ཉེ་ཆར་ཁམས་གསུམ་ཆོས་ཀྱི་རྒྱལ་པོ་དཔས་ས་སྐྱ་༧གོང་མ་༧སྐྱབས་མགོན་ཁྲི་འཛིན་ཞེ་གཉིས་པ་ཆེན་པོ་མཆོག་དང་། ངོར་ཆེན་རྒྱལ་བའི་རྒྱལ་ཚབ་ཐར་རྩེ་མཁན་རིན་པོ་ཆེ། སྙན་བརྒྱུད་གདམས་པའི་མཛོད་འཛིན་ལྕེ་བཙུན་ཞབས་དྲུང་རྣམ་པ་གཙོས་སྤྱི་ཚེས ༦ ནས་༨ བར་དུ་བལ་ཡུལ་དཔལ་ས་སྐྱ་ཁྲ་རིགས་དགོན་པ་དབུ་བརྙེས་ནས་ལོ་ངོ་ཧྲིལ་བོ་ ༥༠ འཁོར་བའི་མཛད་སྒོ་དང་ཁྲ་རིགས་སློབ་གྲྭའི་སློབ་མ་རྣམས་ལ་ལོ་མཐའ་ཡིག་རྒྱུགས་ལེགས་པར་སོན་པ་རྣམས་ཀྱི་གྲུབ་འབྲས་གསོལ་རས་དང་། དད་ལྡན་མང་ཚོགས་ལ་ལ་རི་ཁྲོད་ལོ་མ་གྱོན་མའི་རྗེས་གནང་། སྤྱི་ཚེས ༩ ནས་༡༡ བར་བལ་ཡུལ་དཔལ་ས་སྐྱ་ནཱ་ལེནྡྲ་དགོན་པའི་བསྟན་བདག་༧སྐྱབས་མཆོག་བཅོ་བརྒྱད་ཁྲི་ཆེན་རིན་པོ་ཆེ་མཆོག་གི་སྐུ་གདུང་མཆོད་རྟེན་རིན་པོ་ཆེ་ཀླུ་གན་ཀྱལ་ཕྱོགས་སུ་གསར་བཞེངས་ལེགས་གྲུབ་པར་བྱུང་བ་དེ་ཉིད་ཀྱི་རབ་གནས་མཛད་སྒོ་གནང་འདུག ད་དུང་ཉིན་གཉིས་མཛད་འཆར་འདུག
Leave a Reply