ་དག་རང་གི་ངང་གིས་འཕེལ་བ་ནི། སྤྱིར་དཀོན་མཆོག་གསུམ་གྱི་རྟེན་དང༌། ཁྱད་པར་སངས་རྒྱས་དང་བྱང་ཆུབ་སེམས་དཔའི་སྐུ་གཟུགས་རིང་བསྲེལ་གྱི་སྙིང་པོ་ཅན་བཞུགས་པ་ལ་རག་ལས་པ་ཡིན་ཏེ། འདི་ དེ་ལས་མང་་་
སྭསྟི། གང་སྐུ་མཐོང་བའི་མོད་ལ་དབང་པོས་ཀྱང༌། །ཞབས་ཟུང་ཚངས་པའི་གནས་སུ་ལེན་བྱེད་ཅིང༌། །ཁྱོད་གསུང་འཕྲོ་བའི་ཐོག་མར་ཕྱོགས་བཅུ་ཡི། །རྒྱལ་དབང་སྲས་དང་བཅས་པས་སྐྱེས་ཕུལ་བ། །ཐུབ་ཆེན་སྟོན་པ་དེ་ཡིན་དེ་ཡི་ཆོས། །ཐུབ་དབང་ཉིད་ཀྱི་ཆོས་ཚུལ་གཞན་རྣམས་ལས། །ལྷག་པར་བསྔགས་པའི་ཕྲེང་མཛེས་གཡོ་ལྡན་པ། །རྒྱལ་དང་རྒྱལ་བའི་སྲས་ཀྱི་ཡུམ་དེ་ཡིན། །ཐུགས་རྗེའི་སྤྱན་གྱིས་འགྲོ་ཀུན་ཉེར་གཟིགས་ནས། །བྱམས་པའི་ཕྱག་གིས་བདེ་བའི་གནས་དག་ཏུ། །འདྲེན་མཛད་མ་ཕམ་རྒྱལ་བའི་ཞལ་གྱི་སྒོ། དེ་ལས་མང་་་
ཨོཾ་སྭསྟི་སིདྡྷཾ། ལྷ་དབང་དབང་པོའི་དགྲ་དང་པད་དཀར་མིག །མིག་གསུམ་པས་མཆོད་མཆོད་སྦྱིན་བརྒྱ་པའི་ལྷ། །ལྷ་ཡི་ལྷ་ཁྱོད་ཁྱོད་རང་ཉིད་དང་མཚུངས། །མཚུངས་མེད་ཀུན་མཁྱེན་མཁྱེན་བརྩེའི་དབང་པོར་འདུད། །ཆོས་རྣམས་ཀུན་དང་དེ་མཁྱེན་བྱེད་པོ་ཉིད། །སྔ་ཕྱི་མིན་པར་ཆབས་ཅིག་སངས་རྒྱས་པའི། །ཐབས་ཚུལ་འགྲན་མེད་ཤེས་རབ་ཕ་རོལ་ཕྱིན། །ཐོག་མར་འཆད་མཁས་བུ་རམ་ཤིང་པ་དེས། །བཞི་སྟོང་གིས་ལྷག་བརྒྱད་ཁྲིའི་སྒོ་ཆེན་པོ། །གཞན་དང་གཞན་གྱི་དང་པོར་ཡོད་མིན་པའི། །ངེས་སྟེར་གླིང་གཞིའི་ཆོ་འཕྲུལ་རྣམ་ དེ་ལས་མང་་་
དཀོན་མཆོག་རྒྱལ་མཚན་རྩེ་མོའི་དཔལ་འབར་བས། །རབ་འབྱམ་གཞུང་ལ་སྦྱངས་པ་མི་དམན་ཞིང༌། །རྒྱལ་བ་གཉིས་པའི་ཆོས་ཀྱི་རྒྱལ་སྲིད་ལ། །དབང་འབྱོར་ཆོས་ཀྱི་རྒྱལ་པོའི་ཞབས་དྲུང་དུ། །ཁྱོད་ཀྱི་ཞབས་སྐྱེས་ཡིད་འོངས་པདྨོའི་ཕྲེང༌། །གུས་པའི་ཅོད་པཎ་རྩེ་ལ་ལེགས་བཅིངས་ནས། །ཡོངས་སུ་བསྟན་པའི་བཀའ་དྲིན་ནོད་པ་ཅན། །ཤཱཀྱ་མཆོག་ལྡན་དྲི་མེད་ལེགས་པའི་བློས། །ཞུའོ་འགྲོ་བའི་སྐྱབས་གཅིག་པོ། །སྙིགས་དུས་རྡོ་རྗེ་འཆང་དབང་དེ། །དག་པའི་ཞིང་གཞན་སྤྱན་འདྲེན་པའི། །དཔའ་བོ་རྣལ་འབྱོར་མ་རྣམས་ཀུན། །སྙིང་རྗེས་ཕྱུག་ དེ་ལས་མང་་་
དཔར་དབང་རྒྱལ་ཡོངས་ས་ཆེན་དྲ་བར་ཡོད་པས་ཆོག་མཆན་མེད་པར་རང་དགར་སུས་སྤྱོད་མི་ཆོག ། Copyright © 2024 gyalyongsachen.com All rights reserved