Year: 2024

སྙ༵ན་པའི་དབྱངས་ལ་ཕྱུག་པའི་སྙ༵ན་མཛོད་མ། །
ང༵ག་གི་བདེ་ཕྱགས་དཔལ་མོ་ང༵ག་མཁས་མ། །
མཁ༵ས་པའི་ཚུལ་ལ་རྩེ་མའི་མཁ༵ས་དབང་མས། །
སྙ༵ན་ང༵ག་མཁ༵ས་པའི་ས་བོན་ད་ཅིག་གནོང་། །

རྒྱ༵ལ་བ་རྒྱ༵ལ་སྲ༵ས་སྲ༵ས་བཅས་ཚོགས་རྣམས་ལ། །
ད༵ད་དང་ད༵ད་སེ༵མས་སེ༵མས་ཀྱི་སྲས་བཅས་རྣམས། །
བད༵ག་གིས་བད༵ག་ཡི༵ད་ཡི༵ད་གསུམ་ཞབས་གུས་ལ། །
བྱ༵ང་ཆུབ་བྱ༵ང་སེ༵མས་སེ༵མས་བསྐྱེད་བྱིན་གྱིས་རློབས། །

སྙ༵ན་སྙ༵ན་ཚངས་སྲས་རྔ་སྒྲ་ཐོས་འཚོལ་ནས། །
མཛེ༵ས་མཛེ༵ས་ལྷ་མོའི་སྐུ་གཟུགས་མཇལ་ཐོང་ན། །
དག༵འ་དག༵འ་སེམས་ཀྱི་དགའ་སྤྲོ་རབ་འཕེལ་ནས། ། དེ་ལས་མང་་་

དྲན་བཞིན་དྲན་བཞིན་ཕྲད་བའི་ཉིན་ལ་རེ། །
ཕྲད་པའི་དུས་ནི་སེམས་ཀྱི་རྣམ་རྟོགས་ཙམ། །
བྲལ་བའི་ལོ་ཟླའི་ཉིན་ཞག་རེས་མོ་ལ། །
ཡིད་སེམས་དབྱངས་ལ་རོལ་ནས་འཚོ་བ་བསྐྱལ། །

མཚན་མོར་ཟླ་འོད་མུན་སེལ་འཕྲོས་པའི་ཁྲོད། །
འཁོར་ར་འཁོར་ཡུག་ལྷོད་འཇམ་མཛེས་པའི་བརྗིད། །
ཁེར་རྒྱང་ཟླ་བ་ངེད་་གཉིས་མཚོ་འགྲམ་ནས། །
ཕན་ཚུན་དྲན་དུང་དྲག་པའི་བརྗོད་གཞི་བྱས། །

སྒུག་བཞིག་སྒུག་བཞིན་བྲལ་བའི་སྟེང་ལ་འཁོར། །
དགའ་བཞིན་དགའ་བཞིན་མི་ཚེའི་གསོན་སྙིང་ཕྱོགས། །
འགལ་བའི་ཚིག་ལ་ཕྱིར་བརྗོད་ཐེངས་གཅིག་གིས། ། དེ་ལས་མང་་་

བལྟ་ན་སྡུག་པའི་མཛེས་བྱེད་བུ་མོ་མེ་ཏོག་པདྨའི་རང་མདངས་བ། །
སྲིད་གསུམ་ཁ་གློ་རབ་ཏུ་འགུག་བའི་ཟླ་བྲལ་རྐུན་མའི་ངང་ཚུལ་བ། །
ངག་གི་རྒྱལ་མོ་དབྱངས་ཀྱི་ཕྱུག་བདག་ངག་དབྱངས་དབུལ་བོའི་མ་མ་ལགས། །
སྙན་པའི་དབྱངས་དང་མཛེས་པའི་ཚིག་ཆ་མ་ལུས་ཁོ་བོ་ད་གཅིག་གནོང་། །

བསམ་མེད་ལོ་ཆུང་གི་བྱིས་བའི་ཁྲོད་ནས། །
བྱམས་བརྩེ་གངས་དཀར་གྱི་རང་མདངས་དྭངས་མ། །
མ་བཅོས་ལྷག་བསམ་གྱི་བརྩེ་བའི་འདུན་པ། །
རི་རབ་ལྷུན་པོ་བཞིན་རྟག་ཏུ་བརྟན་པའི། །
མཚན་ལྡན་དགེ་རྒན་དག་བཀའ་དྲིན་བསམ་ན། ། དེ་ལས་མང་་་

