དཔལ་ལྡན་བླ་མ་དམ་པ་རྣམས་ལས་དམ་པའི་ཆོས་ཐོས་པའི་ཡི་གེ་དོན་གཉེར་གདེངས་ཅན་རོལ་པའི་ཆུ་གཏེར་ཞེས་བྱ་བ་ལས་གླེགས་བམ་གཉིས་པའི་ནང༌།

མགོན་པོའི་བསྟོད་པ་སྔོན་ཚེ་བདེ་གཤེགས་མ་«་་་་་གྱི་ལྗང་པོ་ཏི་དང་ཚར་ལུགས་བསྟོད་འབུམ་ནའང་ཡོད། »དང་སྲིན་གཟུགས་མ།«་་་་་འདི་གའི་བསྟོད་འབུམ་དང་ཚར་ལུགས་བསྟོད་འབུམ་ནའང་ཡོད། »བསྐུལ་འདས་དང་མ་འོངས་པ་གསུམ་སྦྲེལ་བའི་མཇུག་རྡོ་༼མཆོད་རྟེན༽རྗེ་རེ་མ་ཏཱི། ཨེ་ཀ་ཛ་ཊཱི། ཡཀྵ་བེ་ཏ་ལི། པརྞ་ཤ་བ་རི་སྟེ་གསང་བའི་ཡུམ་བཞིར་བཅས་པའི་བསྐུལ་རྣམས་ཆོས་སྡེ་གཅིག་ཏུ་བཞུགས་པ་སློབ་དཔོན་པདྨས་མཛད་པ། འགོར་བླ་མ་དང་མ་ཧཱ་ཀཱ་ལ་ལ་ཕྱག་འཚལ་ལོ། །ནག་པོ་ལྕམ་དྲལ་མཆོད་དང་༼མཆོད་རྟེན༽༼རྡོ་རྗེ༽བསྟེན་ཞེས་ཡོད་པའི་རུ་མཚོན་འཛུགས་པའི་ཆོ་གའི་ཡིག་རྙིང་ཡར་ཀླུངས་པས་ཞུས་དག་མཛད་པ་གཏོར་མ་གདབ་པར་བྱའོའི་མཐའ་ཅན།«་་་་་རྡོ་རྗེ་གདན་པའི་གསན་ཡིག་ན་རྟེན་གསུམ་རུ་མཚོན་འཛུགས་པ་ཞེས་སྣང་ཞིང་གྱི་ལྗང་པོ་ཏིར་ཡང་བཞུགས། »འགོར་བླ་མའི་ཞབས་ལ་ཕྱག་འཚལ་ལོ་དཔལ་ལྡན་ནག་པོ་ཆེན་པོའི་དྲག་སྒྲུབ་སྤྱིའི་ལས་ལ་ཞེས་ཡོད་པའི་རུ་མཚོན་གྱི་ལས་མཁན་བྲན་བདུད་གཤིན་རྗེ་ནག་པོའི་སྒྲུབ་༼མཆོད་རྟེན༽༼རྡོ་རྗེ༽ཐབས་ལས་ཚོགས་རུ་མཚོན་གྱི་མན་ངག་དང་བཅས་པ་དཔལ་བརྩེ་བ་ཆེན་པོ་ཆོས་ཀྱི་རྗེའི་ཞལ་སྔ་ནས་ཀྱི་རྗེས་སུ་བཟུང་སྟེ་རྒྱལ་ཁམས་པ་དོ་པ་«་་་་་དཀར་ཆག་ན་གོང་མས་གནང་ཟེར་བ་འདུག» སྟོན་ཚུལ་ལ་གཙིགས་སུ་མཛད་དེ་གནང་བ་«་་་་་གྱི་ལྗང་ན་ཡང་ཡོད།་་་་་»བྲན་བདུད་ཀྱི་ལུང་སྦྱིན་ཚུལ་ཆིག་བརྒྱུད་༼མཆོད་རྟེན༽༼རྡོ་རྗེ༽མ་ཡར་ཀླུངས་པ་སེངྒེ་རྒྱལ་མཚན་གྱིས་བླ་མའི་གསུང་ལ་དག་པར་གཏུགས་ཏེ་ཡང་མགོན་ཤུག་ར་བདེ་ཆེན་དུ་བྲིས་པ། རྒྱ་པདྨ་དབང་ཕྱུག་གིས་གངས་བར་ཕུག་མོ་ཆེ་ནས་གདན་༼མཆོད་རྟེན༽༼རྒྱ༽དྲངས་པའི་རྣལ་འབྱོར་པའི་བར་ཆད་སེལ་བའི་ཆོ་ག མགོན་པོའི་གཏོར་ཆེན་གྱི་མན་ངགདེ་ཉིད་རྒྱས་སུ་བཏང་བ་གཏོར་ཆེན་གྱི་གསོལ་ཁ་༼མཆོད་རྟེན༽བྱ་ཚུལ་མལ་ལོ་ཤུད་པུ་གཉིས་ཀྱི་ཡི་གེ་ས་སྐྱ་པ་དང་རྒྱལ་ཚ་ལུང་མང་པོའི་ཕྱག་ལེན་གཅིག་གིས་གཅིག་ཁ་བསྐངས་ཏེ་མཁས་པ་ཡོན་ཏན་ཁྲིས་གྲུབ་ཐོབ་བིརྺ་ཙནྡྲའི་གནས་སུ་མཛད་པ། འགོར་དཔལ་ལྡན་མ་ཧཱ་ཀཱ་ལ་ཁྲག་འཐུང་གི་རྒྱལ་པོ་ཞེས་ཡོད་པའི་དམོད་བཅོལ་ས་པཎ་༼མཆོད་རྟེན༽གྱིས་མཛད་པ།«་་་་་ཁ་སྐོང་ན་ཡོད་པའི་འཕགས་པས་མཛད་པ་དེ་འདི་ལས་རྒྱས་སུ་བཏང་འདུག »གཟུངས་གསར་པའམ་རྙིང་པ་༼མཆོད་རྟེན༽༼མུ༽འཛུགས་སམ་གསོ་བའི་མན་ངག་དམ་པས་མཛད་པ།«་་་་་ཁ་སྐོང་པོ་ཏི་ནའང་ཡོད་མེ་འབར་གླེགས་བམ་ལ་ལར་བསྟོད་པ་བདེ་དགའ་རྒྱ་མཚོ་སོགས་བསྣན་པའི་མང་ཙམ་འདུག་པ་ལྷད་ཡིན་མིན་བརྟག »ཟོར་ལམ་དབྱེ་བ་བདག་ལུས་རྡོ་རྗེ་འཆང་༼མཆོད་རྟེན༽༼མུ༽༼རྡོ་རྗེ༽དབལ་མ་དང་དེའི་འཕྲོས་ལས་ཟོར་འཕང་ཐབས་༼མཆོད་རྟེན༽ནག་པོ་ཆེན་པོ་ལྕམ་དྲལ་འཁོར་དང་བཅས་པ་ཞེས་སོགས་ཀྱི་ཚིག་ལྷུག་འཕགས་པས་མཛད་པ།«་་་་་དཀར་ཆག་དང་གསན་ཡིག་རྣམས་ན་འདི་ལྟར་སྣང་ཡང་ཡི་གེ་ན་གཉན་ལོས་མཛད་ཅེས་དམར་ཆོས་རྒྱལ་གསུང་ཟེར་བ་འདུག་ཅིང་རྫོང་ཆུང་བའི་གླེགས་བམ་དུ་ནི་མེད། »དཔལ་རྡོ་རྗེ་ནག་པོ་ཆེན་པོའི་བསྐང་མདོས་༼མཆོད་རྟེན༽༼རྡོ་རྗེ༽བྲམ་ཟེ་མཆོག་སྲེད་ཀྱིས་མཛད་པ་ཤིན་ཏུ་ཟབ་པའི་མདོས་རེ་ཞིག་རྫོགས་སོའི་མཐའ་ཅན།དེའི་གསལ་བྱེད་ཅུང་ཟད་རྒྱས་སུ་བཏང་བ་༼མཆོད་རྟེན༽༼རྡོ་རྗེ༽ཤར་པ་ཤེས་རབ་འབྱུང་གནས་ཀྱིས་ས་སྐྱར་མཛད་པ། དུར་ཁྲོད་བསིལ་བའི་ཚལ་དུ་བླ་མ་སྤྱན་ཆེན་པོ་༼མཆོད་རྟེན༽༼མུ༽༼རྡོ་རྗེ༽ཡི་དམ་བདེ་དགྱེས་དང་ཆོས་སྐྱོང་ཞལ་གཟིགས་པའི་ཚེ་མགོན་པོ་ཉིད་ཀྱིས་རྗེས་སུ་གནང་སྟེ་བསྐང་བཟློག་བླ་མ་ཉིད་ཀྱིས་མཛད་པ།«་་་་་འདི་རྒྱ་བོད་སུ་ཡིན་ལ་དཔྱད་གཞི་མཛད་མཁན་མང་ཡང་རང་ལུགས་རྒྱ་གར་བར་བཞེད། »བསྐང་བ་རྣམ་དག་ཚོགས་༼མཆོད་རྟེན༽གཏོར་མ་མལ་གྱིས་མཛད་པ། དེས་མཛད་པའི་དམ་རྫས་ཀྱི་བསྐང་༼མཆོད་རྟེན༽བ་སྐུ་དང་གསུང་ཐུགས་མ། ནག་པོ་ཆེན་པོའི་བསྟོད་པ་སྲིན་༼མཆོད་རྟེན༽༼མུ༽གཟུགས་མ་བྲམ་ཟེ་ཆེན་པོས་མཛད་པ་རྫོགས་སོའི་མཐའ་ཅན།«་་་་་དམ་ཚིག་ཅན་ལ་བདག་བསྟོད་དོ་ཡན་ཚར་ལུགས་བསྟོད་འབུམ་ན་ཡོད། »བསྟོད་པ་བཅོམ་ལྡན་དཔལ་ཆེན་མ་༼མཆོད་རྟེན༽སློབ་དཔོན་ཨ་ཝ་དྡྷུ་ཏཱིས་མཛད་པ། བསྟོད་པ་སྐུ་གསུང་ཐུགས་ཀྱི་རྡོ་རྗེ་༼མཆོད་རྟེན༽མ་བླ་མ་ས་ཆེན་གྱིས་མཛད་པ། བསྟོད་པ་ཆོས་དབྱིངས་སྟོང་ཉིད་མ་༼མཆོད་རྟེན༽སློབ་དཔོན་རྟ་དབྱངས་ཀྱིས་མཛད་པའི་ནག་པོ་ཆེན་པོའི་རྒྱུད་འགྲེལ་གྱི་བསྟོད་མངས་ནས་ཡར་ཀླུངས་པ་སེངྒེ་རྒྱལ་མཚན་གྱིས་ཕྱུང་བ། བསྟོད་པ་རྙིང་དམིགས་༼མཆོད་རྟེན༽མེད་ཐུགས་རྗེ་མ། ལྷ་མོའི་བསྟོད་པ་༼མཆོད་རྟེན༽འཇིག་རྟེན་གསུམ་བདག་མ། ལྷ་མོ་ལ་ལྷ་མ་ཡིན་གྱི་རྒྱལ་པོ་ཐགས་བཟང་རིགས་ཀྱིས་དོན་དམ་པའི་སྒོ་ནས་བསྟོད་པ་༼མཆོད་རྟེན༽སྤྲོས་བྲལ་འོད་གསལ་མ་འཛིམ་ལོ་ཙཱ་བས་བསྒྱུར་བ། ལྷ་མོ་ལ་དགེ་བཅུ་རྣམ་དག་གི་སྒོ་ནས་བསྟོད་༼མཆོད་རྟེན༽པ་འཇིག་རྟེན་འཁོར་བ་མ་ལོ་ཙཱ་བ་ག་རོད་ཀྱིས་བསྒྱུར་བ།«་་་་་ཚིག་ཟུར་ཅུང་ཟད་མི་འདྲ་བ་མ་གཏོགས་དུད་སོལ་པོ་ཏི་ནའང་ཡོད། »ལྷ་མོ་ལ་ནམ་མཁའི་ལྷ་བྲན་རྣམས་ཀྱིས་བསྟོད་པ་༼མཆོད་རྟེན༽བསྐལ་བ་མེ་འབར་མ་འཛིམ་ལོ་ཙཱ་བས་བསྒྱུར་བ།«་་་་་ཞབས་བཏགས་མར་ཡང་ཡོད། རྫོང་པོད་ན་བྲམ་ཟེ་མཆོག་སྲེད་ཀྱིས་མཛད་ཅེས་པའི་ཚིག་ཟུར་ཅུང་ཟད་མི་མཐུན་ཙམ་ཞིག་འདུག »ལྷ་མོའི་བསྟོད་པ་ཡེ་ཤེས་དབྱིངས་ལས་༼མཆོད་རྟེན༽མ་རྗེ་བཙུན་རིན་པོ་ཆེས་ས་སྐྱར་མཛད་པ། འཕགས་པས་མཛད་པའི་བདུད་རྩི་ལྔ་མཆོད་དམ་༼མཆོད་རྟེན༽༼མུ༽གསང་བའི་མཆོད་གཏོར་གྱི་རིམ་པ་དགྲ་བགེགས་རྣམས་ནི་མ།«་་་་་ཞབས་བཏགས་མར་ཡང་ཡོད།་་་་་»དེས་མཛད་པའི་བཤགས་པ་༼མཆོད་རྟེན༽༼མུ༽ཚིག་ལྷུག དེས་མཛད་པའི་བསྟོད་པ་༼མཆོད་རྟེན༽༼མུ༽གང་ཐུགས་མ།«་་་་་ཞབས་བཏགས་མ་དང་ཚར་ལུགས་བསྟོད་འབུམ་ནའང་ཡོད། »སྤྲོ་ལུང་ཀུན་སྨོན་གྱིས་མཛད་པའི་བཤགས་པ་༼མཆོད་རྟེན༽ཚིགས་བཅད་བླ་མ་མཆོག་དཀྱིལ་མ།«་་་་་ཞབས་བཏགས་མར་ཡང་ཡོད། »ནག་པོ་ལྕམ་དྲལ་འཁོར་དང་བཅས་པའི་བཤགས་མཆོད་གཏོར་སྒྲུབ་ཞག་སྦྲེལ་༼མཆོད་རྟེན༽དུ་བྱ་ཚུལ་«་་་་་འདིའི་ནང་དུ་མགོན་པོའི་བཤགས་པ་མལ་གྱི་མངོན་རྟོགས་ནས་བྱུང་བའི་ཡོན་ཏན་ལྷུན་རྫོགས་༼མུ༽མ་དང་མཆོག་སྲེད་ཀྱིས་མཛད་པའི་ལྷ་མོའི་བཤགས་པ་༼མུ༽འགྲོ་བའི་དོན་སྐུ་མ་གཉིས་ཡོད། »རྣལ་འབྱོར་དབང་ཕྱུག་ཡར་ཀླུངས་པ་སེངྒེ་རྒྱལ་མཚན་གྱིས་མཛད་པ་སྦྱར་བྱང་མེད་པ་ལས་ཅན་ཞིག་དང་འཕྲད་ཤོག་གི་མཐའ་ཅན་རྣམས་སོ། །རྩ་བའི་གཉིས་པ་ཟབ་«་་་་་འདི་རྣམས་ནི་ནང་སྒྲུབ་ལ་ནི་ཡི་གེ་ལྔ་ཞེས་པ་དེའོ། »པའི་ཡང་ཏིག་ནང་གི་མན་ངག་ལ། འ«༡»གོར་ན་མོ་གུ་རུ་བྷྱཿ ནག་པོ་ཆེན་པོའི་གདམས་པ་ལ་རང་ཀྱེ་རྡོ་རྗེ་ཞེས་པའི་རྩ་གསུམ་ལ་བརྟེན་པའི་༼མཆོད་རྟེན༽༼ཨེ༽༼མུ༽༼རྡོ་རྗེ༽མན་ངག་མདོར་བསྡུ«༢»ས་པ་གོང་མས་མཛད་པ་གནད་ཀྱི་གདམས་པ་སྲོག་གི་ཡང་ཏིག་དམ་པ་ཡིན་ནོའི་མཐའ་ཅན།«་་་་་རྡོ་རྗེ་གདན་པའི་གསན་ཡིག་ན་རྩ་གསུམ་མགོན་པོ་ལྕམ་དྲལ་དུ་བསྒོམས་ནས་གསང་བའི་མན་ངག་ཟེར་བར་སྣང༌། »དེ་ཉིད་ཅུང་ཟད་རྒྱས«༣»་སུ་བཏང་བ་འགོར་བླ་མ་དམ་པའི་ཞབས་ལ་ཕྱག་འཚལ་ལོ། །ནག་པོ་འཁུ་མེད་མི་འགྱུར་བའི་སྲོག་འཛིན་རིམ་པའི་༼མཆོད་རྟེན༽༼ཨེ༽༼མུ༽༼རྡོ་རྗེ༽མན་ངག་བཤད་ཅེས་ཡོད་པའི་དམ་པ་ཀུན་དགའ་གྲགས་ཀྱིས་མཛད་པ་བསྒྲུབ་བྱ་མི་འཆི་རིའི་དབུ་སྙུང་བཞེས་ཀྱང་གྲགས་སོའི་མཐའ་ཅན། གས«༤»ང་བའི་རྟེན་ལུས་ལ་༼མཆོད་རྟེན༽༼ཨེ༽༼མུ༽༼རྡོ་རྗེ༽བཅང་བའི་མན་ངག་གོང་མས་མཛད་པ།«་་་་་གསན་ཡིག་དང་དཀར་ཆག་ན་འདི་ལྟར་སྣང་ཡང་ཡི་གེ་ན་དམ་པས་མཛད་ཟེར་བ་འདུག་ཅིང་རྫོང་ཆུང་བའི་གླེགས་བམ་དུ་གོང་དུ་འཐུས་པ་ལས་ཟུར་དུ་མེད། »བླ་མ་དམ་པའི་དབོན་པོ་བསོད་ནམས་ལེགས་གྲུབ་ལ་རྣལ་འབྱོར་དབང་ཕྱུག་ཡར་ཀླུངས་པ་སེངྒེ་རྒྱལ་མཚན་གྱིས་ལག་ཁྲིད་དུ་བསྟན་པའི་དུས་ཡི་གེར་གསལ་པོར་བྲིས་ཞེས་བསྐུལ་བ་ལ་བརྟེན་ནས་རྫོགས་རིམ་ཞལ་ཤེས་དང་བཅས་པ་༼མཆོད་རྟེན༽༼རྡོ་རྗེ༽སྙན་ནས་སྙན་དུ་བརྒྱུད་པའི་བསྙེན་སྒྲུབ་ཐུན་མོང་མ་ཡིན་པའི་མན་ངག་ཆུ་ཕོ་ཁྱི་ལོ་ཧོར་ཟླ་དང་པོར་དཔལ་སྣེའུ་གདོང་རྩེའི་གཙུག་ལག་ཁང་དུ་མཛད་པ་རྣམས་སོ། །རྩ་བའི་གསུམ་པ་གསང་བ་ཐུན་མོང་མ་ཡིན་པ་ཟབ་པའི་གནད་ཀྱི་མན་ངག་གི་སྐོར་ལ་ཚར་ཆེན་རྡོ་རྗེ་འཆང་ཆེན་པོས་མཛད་པའི་དཀར་ཆག་སྙིང་པོ་གནད་སྒྲོན་ལས། གསང་བ་ཐུན་མོང་མ་ཡིན་པའི། །ཡི་གེ་གསེར་གྱི་རི་བོའི་གྲངས། །ཞེས་ཡིག་སྣ་བརྒྱ་དང་ལྔ་བཅུའི་གྲངས་སུ་འདྲེན་རྒྱུའི་བདུན་གྱི་གཏོར་མའི་ཞལ་གདམས་གཉིས་གཅིག་ཏུ་བརྩིས་ཤིང་དེ་མིན་དྲུག་ལས་དཀར་ཆག་ཡོངས་གྲགས་ལྟར་དང༌། གཞན་གསང་བ་ཡང་ཏིག་སེམས་ཀྱི་གནད་ལ་བརྟེན་ནས་བྲན་བཞིན་བཀོལ་བའི་མན་ངག་སོགས་ལྔ་ཀུན་ལ་མ་གྲགས་པའི་སྙིང་ནང་གི་ཁྲག་ལྟ་བུ་ཡིན་པས་སྙན་བརྒྱུད་གླེགས་བམ་གྱི་གྲས་སུ་བཞུགས་པར་འོས་པའི་དགོངས་པ་ལྟར་ན། ཆོས་ཚན་བརྒྱ་དང་སུམ་ཅུ་སོ་གཅིག་དང༌། བདུན་པོ་འདིར་བསྡོམས་པས་ཡིག་སྣ་བརྒྱ་བཞི་བཅུ་རྩ་དགུར་འགྱུར་བ་དང༌། དེའི་སྟེང་དུ་གླེགས་བམ་གྱི་དཀར་ཆག་ཡིད་བཞིན་ནོར་བུ་རིན་པོ་ཆེའི་བང་མཛོད་ཀྱི་སྒོ་འབྱེད་གསལ་བའི་ཡིད་འཕྲོག་བདག་ཆེན་རྡོ་རྗེ་འཆང་གིས་མཛད་པ་བགྲང་པས། ཚར་ཆེན་གྱིས། དྲིལ་བས་མགོན་པོད་མེ་འབར་མར། །གྲགས་པའི་དཀར་ཆག་ནང་བཞུགས་པའི། །ཡིག་སྣ་བརྒྱ་དང་བཞི་བཅུ་དགུ། །དཀར་ཆག་ཉིད་དང་ལྔ་བཅུ་རུ། །ངེས་སོ་སྐལ་ལྡན་སྙིང་ལ་ཆོངས། །ཞེས་གསུངས་པའི་དོན་དེ་ལྟར་དུ་ངེས་ཀྱང་གཅིག་མ་ཚང་བ་ནི་གཏོར་མའི་ཡི་གེ་གཉིས་སོ་སོར་བགྲང་བ་ཡིན་ནམ་སྙམ། དཀར་ཆག་ཏུ། དེ་ནི་ཞར་ལས་འོངས་པ་འཁོར་ལོའི་དཔེ་རིས་རྣམས་ཞེས་གསུངས་པ་ལ་རགས་རིམ་ཙམ་ལས་མི་གསལ་ཞིང༌། རྡོ་རྗེ་འཆང་ཚར་པ་ཆོས་རྗེས་གདུང་བརྒྱུད་ཁོ་ན་ལས་ཆིག་བརྒྱུད་དུ་བྱོན་པ། ཡར་ཀླུངས་པ། བར་སྡིངས་པ་སྟེ་བརྒྱུད་པ་གསུམ་གྱི་དཔེ་རིས་རྣམས་ཚང་ཞིང་ལྷད་མ་ཞུགས་པ་བདག་ཆེན་རྡོ་རྗེ་འཆང་གི་ཕྱག་བྲིས་དངོས་ལ་འབྲུ་ལེན་མཛད་པ་དང༌། དེར་མ་ཚང་བ་རྣམས་ཡབ་འཇམ་དབྱངས་ཆོས་རྗེའི་ཕྱག་བྲིས་དངོས་ལས་བཤུ་བར་མཛད་པ་རྣམས་ཕྱོགས་གཅིག་ཏུ་བསྒྲིགས་པ་གནང་བ་ལྟར་བཀོད་པ་ལ། མགོན་པོ་དང་ལྷ་མོའི་སྲོག་འཁོར་འདྲ་མིན་བཞི། ནག་པོ་ཆེན་པོ་སྲོག་གི་སྤུ་གྲིའི་སྒྲུབ་ཐབས་མཆོག་སྲེད་ཀྱི་གཞུང་ལས་གསུངས་པའི་སྒྲུབ་པའི་བཅའ་གཞི། ཆིངས་ཆེན་དྲུག་དང་འཁོར་ལོའི་བྲི་ཡིག་ནས་གསུངས་པའི་བྱད་མ་རང་གཤེད་དབབ་པའི་འཁོར་ལོའམ་བསྲུང་ཟློག་སྦྲགས་མའི་འཁོར་ལོ། ཕོ་རྐྱང་དུ་སྒྲུབ་པའི་ཤོམ། ཕོ་རྐྱང་མུ་སྟེགས་པ་ལྟར་སྒྲུབ་པའི་ཤོམ། ཕོ་རྐྱང་གི་སྐབས་ཟན་ལིང་གི་སྙིང་གར་འཇུག་པའི་འཁོར་ལོ།ལས་མགོན་གྱི་བླ་རྡོའི་འཁོར་ལོ། ཕོ་རྐྱང་ཚོགས་བདག་ལྟར་སྒྲུབ་པའི་ཤོམ། མཉན་ཕུལ་བྱུང་བས་མཛད་པའི་ཕོ་རྐྱང་གི་སྒྲུབ་པའི་ལས་ཁུང་དང་ཐབ་ཁུང༌། གསང་བ་ཡིད་བཞིན་ནོར་བུའི་མགོན་ཁང་སོགས་ལ་དགོས་པ་ལྷ་བརྒྱད་བསྐྱེད་པ་རྟེན་གྱི་དཀྱིལ་འཁོར། གསང་བ་ཡིད་བཞིན་ནོར་བུའི་བསད་པའི་ལས་ཁུང༌། དྲུང་ཆོས་རྗེ་པའི་བཞེད་པའི་ལས་ཁུང་རྩང་དང་བཅས་པ། མགོན་པོ་ཕུར་བུ་ལྟར་སྒྲུབ་པའི་སྒྲུབ་ཐབས་རྒྱས་བསྡུས་སོ་སོའི་ཤོམ། པུ་ཏྲ་མིང་སྲིང་གསུམ་གྱི་ཙཀ་ལི། དམ་ཤིང་དང་བ་དན་གྱི་དཔེ། སྤྲ་ཚིལ་གྱི་ལིང་ག་གསལ་ཤིང་ལ་བསྐྱོན་པ། གཏོར་ཟོར། རྡོ་ཟོར། ཁྲག་ཟོར། མདའ་ཟོར། རྭ་ཟོར། ཀོང་ཟོར། ཕུར་ཟོར། ལྷ་བརྒྱད་འཇམ་ལུགས་སུ་སྒྲུབ་པའི་གནོད་སྦྱིན་ཕོ་མོའི་འཁོར་ལོ། རུ་མཚོན་རྩེ་ལྔའི་ཤོམ། ལྷ་བརྒྱད་རྩུབ་ལུགས་ཀྱི་གནོད་སྦྱིན་ཡབ་ཡུམ་གྱི་འཁོར་ལོ། སྦགས་སྒྲུབ་དུས་ཐུན་གྱིས་གསད་རྒྱུའི་ལིང་ག་སྔགས་ཅན་དང༌། མེའི་གདུང་བས་བསད་པའི་འཁོར་ལོ། མཁའ་འགྲོ་འཁུ་ལྡོག་སྤང་བའི་འཁོར་ལོ། ཕོ་རྐྱང་གི་སྒྲུབ་ཐབས་བྲམ་ཟེ་མཆོག་སྲེད་ཀྱི་གཞུང་ལྟར་ཟན་ལིང་གི་ཁོག་པར་འཇུག་རྒྱུའི་འཁོར་ལོ། དམ་པས་མཛད་པའི་ངག་གནོན་ལིང་ག རང་སྲུང་འཁོར་ལོ་ཆེན་མོ་རྣམས་ཀྱི་སྟེང་ནས་ཕྱག་ལེན་ངོ་སྤྲོད་མཛུབ་བཙུགས་སུ་ལེགས་པར་ནོས། རྩ་བའི་གཉིས་པ་དེར་མ་འདུས་པའི་ཡན་ལག་གི་ཡི་གེའི་སྐོར་ནི།རྡོ་རྗེ་འཆང་ཚར་པ་ཆོས་རྗེས་མཛད་པའི་མེ་འབར་དཀར་ཆག་སྙིང་པོ་གནད་སྒྲོན་ལས། འདི་ན་མ་བསྒྲིགས་ཟབ་གནད་ཀྱི། །ཡི་གེ་ཐོར་བུ་སྦས་པ་རྣམས། །ཁོ་བོས་དཀར་ཆག་གཞན་དུ་བྲིས། །སྣོད་ལྡན་དད་པའི་མིག་ལྡན་དག །ངོ་མཚར་ལྟད་མོ་བྱོས་ཤིག་ཀྱེ། །ཞེས་འབྱུང་བ་ལྟར་མེ་འབར་གླེགས་བམ་དུ་མ་བཀོད་པར་ཟབ་ཅིང་གསང་བའི་གབ་སྦས་ཀྱི་ཡིག་སྣ་འགའ་ཞིག་དང་རྗེ་བཙུན་རྡོ་རིང་པ་ཆེན་པོས་མགོན་པོ་འདིའི་ཆོས་སྐོར་བླ་མ་དམ་པ་བཅུ་གཅིག་ཙམ་ལས་གསན་པ་དང་གཞན་ཡང་རྫོང་པ་ཤེས་རབ་རིན་ཆེན་དང་གོང་དཀར་བ་ཚེ་དབང་བཀྲ་ཤིས་ཀྱིས་མཚོན་པའི་དཔལ་ལྡན་ས་སྐྱ་པའི་བརྒྱུད་འཛིན་གྱི་བླ་མ་བཅུ་ཕྲག་གཅིག་དང་རྔོག་ཆེན་པོ་བསོད་ནམས་བསྟན་འཛིན་སོགས་དམ་པ་མང་པོར་ཚར་ཆེན་རང་ཉིད་ཀྱིས་གསན་པ་རྣམས་ཟུར་དུ་བསྒྲིགས་པའི་གླེགས་བམ་ལ། ཐུན་མོང་བ་མན་ངག་ཁ་སྐོང་པོ་ཏིའི་སྐོར། མཁས་གྲུབ་ཕལ་ཆེར་གྱིས་རྣ་བའི་སྤྱོད་ཡུལ་དུ་མ་གྱུར་པའི་སྙིང་ཁྲག་གི་ཟུངས་ལྟ་བུ་སྙན་བརྒྱུད་པོ་ཏིའི་སྐོར། བླ་མ་གྱི་ལྗང་ལོ་ཙཱ་བ་ནས་བརྒྱུད་པའི་གྱི་ལྗང་པོ་ཏིའི་སྐོར། འདོད་ཁམས་དབང་ཕྱུག་ཁྲག་འཐུང་དུད་པའི་སོལ་བ་ཅན་གྱི་སྐོར་དང་བཞི། དང་པོ་རྗེས་འཇུག་མཁས་གྲུབ་རྣམས་ཀྱི་ཡི་གེ་ཐུན་མོང་བ་མེ་འབར་མར་མ་འཁོད་པའི་ཁ་སྐོང་པོ་ཏི་ལ། ཐོག་མར་རྡོ་རྗེ་འཆང་ཚར་པ་ཆོས་རྗེས་མཛད་པའི་མན་ངག་ཟབ་བསྡུས་གསལ་བྱེད་ཁ་སྐོང་དཀར་ཆག་ཟབ་དོན་གསལ་བའི་སྒྲོན་མེ། དེ་ལས་བྱུང་བའི་ཆོས་སྐོར་ལ། པཎ་ཆེན་ག་ཡ་དྷ་ར་ནས་བླ་ཆེན་འབྲོག་མིར་བརྒྱུད་པ། བ་རི་ལོ་ཙཱ་བ་ལས་རྗེ་བཙུན་བརྩེ་བ་ཆེན་པོས་གསན་པ། ཁ་ཆེ་པཎ་ཆེན་གྱིས་ཆོས་རྗེ་པཎྜི་ཏ་ལ་གནང་བ། བླ་མ་མལ་ལོ་ཙཱ་བ་ནས་བརྒྱུད་པ་དང་བཞི། དང་པོ་ལ། འགོར་བླ་མ་དང་ནག་པོ་ཆེན་པོ་ལ་ཕྱག་འཚལ་ལོ།རྗེ་བཙུན་ག་ཡ་དྷ་ར་ནས་བརྒྱུད་པའི་རྗེས་གནང་བྱ་ཚུལ་ནི་ཞེས་ཡོད་པའི་རྗེས་༼མཆོད་རྟེན༽༼སཏྭ༽གནང་གི་ཟིན་བྲིས་ཡིག་ཆུང་དམ་ཚིག་པ་བསྐྱེད་པའི་ཚེ་ས་བོན་ལས་བསྐྱེད་པ་ནི་གང་བྱས་ཀྱང་འདྲའོའི་མཐའ་ཅན། འགོར་དཔལ་ནག་པོ་ཆེན་པོ་ལ་ཕྱག་འཚལ་ལོ། །དེ་ནས་བཅོམ་ལྡན་འདས་ཀྱིས་རྡོ་རྗེ་ནག་པོའི་སྒྲུབ་ཐབས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་བྱུང་ངོ་ཞེས་ཡོད་པའི་སྒྲུབ་ཐབས་༼མཆོད་རྟེན༽༼ཨེ༽༼སཏྭ༽ཆུང་ངུ་མཁའ་འགྲོ་མ་རྡོ་རྗེ་གུར་གྱི་རྒྱུད་ཀྱི་ལེའུ་བཅོ་ལྔ་པ་ལས་ཕྱུང་བ་རྫོགས་སོའི་མཐའ་ཅན། འགོར་དཔལ་ནག་པོ་ཆེན་པོ་ལ་ཕྱག་འཚལ་ལོ། རྡོ་རྗེ་ནག་པོ་ཆེན་པོ་བསྐྱེད་པའི་མངོན་པར་རྟོགས་པ་ནི་ཞེས་ཡོད་པའི་ལས་སྦྱོར་མན་ངག་༼མཆོད་རྟེན༽༼ཨེ༽༼མུ༽༼སཏྭ༽གུར་རྒྱན་ལས་ཕྱུང་བ་རྫོགས་སོའི་མཐའ་ཅན་རྣམས་སོ། །གཉིས་པ་བ་རི་ལོ་ཙཱ་བ་ལས་རྗེ་བཙུན་བརྩེ་བ་ཆེན་པོས་གསན་པ་ལ། སྒྲུབ་ཐབས་ཀུན་ལས་བཏུས་པའི་༼མཆོད་རྟེན༽༼མུ༽༼སྒོ༽༼བུད༽ལུགས་ཀྱི་རྗེས་གནང་གི་ཟིན་བྲིས། འགོར་སྐད་ཤན་སྦྱར་དང་དཔལ་མགོན་པོ་ནག་པོ་ལ་ཕྱག་འཚལ་ལོ། །དེ་ཁོ་ན་བཞིན་སྔོན་དུ་བསྟན་པའི་ཆོ་གས་ཞེས་ཡོད་པའི་སྒྲུབ་ཐབས་༼མཆོད་རྟེན༽༼མུ༽༼སྒོ༽༼བུད༽རྒྱ་གཞུང་བྲམ་ཟེ་མཆོག་སྲེད་ཀྱིས་མཛད་པ་བ་«་་་་་འདི་མེ་འབར་མར་ཡང་ཡོད། »རིའི་འགྱུར་རོ། །གསུམ་པ་ཁ་ཆེ་པཎ་ཆེན་གྱིས་ཆོས་རྗེ་པཎྜི་ཏར་གནང་བ་ལ། འགོར་སྐད་ཤན་སྦྱར་དང་དཔལ་ནག་པོ་ཆེན་པོའི་སྒྲུབ་ཐབས་ཞེས་བྱ་བའི་རྡོ་རྗེ་ནག་པོ་ཆེན་པོ་ལ་ཕྱག་འཚལ་ལོ། །སྔར་གསུངས་པ་ཆོ་གས་ཞེས་ཡོད་པའི་སྒྲུབ་ཐབས་ཀྱི་༼ཁ༽༼མཆོད་རྟེན༽༼ཨེ༽རྒྱ་གཞུང་ཞེས་བྱ་བ་ལ་སོགས་པ་དཔག་ཏུ་མེད་པ་རྟོགས་པར་བྱའོའི་མཐའ་ཅན།«་་་་་གསེར་པོད་ན་བྲམ་ཟེ་མཆོག་སྲེད་ཀྱིས་མཛད་ཅེས་སྣང་བ་འཐད་པར་སེམས། »དེའི་འཕྲོས་ལས་དེ་ནས་བསྒོམ་པར་བྱ་བའི་ཆོ་ག་བརྗོད་པར་༼ཁ༽༼མཆོད་རྟེན༽༼ཨེ༽བྱ་སྟེ་ཞེས་པ་པཎ་ཆེན་ཤཱཀྱ་ཤྲཱི་ནས་བརྒྱུད་པའི་མན་ངག་གོའི་མཐའ་ཅན།བསྙེན་པ་ལ་བརྟེན་ནས་ཕྱི་ཕོ་ལྷ་ལྟར་བསྒྲུབས་པས་མཐུ་ཞོར་ལས་འབྱུང་བ། སྒྲུབ་པ་ཞུན་ཆེན་གྱི་མར་མེ་ལ་བརྟེན་ནས་བརྣག་པ་ཞག་བདུན་ལ་བསྒྲལ་བ། ལས་སྦྱོར་ཁྱི་ནག་པོའི་ཙིཏྟ་སྙིང་ལ་བརྟེན་ནས་དགྲ་བོ་ཁ་འཕུང་དུ་བསད་པ། དེ་གསུམ་ལ་༼ཁ༽༼མཆོད་རྟེན༽༼ཨེ༽༼མུ༽གསང་སྒྲུབ་སྤུ་གྲི་སྐོར་གསུམ་དུ་བཏགས་པའི་ཆོས་ཚན་གཅིག་ཏུ་བཞུགས་པ་ཡིན།རྗེ་ས་པཎ་གྱིས་༼ཁ༽༼མཆོད་རྟེན༽༼ཨེ༽༼མུ༽ཁ་ཆེ་པཎ་ཆེན་ལ་གསེར་ཞོ་བརྒྱད་དང་གཡུ་ཞོ་བརྒྱད་རི་བ་གཅིག་ཕུལ་ནས་ཞུས་པའི་ལོ་རྒྱུས། བསྙེན་སྒྲུབ་ལས་གསུམ་གྱི་ཞལ་གདམས་ལས་༼ཁ༽༼མཆོད་རྟེན༽༼ཨེ༽༼མུ༽འཕྲེང་བའི་མན་ངག་སོགས་ཡོད་པའི་བསྙེན་པའི་ཞལ་གདམས། མ་ཧཱ་ཀཱ་ལ་དང་དུར་ཁྲོད་ཀྱི་གཞལ་ཡས་ཁང་བསྒོམ་པ་སོགས་ཡོད་པའི་༼ཁ༽༼མཆོད་རྟེན༽༼ཨེ༽༼མུ༽སྒྲུབ་པའི་ཞལ་གདམས། མནན་ལུགས་༼ཁ༽༼མཆོད་རྟེན༽༼ཨེ༽༼མུ༽དྲུག་བསྟན་པའི་ལས་སྦྱོར་གྱི་ཞལ་གདམས། མེ་ཏོག་ནག་པོ་སོགས་རྫས་རྣམས་༼ཁ༽༼མཆོད་རྟེན༽༼ཨེ༽བསྟན་པའི་གཏོར་མའི་ཡིག་ཆུང་རྣམས། འདི་ལ་མན་ངག་མ་གཏོགས་རྗེས་གནང་མཆོག་སྲེད་ནས་བརྒྱུད་པ་དེས་ཐུས་ཞེས་མ་གནང་ནའང་རྗེ་བཙུན་གྲོལ་མཆོག་གིས་གཞན་ནས་ཁ་བསྐངས་ཏེ་ལུགས་འདིའི་རྗེས་གནང་ཡིན་ཞེས་མཛད་འདུག་པ་ནི་ཧ་ཅང་གུ་ཡངས་དཔའ་ཐལ་དུ་མངོན་ནོ། །བཞི་པ་མལ་ལོ་ཙཱ་བ་ནས་བརྒྱུད་པ་ལ་ལོ་རྒྱུས། རྗེས་གནང༌། དབང་ཆོག