༢༠༡༨/༡༠/༢ ཉིན་མདོ་ཁམས་གླིང་འགུ་ཟི་ནས་སྡོད་ཤག་ཁ་ཤས་ལ་མེ་སྐྱོན་ཚབ་ཆེན་ཤོར་ནས་ཅ་དངོས་དང་ཟས་གོས་གནས་མལ་སོགས་གང་ཡང་མ་ལོན་པ་ཚང་མ་མེས་ཚིག་སོང་བ་རེད་འདུག ཡིན་ན་ཡང་ཆེས་ངོ་མཚར་སྐྱེ་འོས་པ་ཞིག་ལ་མེ་ཤུགས་ཆེན་དེས་ཚིག་པའི་ཐལ་བའི་ཁྲོད་དུ་ཆོས་རྗེ་ས་སྐྱ་པཎྜི་ཏ་ཀུན་དགའ་རྒྱལ་མཚན་དཔལ་བཟང་པོའི་ཞལ་ཐང་ཞིག་དང་ཆོས་རྗེ་ཉིད་ཀྱིས་གསུང་རྩོམ་གནང་བའི་སྡོམ་གསུམ་རབ་དབྱེའི་དཔེ་དེབ་ཅིག་དང་བཅས་འདི་གཉིས་གཅིག་པུར་མེས་གནོད་སྐྱོན་གང་ཡང་མ་ཐེབ་པར་ཤུལ་དུ་གསོན་པོར་ལུས་ཡོད་འདུག དེ་འདྲ་མེ་ངར་ཆེ་ཞིང་མེ་བོངས་འཐུག་པའི་ཁྲོད་དུ་སྐམ་ཧྲག་ཧྲག་གི་ཤོག་བུ་འདི་གཉིས་ཁོ་ན་མེས་མ་འཚིག་པ་ཅི་ཡིན་ནམ། ཅ་དངོས་འབོར་ཆེན་དེ་ཚོ་གང་ཡང་མ་ལྷག་པར་མེས་བསྲེག་ཀྱང་འདི་འདྲའི་ཤོག་ལེབ་གཉིས་པོ་གཅིག་པུ་མས་མ་བསྲེག་པ་གང་ཡིན་ནམ། འབྱུང་བ་མེ་ཡིས་ངོ་ཆེ་ཆུང་ལྟས་པ་ཡིན་ནམ། དོན་དངོས་ཐོག་དྲང་པོར་ཞུས་ན་འདི་ནི་ཆོས་རྗེ་ས་སྐྱ་པཎྜི་ཏའི་བྱིན་མཐུ་ཉག་གཅིག་ལས་མ་འདས་སོ་ཟེར་ན་ལོས་ཆོག གནས་ཚུལ་འདིས་ཀྱང་ཁྱེད་ཚོའི་རྒྱུད་ལ་དད་པའི་སྟོབས་རེ་སྦྱིན་ནུས་པའི་ཡིད་ཆེས་ཡོད།
དཔྱད་གཏམ་སྤེལ་མཁན་ལ་གསལ་བརྡ།