དབེན་ཁྲོད་ལྕང་རི་བསམ་གཏན་གླིང་ག་ན། །
མཁས་དབང་གསེར་འཕྲེང་བཞུགས་པ་རབ་མཛེས་ཀྱང་། །
ལས་དང་བསོད་ནམས་དབང་གི་ཁྱེད་ལ་ཕྲད། །
རྙེད་པར་དཀའ་པའི་རྒྱ་མཚོའི་ནོར་བུ་འདི། །
བླ་མར་བསྟེན་པར་ཐུབ་པ་ཡིད་དགའ་མོད། །
བྱམས་དང་ཐུགས་རྗེ་ཅན་དེ་ཁྱེད་གཅིག་པུ།

ཡང་ར་ཡང་གི་གསུང་པའི་བཀའ་ཆོས་དེ། །
རབ་ཏུ་བྱུང་ནི་ཚུལ་ཁྲིམས་གཙང་དགོས་དང་། །
དབང་ལུང་ཞུ་ན་རྗེས་མ་དམ་ཚིག་སྲུངས། །
ཐོས་བརྩོན་བྱེད་པ་རང་དོན་ཁོ་ནའོ། །
ཁོང་གི་སྒེར་དོན་ཕྱོགས་ལ་འབྲེལ་མེད་ཀྱང་། ། དེ་ལས་མང་་་

ལམ་ལམ་ཞོགས་པའི་ཉི་ཟེར་རི་རྩེར་ཕོག།
རི་འདབས་མེ་ཏོག་ཚོམ་བུ་མགོ་ལྕོག་ལྡེམ།།
ལྷུང་ལྷུང་ཆུ་བོའི་བཞུར་སྒྲ་གང་སར་མཆེད།།
ཆུ་འགྲམ་འཇག་མ་རྩྭ་ལ་ཟིལ་བ་ཆགས།།

ཀྱུར་ཀྱུར་སྐད་ཅོར་སྨྲ་བའི་བྱ་བྱེའུ་ཚོགས།།
སྒོ་དང་སྒེའུ་ཁུང་འགྲམ་ནས་ཕར་ཚུར་འཕུར།།
སྒྲོ་གཤོག་སྙི་མོའི་སྣེ་རུ་འོད་ཐིགས་འབབ།།
ཤིན་ཏུ་སྐྱིད་པའི་ཚུལ་གྱིས་ལྡིང་སྐོར་རྒྱག།

ལང་ལོང་དུད་སྤྲིན་ཡོལ་བ་དགུང་དུ་འཐེན།།
ཨ་སྔོན་ནམ་མཁའི་དབྱིངས་སུ་མཛེས་སྡུག་བཀྲ།།
ཟིམ་ཟིམ་ཆར་པའི་ཐིགས་པ་ས་རུ་འཐོར།། དེ་ལས་མང་་་

ལང་མཚོ་མཚར་སྡུག་མངར་བའི་ཡིད་འཕྲོག་མ། །
ངོམ་མཚར་རྨད་དུ་བྱུང་བའི་འཇོ་སྒེག་མཁན། །
དཔྱིད་ཀྱི་སྒེག་གི་བུང་བ་འགུག་མཁས་པའི། །
མཚོ་བྱུང་ལྷ་མོས་ངག་གི་བྱིན་བརླབ་བསྩོལ། །

བརྩེ་བའི་འདུན་མ་གཞན་ལ་མ་བཞག་ལ། །
འཁོར་བའི་སྙིང་པོ་ཡིད་ནས་མ་འདོར་ལ། །
ལུས་ཀྱི་སྒེག་དང་མཛེས་ལ་མ་ཆགས་ལ། །
གློ་བར་ཐོག་གི་གློག་འདན་འཕྲོས་པ་བཞིན། །
སེམས་ཀྱི་སྟེང་འོག་གཞི་ནས་མ་སྡད་ལ། །
ཁྱེད་ཀྱི་ཕྱོགས་ལ་འཁོར་བའི་ངང་ཚུལ་དྲག ། དེ་ལས་མང་་་

