གསལ་བསྒྲགས།
ཀུན་གྱི་མཁྱེན་གསལ་བཞིན་ཡུ་རོབ་དཔལ་ས་སྐྱའི་འཇིག་རྟེན་ཞི་བདེའི་སྨོན་ལམ་ཆེན་མོ་ཐེངས་གཉིས་པ་དེ་༸སྐྱབས་མགོན་༸གོང་མ་ཁྲི་ཆེན་རིན་པོ་ཆེ་མཆོག་དབུ་བཞུགས་ཐོག་ཧྥ་རན་སིའི་རྒྱལ་ས་པྰ་རི་སིར་ཕྱི་ལོ་ ༢༠༢༠ ཟླ་ ༠༧ ཚེས་ ༣༡ ནས་ཟླ་ ༠༨ ཚེས་ ༠༢ བར་ཚོགས་རྒྱུའི་སྔོན་བརྡ་སོང་ཡོད་པ་མ་ཚད། དོན་གཉེར་ཅན་མང་པོས་རང་ཉིད་ཀྱི་གུང་སེང་ཡང་སྐབས་དེ་དང་བསྟུན་ནས་ལེན་པ་སོགས་སྤྱི་སྒེར་ཀུན་གྱིས་མཛད་རིམ་གང་མང་ཞིག་གྲ་སྒྲིག་ཞུས་པ་ལགས་མོད། དེང་སྐབས་འཛམ་གླིང་གི་ཡུལ་གྲུ་སྤྱིར་དང་ཡང་སྒོས་ཡུ་རོབ་ཀྱི་ལུང་པ་གང་མང་ཞིག་ལ་ཏོག་དབྱིབས་ནད་ཡམས་ཀྱི་རྐྱེན་པས་ཛ་དྲག་གི་གནས་སྟངས་ཤིག་ཏུ་ལྷུང་ཡོད་པ་མ་ཚད། ད་རུང་གནས་སྟངས་འདི་མུར་དུས་ཡུན་ཅི་ཙམ་ཞིག་གི་བར་གནས་མིན་མ་ངེས་སྟབས་དབུས་ས་སྨོན་ལམ་ཚོགས་པའི་རྒྱུན་ལས་ཐུན་མོང་གིས་ཐག་གཅོད་བཞིན་ཕྱི་ལོ་ ༢༠༢༠ ལོའི་ཡུ་རོབ་དཔལ་ས་སྐྱའི་འཇིག་རྟེན་ཞི་བདེའི་སྨོན་ལམ་ཆེན་མོ་ཐེངས་གཉིས་པ་དེ་བཞིན་འཆར་ལོའི་བར་ཕར་འགྱང་ཞུས་ཡོད་པས་དེ་དོན་ཀུན་གྱིས་དགོངས་འཇགས་ཡོང་བར་ཞུ།
ཡུ་རོབ་དཔལ་ས་སྐྱའི་སྨོན་ལམ་ཚོགས་པས།
ཕྱི་ལོ་ ༢༠༢༠ ཟླ་ ༠༣ ཚེས་ ༣༠ ལའོ།།
Leave a Reply