རྒྱུད། སྒྲུབ་ཐབས། བསྐང་བ། བསྟོད་འབུམ། བསྐུལ། རྫོང་ལུགས།«་་་་་དཀར་ཆག་ན་ཐེམས་ཡིག་ཅེས་སྣང༌། »གོང་དཀར་ལུགས། ངོར་ལུགས། དྲུང་བཙུན་པ་ནས་བརྒྱུད་པ། ཐོར་བུའི་སྐོར་དང་བཅུ་གསུམ། དང་པོ་ལ། འགོར་དཔལ་ནག་པོ་ཆེན་པོ་ལ་ཕྱག་འཚལ་ལོ། །མགོན་པོ་ཇི་ལྟར་འབྱུང་བའི་ལོ་རྒྱུས་ནི་ཞེས་ཡོད་པའི་ལོ་རྒྱུས་ཤིན་ཏུ་རྒྱས་༼མཆོད་རྟེན༽པ་དམ་པ་ཀུན་དགའ་གྲགས་ཀྱིས་མཛད་པ་མགོན་པོའི་བྱུང་ཚུལ་ཅི་རིགས་པ་བསྟན་ནོའི་མཐའ་ཅན། དེས་མཛད་པའི་འགོར་བཅོམ་ལྡན་འདས་ཕྱག་ན་རྡོ་རྗེ་ལ་ཕྱག་འཚལ་ལོ། །དཔལ་ལྷ་མོ་འདོད་ཁམས་ཀྱི་དབང་ཕྱུག་མ་ཇི་ལྟར་བྱུང་བའི་ལོ་རྒྱུས་ནི་༼མཆོད་རྟེན༽ཞེས་ཡོད་པའི་ལོ་རྒྱུས་རྒྱས་པ་སྐྱེ་བརྒྱུད་ཇི་ལྟར་བྱུང་བའི་ལོ་རྒྱུས་སོའི་མཐའ་ཅན། དེས་མཛད་པའི་འགོར་རྗེ་བཙུན་དམ་པ་ལྷ་དང་བཅས་པ་དང༌། བསྟན་པ་སྲུང་མཛད་རྣམས་ལ་གུས་བཏུད་དེ་མཆོད་རྟེན་ཞེས་ཡོད་པའི་ལས་མགོན་པུ་ཏྲ་མིང་སྲིང་གི་ལོ་རྒྱུས་རྗེ་བཙུན་རིན་པོ་ཆེ་ལ་གནང་ངོའི་མཐའ་ཅན།«་་་་་རྫོང་ཆུང་པ་མགོན་པོ་གཏེར་མའི་ལོ་རྒྱུས་དེ་དམ་པས་མཛད་པའི་ལས་མགོན་གྱི་ལོ་རྒྱུས་སུ་ངོས་བཟུང་ནས་འདིར་མ་བཀོད་དོ། »།དེའི་འཕྲོས་ལས་འདི་འཕགས་པ་ཀླུ་སྒྲུབ་ཀྱི་དྲག་སྔགས་ཞེས་སོགས་སྔོན་བྱུང་གི་ལོ་རྒྱུས་སོའི་མཐའ་ཅན།«་་་་་འདི་དཀར་ཆག་ན་མི་གསལ། »འགོར་བཅོམ་ལྡན་འདས་རྡོ་རྗེ་འཛིན་པ་ལ་ཕྱག་འཚལ་ལོ། །དེ་ནས་ཡང་དག་བཤད་བྱ་བ། །བཅོམ་ལྡན་ཉིད་ཀྱི་སྐུ་གསུང་ཐུགས། །ཞེས་ཡོད་པའི་འཇིགས་༼མཆོད་རྟེན༽བྱེད་ཀྱིས་སྡེ་བརྒྱད་ཀྱི་སྲོག་སྙིང་བླངས་ཚུལ་སོགས་གཤིན་རྗེ་ལྟར་བསྒྲུབ་པའི་ལོ་རྒྱུས་ཀྱི་རྟོག་པ་དཔལ་ས་སྐྱ་པའི་ཁྱད་པར་གྱི་གདམས་པ་ནག་པོ་ཆེན་པོའི་གཏམ་རྒྱུད་ཅེས་བྱ་བའི་ཡིག་ཆུང་རྣམས་སོ། །གཉིས་པ་རྗེས་གནང་ལ། འགོར་བླ་མ་དམ་པའི་ཞབས་ལ་ཕྱག་འཚལ་ལོ། །ཐོག་མར་བདག་གི་རྣལ་འབྱོར་དང་ཞེས་ཡོད་པའི་༼མུ༽མགོན་པོ་ལྷ་བཅུ་གཉིས་མའི་རྗེས་གནང་གི་ཡི་གེ་རྫོགས་སོའི་མཐའ་ཅན་སྤྲོ་ལུང་པ་ཀུན་སྨོན་གྱིས་མཛད་པ། མགོན་པོ་ལྕམ་དྲལ་གྱི་རྗེས་གནང་དམ་བཀའ་བསྒོའི་ཡི་གེ་༼མུ༽ནག་པོ་འགྲོ་ཤེས་སློབ་དཔོན་དཔལ་ལྡན་ཆོས་སྐྱོང་གི་ས་བསྐུལ་བ་ལ་བརྟེན་ནས་ཆོས་རྗེ་ཨཱ་ནནྡས་མེ་ལུག་རྒྱལ་ཟླའི་ཚེས་བཅུ་བཞི་ལ་ངམ་རིང་རྩེར་སྦྱར་བ།«་་་་་རྗེས་གནང་འདི་གཉིས་མུས་སྲད་པའི་གླེགས་བམ་དུ་མེད་ཀྱང་བརྒྱུད་པ་གཅིག་པས་མུའི་རྟགས་ཐོབ་བོ།་་་་་»ལྕམ་དྲལ་གྱི་རྗེས་གནང་༼མུ༽ལྕགས་མོ་དབོན་པོ་གྲགས་པ་བཟང་པོས་བསྐུལ་ནས་སྔགས་འཆང་གཟུངས་ཀྱི་དཔལ་བའི་གསུང་བཞིན་ཆོས་རྗེ་བཟང་པོ་རྒྱལ་མཚན་གྱིས་མཛད་པ་རྣམས་སོ། །གསུམ་པ་དབང་ཆོག་ལ། ནག་པོ་ཆེན་པོ་ལྷ་བཅུ་གཉིས་མའི་དཀྱིལ་འཁོར་གྱི་ཆོ་ག་མགོན་པོ་༼རྡོ་རྗེ་༽རྣམ་པར་རོལ་པ་ཐེག་ཆེན་ཆོས་ཀྱི་རྒྱལ་པོས་མཛད་པ་ལ་ཀུན་མཁྱེན་རྡོ་རྗེ་གདན་པས་གསུང་མཆན་བཏབ་པ། ནག་པོ་ཆེན་པོའི་ཐིག་རྩ། ལྷ་ལྔ་མ་དང་ལྷ་བཅུ་བདུན་མའི་མངོན་རྟོགས། མགོན་པོའི་སིནྡྷཱུ་རའི་དབང་ཆོག་རྣམས་ཀྱི་ཟུར་འདེབས་༼རྡོ་རྗེ་༽དཔལ་རྡོ་རྗེ་གདན་པས་མཛད་པ་ཕྱག་བྲིས་དངོས་ལས་བཤུས་པ། ནག་པོ་ཆེན་པོ་ལྷ་ལྔ། ལྷ་བརྒྱད། ལྷ་བཅུ་གཉིས། ལྷ་བཅུ་བདུན་མ་རྣམས་ཀྱི་ཐུན་མོང་གི་མངོན་རྟོགས་བདུད་ལས་རྣམ་པར་རྒྱལ་བ་༼རྡོ་རྗེ་༽ཆོས་ཀྱི་རྗེ་མ་ཏི་བྷ་དྲའི་བཀས་བསྐུལ་བ་ལ་བརྟེན་ནས་འཇམ་དབྱངས་གྲགས་པས་«ཆོས་རྗེ་ཀུན་དགའ་རྒྱལ་མཚན་ཡང་ཟེར།་་་་་»རྒྱལ་ཟླའི་ཚེས་ལྔ་ལ་སེ་མཁར་ཆུང་བའི་གཟིམས་ཁང་དུ་མཛད་པ། བསྐུལ་བ་པོ་དང་མཛད་པ་པོ་བཤད་མ་ཐག་པའི་ནག་པོ་ཆེན་པོའི་ཐུན་མོང་བ་རྒྱ་གཞུང་ལུགས་ཐུན་མོང་མ་ཡིན་པ་སྙན་བརྒྱུད་ལུགས་ཀྱི་དཀྱིལ་འཁོར་གྱི་༼རྡོ་རྗེ་༽ཆོ་ག་མགོན་པོ་རྣམ་པར་རོལ་པ་རྣམས། དེས་མཛད་པའི་དེའི་ཟུར་༼རྡོ་རྗེ༽འདེབས་ཀྱི་ཚིགས་བཅད་བྱིན་རླབས་ཀྱི་ཆོ་ག་མཐོང་བ་