མཁས་ཀྱང་མཁས་པའི་ཁྲོད་ན་ང་མ་ཡོད། །
གླེན་ཡང་ལེ་ལོའི་ཁྲོད་ན་ང་མ་ཡོད། །
བཟང་ངན་བར་ན་གནས་པའི་ཕུང་གསུམ་ང་། །
འདི་ལས་ལྷག་པའི་འཇིག་རྟེན་ང་མི་དགོ །

མཁས་པས་འབད་བརྩོན་ཆུ་སྒྲ་རྒྱུན་མ་ཆད། །
ལེ་ལོ་གཉིད་པའི་ཉོག་སྒྲ་འུར་འུར་འུར། །
ཁོ་བོ་གཉིད་མེད་འབད་མེད་ཕུང་གསུམ་པ། །
རང་ཤེས་འདི་ལྟར་འཛིན་པ་ཆོས་ཉིད་རེད། །

ལོ་ཟླ་རྟག་ཏུ་ཕོང་གསུམ་འཚོ་པའི་རྒྱུད། །
འབད་བརྩོན་ལེ་ལོའི་དབང་ལ་མ་སོང་བ། །
གསེར་རྟག་ངན་རྟག་ཙམ་ཞིག་མ་མཆིས་ར། ། དེ་ལས་མང་་་

མཆོག་གསུམ་ཟླ་བྲལ་བུ་མོ་མཛེས་པའི་དཔལ། །
རིག་པའི་ཤེས་བྱ་དཔལ་ཡོན་རྒྱས་དར་མ། །
འཇོ་སྒེག་གར་གྱི་རོལ་བ་དབྱངས་ཅན་མས། །
རྨད་བྱུང་ངག་གི་དཔལ་ཡོན་བདག་ལ་སྩོལ། །

མཛེས་མཛེས་མེ་ཏོག་ལྡུམ་རའི་ནང་ཚུར་ན། །
གསེར་མདོག་བུང་བ་སྣང་གླུ་འཐེན་པ་ཅན། །
མཁའ་ཡི་མཁའ་ལ་འཕུར་བ་སླ་མོད་ཀྱང་། །
མཛེས་པའི་མེ་ཏོག་མེད་ན་ཨ་ཐང་ཆད། །

བདེ་སྐྱིད་དཔལ་ལ་རོལ་བའི་འདོད་ལྡན་ཚོགས། །
བཙན་དང་རྒོད་པོའི་དབུ་འཕངས་དམན་ལ་གཏུག །
དཔའ་དང་སྙིང་སྟོབས་འཇིགས་བའི་གློ་མེད་ཀྱང་། །
མཛེས་མའི་བདེ་མཆོག་མེད་ན་སྟོབས་ཤུགས་ཉམས། ། དེ་ལས་མང་་་

བརྩེ་མདངས་གཞན་ལ་ཆགས་ནོ་མི་བརྗེད་གི །
དམ་བཅའ་རྡོ་ལ་རྒྱབ་ནོ་མི་སྡང་གི།
བྲལ་ནས་ལོ་དང་ཟླ་པའི་བར་ཁྲོད་ནས། །
བརྩེ་སེམས་ད་རུང་འགྱུར་མེད་ཁྱོའི་ཕྱོགས་ཡོད། །

མི་དགའ་ཞེས་ཅིང་དུང་པའི་སྟེང་ལ་ཕྱོགས། །
མི་མཐུན་ཟེར་ཡང་བརྩེ་པའི་འདུན་མ་ཕྱོགས། །
དགའ་བཞིན་དགའ་བཞིན་སྒུག་པའི་མི་ཚེ་རྒུད། །
མི་ཚེའི་སྙིང་པོ་ད་རུང་མེད་པར་འདྲ། །

མཛེས་བཞིན་མཛེས་བཞིན་བཙོག་པའི་སྟེང་ལ་ཐོན། །
མཐུན་བཞིན་མཐུན་བཞིན་བརྩེ་བའི་རེ་ཐག་ཆད། །
བཤད་ཀྱང་ཡིད་ཆེས་སེམས་ལ་མ་བཞག་པས། ། དེ་ལས་མང་་་

