དཔལ་ས་སྐྱའི་ཁྲི་ཐོག་ཞེ་གཅིག་པ་ཆེན་པོ་སྐྱབས་མགོན་༸གོང་མ་ཁྲི་ཆེན་རྡོ་རྗེ་འཆང་ཆེན་པོ་མཆོག་མི་འཇིག་འཇིག་རྟེན་གྱི་ཁམས་སུ་མིའི་ཤ་ཚུགས་སུ་མངོན་པ་རོལ་ནས་དགུང་གྲངས་དྲུག་ཅུ་རེ་བརྒྱད་ལ་ཕེབས་པའི་སྐུའི་ཁྲུངས་སྐར་སྲུང་བརྩི་ཞུ་གནང་སོང།
དེ་ཡང་དེ་རིང་བོད་ཕྱི་ལོ་༢༠༡༢།༩།༡༧སྟེ་བོད་ཟླ་བརྒྱད་པའི་ཚེས་༢ཉིན་དཔལ་ལྡན་ས་སྐྱ་པའི་གྱེས་ཀྱི་གདན་ས་ར་ཛ་སྤུར་དཔལ་ས་སྐྱ་ཆོས་སྒར་དུ་སྔ་དྲོ་ཚོུད་༥དང་ཕྱེད་ཐོག་མགོན་པོ་གང་ཉིད་ཕོ་བྲང་ནས་རྔ་རོལ་སིལ་གྱིས་གདན་དྲངས་ཏེ་བཞུགས་ཁྲི་རིན་པོ་ཆེར་འཁོད་འཚམས་སུ་༸སྐྱབས་མཆོག་འཁོན་གདུང་སྐུ་བགྲེས་རིན་པོ་ཆེ་མཆོག་དང་ངོར་ཐར་རྩེ་མཁན་པོ་ཁང་གསར་ཞབས་དྲུང་རིན་པོ་ཆེ་སོགས་དབུས་པས་འདུས་མང་ཡོངས་ནས་བླ་མ་འཆི་མེད་ཚེ་ལྷ་རྣམ་གསུམ་གྱི་ཆོ་གར་གསུང་གནང་སོང། དེའི་རྗེས་འཁོན་གདུང་སྐུ་བགྲེས་རིན་པོ་ཆེ་མཆོག་སྐུ་བཞེངས་ཐོག་མཎྜལ་སྐུ་གསུམ་ཐུགས་རྟེན་སོགས་འབུལ་གྲུབ་རྗེས་རིམ་བཞིན་བླ་བྲང་དང་འབྲེལ་ཡོད་དགོན་སྡེ་ཁག་གཞན་ཡང་སྤུ་རུ་ཝ་ལ་ས་སྐྱ་གཞིས་ཆགས་དང་ས་གནས་གཞོན་ནུ་དང་སློབ་གྲྭ་སོགས་ཀྱི་གཙོས་པའི་ཚོགས་གཞིས་ཁག་གིས་རིམ་བཞིན་མཎྜལ་སྐུ་གསུང་ཐུགས་རྟེན་འབུལ་འཕུལ་གྲུབ་རྗེས་མཛད་བྲེལ་གྱིས་རྐྱེན་པའི་མི་མང་བྱིངས་ལ་རུ་སྒྲིགས་ཀྱི་མཇལ་ཁ་གནང་མ་སོང། དེ་ནས་གསུང་ཆོག་གྲུབ་མཚམས་སྔ་དྲོ་ཚོུད་བདུན་པའི་ཐོག་མ་སུ་རིར་ཆིབས་ཞལ་བསྒྱུར་གནང་སོང་།གོང་ཚེས་ཉིན་འཛམ་གླིང་ཤར་ནུབ་ཡུལ་གྲུལ་གང་སར་མགོན་པོ་གང་ཉིད་ཀྱི་ཞལ་སློབ་དང་དད་ལྡན་མི་མང་རྣམས་ཀྱིས་སྐུའི་འཁྲུངས་སྐར་སྲུང་བརྩི་ཞུ་གནང་བ་མ་ཟད་དེའི་ཉིན་སྐུ་ཁམས་དང་མཐུན་པའི་སྐུ་རླུང་དར་འཛུགས་དང་ཤིང་སྡོང་གསར་འཛུགས་གཞན་ཡང་བྱ་དང་བྱེའུ་ཉ་གཙོས་པའི་སེམས་ཅན་ཚེ་བསླུའི་ལས་འགུལ་སོགས་རྣམ་དཀར་གྱིི་ལས་འགུལ་རྒྱ་ཆེ་སྤེལ་བཞིན་ཡོད་འདུག །
དཔྱད་གཏམ་སྤེལ་མཁན་ལ་གསལ་བརྡ།