ཡན་ལག་བརྒྱད་ལྡན་ཆུ་གཏེར་ཀློང་ལས་དྲི་མེད་ཆུ་སྐྱེས་རབ་ཏུ་བཞད། །
ཁྲི་ཡི་ཐོག་ཏུ་དབྱངས་ཅན་དགའ་མའི་བཅུ་དྲུག་ལང་ཚོ་ལྟ་ན་སྡུག །
མ་ཟད་རྒྱུད་མངས་སྒྲ་ལས་དྲངས་ནས་སྙན་འཇེབས་ངག་གིས་སྟོང་གསུམ་འགུལ། །
ཚངས་སྲས་མ་ཀྱེ་མགྲིན་པར་བཞུགས་ནས་ངག་གི་དངོས་གྲུབ་ཅི་ཡང་སྩོལ། །

ཟབ་ཡངས་རྒྱ་མཚོའི་ཀློང་ལས་ཐོན་པའི་ཚངས་པའི་སྲས་མོ་སྒྲ་འཛིན་མ། །
ལྡེམ་མྱུར་སོར་མོས་རྩལ་བརྒྱ་ངོམ་ལ་དགུང་སྔོན་དབྱིངས་ནས་འདིར་གཤེགས་ཤིག །
སྙན་ངག་སྨྲ་བས་མགྲིན་པར་གནས་ཏེ་གསུང་དབྱངས་དག་གི་དཔལ་སྟེར་མ།། དེ་ལས་མང་་་

མཛེས་པའི་ཨུ་དཔལ་ལང་ཚོ་དཔྱིད་ཀྱི་དཔལ། །
སྙན་གསུང་ཁུ་བྱུག་ངག་གི་ཟླ་བྲལ་བ། །
སྐྱེ་དགུའི་ཚོགས་རྣམས་འགུག་པའི་ཡིད་དབང་མ། །
མཚོ་བྱུང་ངག་གི་དབང་ཕྱུག་དབྱངས་ཅན་མས། །
ད་དུང་བདག་ལ་ངག་གི་དབང་ཕྱུག་སྩོལ། །

མ་བཅོས་སྒེག་གི་མཛེས་སྡུག་མཆོག་མངལ་བས། །
ཚིག་གསུམ་ལབ་སའི་བརྩེ་བའི་བདག་མོ་འདོད།
ཁྱེད་ཀྱི་འཇིག་རྟེན་འཁོར་བའི་གྲུ་ཆུང་ན། །
ཁོ་བོ་བསྡད་སའི་གནས་ཚང་ཨེ་ཡོད་ལགས། །

ཁྱེད་ལ་ལྟས་ན་ཡོད་ཚད་མཛེས་པ་དང་། །
ཁྱེད་ལ་ཉན་ན་ཡོད་ཚད་སྙན་པར་སྣང་། ། དེ་ལས་མང་་་

ལྟས་ན་མཛེས་མཛེས་འདྲ་ཡི་ངོ་གདོང་གི་འཛུམ་ཆུང་། །
ཉན་ན་སྙན་སྙན་ངག་གི་དབྱངས་རྟ་ཡི་གད་རྒྱངས་། །
ཡིད་སེམས་ཞེ་མཐུན་ཆགས་སའི་སྙིང་སྡུག་གི་སྒེག་མ། །
མ་བཅོས་མཛེས་པའི་རང་མདངས་ཅི་འདྲ་ཞིག་མཛེས་ཨང་། །

དྲན་ན་ཉིན་ཞག་འགའ་ཡི་དྲན་སྡུག་གི་གཞི་མ། །
དགའ་ན་རྨི་ལམ་འགའ་ཡི་འཁྲུལ་སྣང་གི་མི་སྣ། །
དུང་ན་ཡིད་སེམས་ཞེན་པའི་སྙིང་སྡུག་གི་དགའ་མ། །
མ་བཅོས་ཚིག་གསུམ་འགའ་ཡི་བརྗོད་བྱ་ཞིག་ལོས་ཡིན། །

དྲན་འཕྲིན་སྤྲིན་ལ་སྐུར་ནས་འཕྲིན་ལན་ལ་སྒུག་མྱོང་། ། དེ་ལས་མང་་་

རི་བོ་མཐོ་ས་ན།
གྲང་རླུང་ཆེ་ས་ན།
ངའི་བླ་ཚེ་སྲོག་གསུམ་གྱི་བདག་པོ་མཐོ་སྒང་ཨ།

ཁྱོད་ཀྱིས་ཁོ་ར་ཁོར་ཡུག་ན་རྣམ་ཤེས་ཁྲི་ཕྲག
བྱ་རྒྱལ་རྒོད་པོ་བཞིན་མཁའ་དབྱིངས་སུ་ཅི་ཚད་ལྡིང་མྱོང་།
ལྷོ་མཐའི་ཉི་མ་བཞིན་དུ་དྭངས་གསལ་གྱི་མཚོ་མོའི་ངོགས་ནས།
འོད་ཟེར་ནས་འོད་ཟེར་ཅི་ཙམ་འཕྲོ་ཡོད།

རྒོད་པོ་འཕུར་ཟིན།
ངས་གཤོག་པ་རྐྱོང་སྟེ་ཨ་སྔོན་དབྱིངས་སུ་འཕུར་འདོད་ཧ་ཅང་ཆེ།
འཕུར་ཡང་འཕུར་ས་ནམ་མཁའི་སྐར་མའི་འོག་ན།
ཉི་ཟླ་བཞིན་མཐོ་མ་སོང་།
དེ་ལས་མང་་་

མ་བཅོས་སྒེག་དང་མཛེས་སྡུག་མཆོག་མངལ་བའི། །
ཚིག་དང་དབྱངས་ཀྱི་སྙན་བའི་བང་མཛོད་མ། །
གན་མིན་འདི་མིན་བརྗོད་བྱ་ཟླ་བྲལ་བ། །
དབྱངས་ཕྱུག་ལྷ་མོས་ངག་གི་མཆོད་དབྱངས་བསྩོལ། །

དབྱར་གསུམ་ཟླ་བའི་ཁྲོད་ན་མི་མཆིས་པའི། །
དགུན་ཟླའི་གངས་དཀར་ཁྲོད་ན་མི་བཞུགས་པའི། །
དཀར་མཛེས་ལང་ཚོ་སྨིན་པའི་འདོད་འགུག་མ། །
དབྱངས་ཅན་ལྷ་མོ་བཙལ་ཡང་བརྙེད་མ་བྱུང་། །

དཔྱིད་དཔལ་བཅུ་དྲུག་ལང་ཚོ་མ་ཡིན་ལ། །
སྟོན་དུས་ནགས་ཁྲོད་མཛེས་བའི་གླིང་ན་མེད། །
འཁོར་བའི་གྲོང་ན་འདི་ཡིན་གན་ཡིན་མེད། ། དེ་ལས་མང་་་

མི་ཚེ་དབྱངས་ལ་ཆགས་པའི་ནང་རོལ་ནས། །
འཁོར་བའི་སྒྲུང་ལ་དབྱངས་ཀྱི་གབ་ཚིག་བཞག །
ཚིག་གི་མགུར་མའི་དབྱངས་རྟ་མ་བརྙེད་བར། །
དབང་ཕྱུག་ལྷ་མོས་དངོས་གྲུབ་སྩོལ་ཅིག་ཀྱེ། །

སྐྱིད་སྡུག་རེས་མོ་འཁོར་བའི་ཡུལ་གྲུ་ནས། །
ཞེ་མཐུན་དབྱངས་ལ་ཆགས་པའི་ཐོར་བུ་ངས། །
ཚངས་དབྱངས་ལྷ་མོས་བྱིན་རླབས་མ་བསྩོལ་བར། །
དབྱངས་ཚིག་རོལ་མོའི་གད་རྒྱངས་ལྷོད་སྲོལ་མེད། །

མཛེས་པའི་དྲི་ཞིམ་འཐུལ་སའི་ལྡུམ་རར་ཏུ། །
སྙན་ཚིག་དབྱངས་ཀྱི་རྒྱལ་པོ་ཕྲད་པར་སྣང་། །
ཁེར་རྐྱང་ཆང་ལ་རོལ་བའི་བཟི་ཁའི་ཁྲོད། ། དེ་ལས་མང་་་