དོན་གསལ་རྣམས་སོ། །བཞི་པ་རྒྱུད་ལ། མགོན་པོ་ཁྲོས་པའི་རྒྱུད་དམ་དངོས་གྲུབ་འབྱུང་བའི་རྒྱུད་ལས་དྲག་པོའི་སྦྱིན་སྲེག་༼མཆོད་རྟེན༽བསྟན་པའི་ལེའུ་བཅུ་པ་ཁོལ་དུ་ཕྱུང་བ། འགོར་སྐད་ཤན་སྦྱར་ཡོད་པའི་དཔལ་ལྷ་མོ་༼རྡོ་རྗེ༽༼རུ༽ནག་མོ་ཆེན་མོའི་གཟུངས་རྫོགས་སོའི་མཐའ་ཅན། འགོར་སྐད་ཤན་སྦྱར་ཡོད་པའི་དཔལ་ལྷ་མོ་ཆེན་མོ་༼ཨེ༽ཞེས་བྱ་བ་ཐེག་པ་ཆེན་པོའི་མདོ་རྫོགས་བྱང་གི་མཐའ་ཅན།«་་་་་གསེར་པོད་ན་འདི་ལྷ་མོ་ནག་མོའི་གཟུངས་སུ་ངོས་བཟུང༌། »འགོར་སྐད་ཤན་སྦྱར་ཡོད་པའི་༼༦རྡོ་རྗེ༽༼རུ༽དཔལ་ལྷ་མོ་ནག་མོ་ཆེན་མོའི་མཚན་བརྒྱ་རྩ་བརྒྱད་པའི་བསྟོད་པ་རྫོགས་བྱང་གི་མཐའ་ཅན། འགོར་སྐད་ཤན་སྦྱར་ཡོད་པའི་དཔལ་ལྷ་མོ་བཤན་པ་ནག་མོའི་རྒྱུད་ཅེས་༼མཆོད་རྟེན༽བྱ་བ་ལེའུ་བཅུ་བདུན་པ་ཨཽ་ཌྱཱན་གྱི་མཁན་པོ་པདྨ་སཾ་བྷ་ཝ་དང་ལོ་ཙཱ་བ་ཙནྡྲ་ཀུ་མཱ་རས་རྒྱལ་པོ་ཁྲི་སྲོང་ལྡེའུ་བཙན་གྱི་ཐུགས་དམ་དུ་མཆིམས་ཕུ་བྲག་སྒྱེའུར་བསྒྱུར་བ། འགོར་སྐད་ཤན་སྦྱར་ཡོད་པའི་མ་མོ་སྲོག་གི་འཁོར་ལོའི་༼མུ་༽རྒྱུད་གནོད་སྦྱིན་ཕོ་མོ་སྟོན་པའི་མན་ངག་ལེའུ་ཉི་ཤུ་པ་རྣམས་སོ།«་་་་་འདི་རྫོང་ཆུང་པའི་དཀར་ཆག་ན་གྱི་ལྗང་པོ་ཏིར་འདུག་ལ། འཇམ་དབྱངས་མཁྱེན་བརྩེའི་གསན་ཡིག་ནའང་དེ་ལྟར་སྣང་བ་བརྒྱུད་པ་གཅིག་པར་དགོངས་པ་འདྲ། »ལྔ་པ་སྒྲུབ་ཐབས་ལ། འགོར་བླ་མ་དམ་པའི་ཞབས་ལ་སྤྱི་བོས་ཕྱག་འཚལ་ལོ། །སྤྱིར་བྲམ་ཟེ་མཆོག་སྲེད་ཀྱིས་མགོན་པོ་ལྕམ་དྲལ་སྒྲུབ་པའི་ལུགས་འདི་ལ་ཞེས་ཡོད་པའི་མགོན་པོ་ཕོ་རྐྱང་གི་སྒྲུབ་ཐབས་༼མཆོད་རྟེན༽༼ཨེ༽ཤོག་སྔོན་ཅན་དུ་གྲགས་པའི་ཡིག་རྙིང་གཞན་དུ་བསྟན་ན་དམྱལ་བར་ལྟུང་ཞེས་པའི་མཐའ་ཅན།«་་་་་གསེར་པོད་ན་གཉན་ཕུལ་བྱུང་བ་པུཎྱ་བཛྲ་གྱིས་མཛད་ཟེར་བ་འདུག »འགོར་བླ་མ་དམ་པ་རྣམས་དང་ལྷག་པའི་ལྷ་ལ་ཕྱག་འཚལ་ལོ། །རྣལ་འབྱོར་པ་ལྷག་པའི་ལྷ་ལ་བསྙེན་པ་སྔོན་དུ་སོང་བའི་གང་ཟག་གིས་ཞེས་ཡོད་པའི་མགོན་པོ་ཕོ་རྐྱང་བཀའ་སྡོད་༼མཆོད་རྟེན༽༼མུ༽ལྟར་སྒྲུབ་པའི་ཡི་གེ་ས་སྐྱ་པཎྜི་ཏ་ཁུ་དབོན་གྱི་ཞབས་རྡུལ་སྤྱི་བོས་ལེན་པ་བཀའ་འབངས་ཀྱི་ཐ་མར་གྱུར་པ་དམ་པ་ཀུན་དགའ་གྲགས་ཀྱིས་སྦྱར་བ། དེས་མཛད་པའི་འགོར་བླ་མ་དང་ནི་ཀྱེ་རྡོ་རྗེ། བཀའ་སྲུང་ནག་པོ་ཆེན་པོ་དང་ཞེས་ཡོད་པའི་མོ་རྐྱང་གི་སྒྲུབ་ཐབས་སམ་དཔལ་༼མཆོད་རྟེན༽༼མུ༽ལྡན་ལྷ་མོའི་སྒྲུབ་ཐབས་མདོར་བསྡུས་པ་བླ་མ་དམ་པའི་མན་ངག་གིས་བརྒྱན་ཅིང་རང་གིས་ཉམས་སུ་བླང་བའི་ལག་ལེན་གྱི་རིམ་པ། དེས་མཛད་པའི་འགོར་ལས་ཀྱི་མགོན་པོ་ཟངས་གྲི་ཅན་གྱི་སྒྲུབ་པའི་ཐབས་བླ་མའི་གསུང་བཞིན་བྲི་བར་བྱའོ་ཞེས་ཡོད་པའི་བེར་ནག་༼མཆོད་རྟེན༽༼མུ༽ཟངས་གྲི་ཅན་གྱི་སྒྲུབ་ཐབས་རྗེ་ས་སྐྱ་པའི་སྙན་བརྒྱུད་ཀྱི་ཆོས་ཟབ་མོ་རྣམས་སོ།«་་་་་རྫོང་ཆུང་བའི་བེ་བུམ་ན་འདིའི་འགོར་པུ་ཏྲའི་བསྟོད་པ་དང་མི་འདྲ་བའི་ལས་རྣམས་ཀུན་བྱེད་མ་ཞེས་པ་ཞིག་བྲིས་འདུག »དྲུག་པ་བསྐང་བ་ལ། དཔལ་ནག་པོ་ཆེན་པོའི་ཐུགས་དམ་མདོས་ཀྱིས་སྐོང་ཞིང་མི་མཐུན་ཕྱོགས་བཟློག་པའི་༼མཆོད་རྟེན༽༼མུ༽མདོས་བསྐང་རྒྱས་པ་ནག་པོ་ཆེན་པོའི་བཀའི་གནང་བ་ཐོབ་ནས་འཕགས་པའི་ཞབས་རྡུལ་སྤྱི་བོས་ལེན་པའི་དམ་པ་ཀུན་དགའ་གྲགས་ཀྱིས་མཛད་པ། འགོར་དཔལ་རྡོ་རྗེ་འཛིན་པ་ལ་ཕྱག་འཚལ་ལོ། །དཔལ་མགོན་པོ་མ་ཧཱ་ཀཱ་ལ་ལྕམ་དྲལ་གྱི་བསྐང་བཤགས་བྱ་བ་ལ་ཞེས་ཡོད་པའི་མདོས་དང་༼མཆོད་རྟེན༽༼རྡོ་རྗེ༽གཏོར་མ་ཐུན་མོང་གིས་བསྐང་བ་ཆོས་ཉིད་མར་གྲགས་པ་སྔགས་འཆང་རྣམས་ཀྱིས་གཅེས་པར་མཛོད་ཀྱི་མཐའ་ཅན། འདི་རང་ལུགས་དམ་པའི་བསྐང་བ་ཆུང་བར་ངོས་འཛིན། རྡོ་རྗེ་ནག་པོ་ཆེན་པོའི་བསྐང་བཤགས་༼མཆོད་རྟེན༽༼མུ༽ཆེན་མོ་ནག་པོ་མཆོད་རྟེན། འདི་དམ་པའི་གསུང་དངོས་མིན་པར་བསྐང་མདོས་ཆེན་མོ་ལས་སྔགས་འཆང་གཟུངས་ཀྱི་དཔལ་བས་ཟུར་དུ་ཕྱུང་བ་ཡིན་ཞེས་བདག་ཆེན་རྡོ་རྗེ་འཆང་གསུང་ཞིང༌། གོང་དཀར་རྡོ་རྗེ་གདན་པ་ཡང་དོན་གྱིས་བཞེད་ལ་རྫོང་ཆུང་པ་རྡོ་རྗེ་རྒྱལ་མཚན་དམ་པའི་བསྐང་གསོ་འབྲིང་པོའི་ཐ་སྙད་མཛད་དོ། །འགོར་བླ་མ་དམ་པའི་ཞབས་ལ་ཕྱག་འཚལ་ལོ། །འདིའི་ཤོམ་ལ་གཡང་གཞིའི་སྟེང་དུ་ཞེས་ཡོད་པའི་༼མུ༽ཆོས་ཉིད་མ་དམ་པའི་བསྐང་གསོ་ཆུང་བར་རྫོང་ཆུང་བ་བཞེད་པ། འགོར་ན་མོ་གུ་རུ།གཟུངས་གསར་པའམ་རྙིང་པ་གསོ་བར་འདོད་ན་༼མཆོད་རྟེན༽༼མུ༽ཞེས་ཡོད་པའི་ནག་པོ་ཆེན་པོའི་གཟུངས་འཛུགས་«་་་་་མེ་འབར་མར་ཡང་ཡོད། »ལུགས་དམ་པས་མཛད་པ།«་་་་་གླེགས་བམ་ན་འདིའི་འགོར་འཕགས་པ་རིན་པོ་ཆེས་ཆུ་བྱི་མི་ཉག་གི་ཡུལ་དུ་མཛད་པའི་གཟུགས་༼མཆོད་རྟེན༽༼མུ༽འཛུགས་བསྟན་པ་དྲི་མེད་མ་ཟེར་བ་ཞིག་སྣང་བ་དཀར་ཆག་ཏུ་མི་འདུག་པ་ཆད་དམ་སྙམ། »བཀའ་བསྒོ་དཔལ་ལྡན་མ་ཧཱ་ཀཱ་ལ་མ་འཕགས་པས་མཛད་པ་༼མཆོད་རྟེན༽༼མུ༽བཅོལ་པའི་ཕྲིན་ལས་མཛོད་ཀྱི་མཐའ་ཅན།«་་་་་མེ་འབར་མའི་ནང་ས་པཎ་གྱིས་མཛད་པ་དེ་འདི་ལས་ཉུང་བ་འདུག »ནག་པོ་ཆེན་པོའི་༼མཆོད་རྟེན༽༼མུ༽མངའ་གསོལ་ཀྱེ་རྡོ་རྗེ་མ་དམ་པ་ཀུན་དགའ་གྲགས་ཀྱིས་ཤིང་ཀུན་དུ་རང་གི་བརྗེད་བྱང་དུ་བྲིས་པ། བྲག་ཙིཏྟ་དམར་པོའི་གཏེར་ནས་བཏོན་པའི་ཐོ་ཡིག་ལ་བརྟེན་ནས་དམ་པའི་གཅུང་ཀུན་དགའ་དཔལ་གྱིས་༼མཆོད་རྟེན༽མཛད་པའི་བསྐང་གསོ་ཧེ་རུ་ཀ་དཔལ་ཞེས་པའི་ཤླཽ་ཀ་གཅིག་འགོར་ཡོད་པའི་དཔལ་ལྡན་མ་ཧཱ་ཀཱ་ལ་མ།«་་་་་ལ་ལ་སྐྱེ་བ་སྔོན་མ་བསྐང་གསོའི་ཐོ་བརྩམས་ནས་གཏེར་དུ་སྦས་པ་སྐྱེ་བ་འདིར་དྲན་ནས་མཛད་ཟེར་བ་རིག་དཔྱད་ཙམ་སྟེ།བདག་ཆེན་རྡོ་རྗེ་འཆང་གིས་རྩོམ་པ་པོའི་ཐུགས་ཀྱི་དཀྱིལ་ལས་བཏོན་པར་ངོས་འཛིན་མཛད་པ་ནི་ཤིན་ཏུ་ལེགས་པར་མངོན་ནོ། »།བསྐང་གསོ་དཔལ་ལྡན་མ་ཧཱ་ཀཱ་ལ་མ་བླ་ཆེན་༼མཆོད་རྟེན༽གྲགས་འོད་པས་མཛད་པ།«་་་་་དཀར་ཆག་ལས་འདི་ལྟར་བྱུང་བས་ཡི་གེ་ན་ཡར་ཀླུངས་པས་མཛད་ཟེར་བ་ནོར་རམ་སྙམ། »བསྐང་བཤགས་འབྱུང་བ་རྣམ་བཞི་མ་བཤེས་གཉེན་རྡོ་རྗེ་འཛིན་པས་མཛད་པ་ཤེས་རབ་དཔལ་སོགས་ཀྱིས་བསྐུལ་བའི་ངོར་ཆོས་རྗེ་བླ་མ་དམ་པས་བསམ་ཡས་སུ་མཛད་པ། དཔལ་རྡོ་རྗེ་ནག་པོ་ཆེན་པོ་ལྕམ་དྲལ་མཉེས་པར་བྱེད་པའི་མདོས་བསྐང་ཆེན་མོའི་ཆོ་ག་༼མཆོད་རྟེན༽རབ་མྱོས་ཀྱི་ལོ་སྣྲོན་གྱི་ཟླ་བའི་དཀར་ཕྱོགས་ལ་བླ་མ་ཆེན་པོ་བསོད་ནམས་བློ་གྲོས་ཀྱིས་མཛད་པ།«་་་་་པུ་ཎྱ་མ་ཏི་དྷྭ་ཛ་ཤྲཱི་བྷ་དྲས་སྦྱར་ཟེར་བ་སྣང༌། »ནག་པོ་ཆེན་པོ་ལྕམ་དྲལ་འཁོར་དང་བཅས་པའི་མདོས་བྱང་རིན་པོ་ཆེའི་ཕྲེང་མཛེས་ཞེས་བྱ་བ་༼མཆོད་རྟེན༽སྔགས་འཆང་ཀུན་དགའ་ཟླ་བས་དཔལ་ལྡན་ས་སྐྱའི་དབེན་གནས་ཉི་ཐོག་ཏུ་རང་གི་དྲན་པ་གསོ་བ་དང་སྐལ་ལྡན་གཅིག་གཉིས་ལ་ཕན་པའི་ཕྱིར་དུ་མཛད་པ། མདོས་ཀྱི་ཆོ་ག་༼མུ༽བླ་མ་རྟ་ནག་པ་ཨཱ་ནནྡས་བསྐུལ་བའི་དོན་དུ་ས་སྐྱའི་གཟིམས་ཁང་རྫོང་ཆུང་དུ་ཆོས་རྗེ་བཟང་པོ་རྒྱལ་མཚན་གྱིས་མཛད་པ།«་་་་་འདི་གཉིས་རྫོང་ཆུང་གླེགས་བམ་དུ་མེད་ཀྱང་བརྒྱུད་པ་གཅིག་པས་མུའི་རྟགས་ཐོབ།་་་་་»བསྐུལ་བ་པོ་དང་མཛད་པ་པོ་གོང་ལྟར་གྱི་༼མཆོད་རྟེན༽༼མུ༽མ་ཧཱ་ཀཱ་ལའི་མདོས་ཀྱི་བཤམ་ཡིག གསང་རྒྱུད་ཐུགས་རྒྱུད་བཤན་པ་ནག་མོའི་རྒྱུད་ལ་བརྟེན་ནས་༼མཆོད་རྟེན༽དཔལ་ལྡན་ལྷ་མོའི་གསང་མདོས་སློབ་དཔོན་ཆེན་པོ་པདྨས་མཛད་པ།«་་་་་འདི་བཀའ་མ་ཡིན་ནམ་སྙམ་མཐའ་མ་ཆོད། »མགོན་པོའི་མངའ་གསོལ་གཏོར་ཆེན་རུ་མཚོན་འཛུགས་པ་རྣམས་ལ་ཉེ་བར་མཁོ་བའི་ཆོ་ག་༼མཆོད་རྟེན༽མཐུ་སྟོབས་གཏེར་མཛོད་མེ་ཁྱིའི་ལོ་ས་ག་ཟླ་བ་ལ་བདག་ཆེན་གྲགས་པ་བློ་གྲོས་ཀྱིས་མཛད་པ། བདག་ཆེན་རྡོ་རྗེ་འཆང་གིས་མགོན་པོའི་བསྐང་བ་རྙིང་པ་རྣམས་ལས་ཟུར་དུ་ཕྱུང་ནས་རྒྱས་བསྡུས་འཚམ་པར་༼མཆོད་རྟེན༽༼སྒོ༽བསྒྲིགས་པའི་གཏོར་བསྐང་དད་པ་དམ་ཚིག་མ་གཉིས་མེད་བདེ་ཆེན་རོལ་པར་ཤོག་གི་མཐའ་ཅན། དེས་ཡབ་འཇམ་དབྱངས་ཆོས་རྗེའི་ཕྱག་ལེན་བཞིན་ཁའུ་བྲག་རྫོང་དུ་༼མཆོད་རྟེན༽༼སྒོ༽སྦྱར་བའི་བླ་མ་སྤྱན་ཆེན་པོའི་མདོས་བསྐང་གི་གསལ་བྱེད། དེ་ཉིད་ལ་དཔལ་ལྡན་ལྷ་མོ་ཞལ་གཟིགས་ནས་འདི་ལྟར་རྩོམས་ཞེས་ལུང་བསྟན་༼མཆོད་རྟེན༽༼སྒོ༽པ་ལྟར་མཛད་པའི་དུད་སོལ་མའི་བསྐང་གསོ། དེས་ཐོབ་རྒྱལ་གྱི་རྫོང་རིར་རྫོང་མི་རྒྱག་པ་དང་དམག་སྒར་མི་འཆའ་བའི་རྡོ་རྗེའི་ཆོས་སྐྱོང་རྣམས་ལ་༼མཆོད་རྟེན༽༼སྒོ༽བཀའ་བསྒོས་པའི་ཡི་གེ ནག་པོ་ཆེན་པོའི་གཏོར་མདོས་ཀྱི་བསྐང་གསོ་«་་་་་རྫོང་ཆུང་གླེགས་བམ་ན་མེད་ཀྱང་བརྒྱུད་པ་གཅིག་པས་མུའི་རྟགས་ཐོབ། »༼མུ༽རྒྱས་བསྡུས་འཚམ་ཞིང་ལག་ལེན་བདེ་བར་བཙུན་པ་འཇམ་དབྱངས་གྲགས་པའི་དཔལ་གྱིས་མཛད་པ་རྣམས་སོ། །བདུན་པ་བསྟོད་འབུམ་ལ། བྲམ་ཟེ་བློ་ལྡན་མཆོག་སྲེད་ཀྱིས་ནག་པོ་ཆེན་པོར་རྟགས་ཀྱི་སྒོ་ནས་བསྟོད་པ་དཔལ་ལྡན་མགོན་པོ་༼མཆོད་རྟེན༽༼མུ༽མ་པཎྜི་ཏ་ཤྲདྡྷཱ་ཀ་ར་ཝརྨ་དང་གུ་རུབ་ཡོན་ཏན་ཤཱི་ལས་གུ་གེ་ཐོ་ལིང་དུ་བསྒྱུར་བ།«་་་་་འདི་གྱི་ལྗང་གླེགས་བམ་དུ་དངོས་སུ་མེད་ཀྱང་དོན་གྱིས་ཐོབ་པ་འཇམ་དབྱངས་མཁྱེན་བརྩེའི་གསན་ཡིག་ན་གསལ། »ཡང་དེས་ནག་པོ་ཆེན་པོ་ཞལ་གཟིགས་དུས་མཛད་པའི་བསྟོད་པའི་ཕྲེང་བ་༼མཆོད་རྟེན༽༼མུ༽ཉི་མའི་དཀྱིལ་འཁོར་མ་པཎྜི་ཏ་ལ་ལི་ཏ་བཛྲ་དང་ལོ་ཙཱ་བ་གྱི་ལྗང་དབུ་དཀར་གྱིས་བསྒྱུར་བ།«་་་་་གྱི་ལྗང་པོ་ཏི་དང་བསྟོད་འབུམ་ཞབས་བཏགས་མར་ཡང་ཡོད། »སློབ་དཔོན་བྷ་ཝི་ལྷས་མཛད་པའི་བསྟོད་པ་༼མཆོད་རྟེན༽༼མུ༽ལས་རྣམས་ཀུན་བྱེད་མ་གྱི་ལྗང་དབུ་དཀར་གྱིས་བསྒྱུར་བ། མཻ་ཏྲི་པས་མགོན་པོ་ཞལ་གཟིགས་དུས་མཛད་པའི་བསྟོད་པ་ཆོས་དབྱིངས་༼མཆོད་རྟེན༽༼མུ༽རྣམ་དག་མ་ལ་ལི་ཏ་བཛྲ་དང་གྱི་ལྗང་དབུ་དཀར་གྱིས་བསྒྱུར་བ། སློབ་དཔོན་ཨ་བྷ་ཡས་མགོན་པོ་ཞལ་གཟིགས་དུས་མཛད་པའི་བསྟོད་པ་༼མཆོད་རྟེན༽༼མུ༽ཕྱོགས་བཅུ་དུས་གསུམ་མ་དད་བྱེད་གོ་ཆ་དང་གུ་རུབ་ཡོན་ཏན་ཚུལ་ཁྲིམས་ཀྱིས་གུ་གེ་ཐོ་ལིང་དུ་བསྒྱུར་བ། པཎྜི་ཏ་སྤྱན་ཆེན་པོས་དུར་ཁྲོད་བསིལ་བའི་ཚལ་དུ་མཛད་པའི་༼མཆོད་རྟེན༽༼མུ༽བསྟོད་པ་བདེ་དགའ་རྒྱ་མཚོ་མ་གྱི་ལྗང་གིས་བསྒྱུར་བ། ཡར་ཀླུངས་པས་བསྐུལ་བ་ལྟར་བདེ་བ་ཆེན་པོའི་ཤླཽ་ཀ་གཅིག་སྔོན་དུ་བཏང་བའི་བསྟོད་པ་རྒྱལ་ཀུན་༼མཆོད་རྟེན༽༼མུ༽ཕྲིན་ལས་མ་བླ་མ་དམ་པས་བསམ་ཡས་སུ་མཛད་པ། ཐེག་ཆེན་ཆོས་ཀྱི་རྒྱལ་པོས་མཛད་པའི་བསྟོད་པ་༼མཆོད་རྟེན༽ནག་པོ་རྔམས་པ་མ།«་་་་་ཞབས་བཏགས་མར་ཡང་ཡོད། »དཔལ་ལྡན་སེངྒེ་མཛད་པའི་བསྟོད་པ་༼མཆོད་རྟེན༽༼མུ༽རང་བཞིན་དག་པ་མ། བདུད་རེ་ལྡེ་འགོང་ཡག་གིས་ལྷ་མོ་ལ་བསྟོད་པ་འགོར་སྤྱན་༼མཆོད་རྟེན༽འདྲེན་ཐོད་པ་དགུ་བརྩེགས་མ།«་་་་་སྤྱན་འདྲེན་འདི་ཞབས་བཏགས་མར་ཡོད། »ཡང་དེ་དང་དཀྱུས་གཅིག་ཏུ་སྐད་ཤན་སྦྱར་བའི་ལྷ་ལ་དབང་སྒྱུར་མ་༼མཆོད་རྟེན༽མཁའ་འགྲོ་ཌོམྦི་ཀ་མ་ལ་དང་ལོ་ཙཱ་བ་ཅོག་རོ་ཀླུའི་རྒྱལ་མཚན་གྱིས་བསྒྱུར་བ། ལྷ་མ་སྲིན་གྱིས་བསྟོད་པ་མ་བཅོས་ཆོས་སྐུ་མ་༼མཆོད་རྟེན༽༼མུ༽ལ་ལི་ཏ་བཛྲ་དང་གྱི་ལྗང་གིས་བསྒྱུར་བ། ཡང་ལོ་པཎ་དེ་ཉིད་ཀྱིས་བསྒྱུར་བའི་དྲང་སྲོང་ཀེའུ་ཏྲིར་མས་༼མཆོད་རྟེན༽༼མུ༽བསྟོད་པའི་སྲིད་གསུམ་ཟིལ་གནོན་མ། ཡང་ལོ་པཎ་དེ་གཉིས་ཀྱིས་༼མཆོད་རྟེན༽༼མུ༽བསྒྱུར་བའི་བླ་མ་མཻ་ཏྲི་པས་ལྷ་མོ་ཞལ་གཟིགས་དུས་བསྟོད་པ་བསྐལ་པ་མེ་འབར་མ། ཨ་བྷ་ཡཱ་ཀ་རས་ལྷ་མོ་ཞལ་གཟིགས་དུས་བསྟོད་པའི་སངས་རྒྱས་བསྟན་པ་མ་༼མཆོད་རྟེན༽༼མུ༽པཎྜི་ཏ་ཤྲདྡྷཱ་ཀ་ར་ཝརྨ་དང་གུ་རུབ་ཡོན་ཏན་ཚུལ་ཁྲིམས་ཀྱིས་གུ་གེ་ཐོ་ལིང་དུ་བསྒྱུར་བ། ནམ་མཁའ་ལྡིང་གི་རྒྱལ་པོ་གསེར་མིག་ཅན་གྱིས་ཡན་ལག་བདུན་པའི་སྒོ་ནས་བསྟོད་པ་དཔག་དཀའ་བ་༼མཆོད་རྟེན༽༼མུ༽པཎྜི་ཏ་སྙིང་གི་ཕྲེང་བ་དང་ལོ་ཙཱ་བ་གྱི་ལྗང་གིས་བསྒྱུར་བ། རྣལ་འབྱོར་དབང་ཕྱུག་ཡར་ཀླུངས་པས་བསྐུལ་ནས་བསྟོད་པ་བདེ་བ་ཆེན་པོ་མ་ཤླཽ་ཀ་༼མཆོད་རྟེན༽༼མུ༽གཅིག་སྔོན་དུ་འགྲོ་བའི་འདོད་ཁམས་དབང་ཕྱུག་མ་ཆོས་རྗེ་བསོད་རྣམས་རྒྱལ་མཚན་གྱིས་མཛད་པ། དཔལ་ལྡན་སེངྒེས་མཛད་པའི་བསྟོད་པ་༼མཆོད་རྟེན༽༼མུ༽ནམ་མཁའི་མདོག་ཅན་མ་རྣམས་སོ། །བརྒྱད་པ་བསྐུལ་ལ། གནོད་སྦྱིན་ཡབ་ཡུམ་དང་པུ་ཏྲ་མིང་སྲིང་རུ་འདྲེན་བཅས་པའི་དྲག་བསྐུལ་༼མཆོད་རྟེན༽༼མུ༽གྱི་ཡིག་རྙིང་གནོད་སྦྱིན་ནག་འཇིགས་མ།«་་་་་ཡིག་མཆན་བྲམ་ཟེ་མཆོག་སྲེད་ཀྱིས་མཛད་ཟེར་བ་འདུག་ཀྱང་རྣལ་འབྱོར་དབང་ཕྱུག་ས་སྐྱ་པ་ཞེས་སོགས་ཀྱི་དམ་བསྒྲགས་ལ་དཔགས་ན་མིན་པ་འདྲ་ཞིང་དཀར་ཆག་དང་གསན་ཡིག་ཚོར་ཡང་མི་གསལ་ལོ། »།འོད་ལྡན་དཔལ་གྱིས་མཛད་པའི་དྲག་བསྐུལ་༼མཆོད་རྟེན༽༼མུ༽དུར་ཁྲོད་ཆེན་པོ་མ། ནག་པོ་གནོད་སྦྱིན་ཁྱུང་མགོ་ཅན་གྱི་བསྟོད་བསྐུལ་༼མཆོད་རྟེན༽༼མུ༽གྱི་ཡིག་རྙིང་གནོད་སྦྱིན་ནག་པོ་མ། དམ་པ་ཀུན་དགའ་གྲགས་ཀྱིས་མཛད་པའི་གཏོར་སྐོང་༼མཆོད་རྟེན༽༼མུ༽ཞེ་སྡང་མེ་འབར་མ།«་་་་་རྫོང་ཁ་བའི་དཀར་ཆག་ན་འདི་ལ་མལ་གྱི་མངོན་རྟོགས་ལས་བྱུང་བའི་སྤྲུལ་པ་རུ་འདྲེན་གྱི་བསྐུལ་ཞེས་པ་དང་ས་སྐྱའི་ཕྱག་དཔེར་དམ་པའི་ཤོག་དྲིལ་བཅུའི་དང་པོ་ཤོམ་སྒོས་སྟབ་ཏུ་ངོས་བཟུང་བ་འདྲ་ཞིག་འདུག་པ་ཡིག་སྐྱོན་ཡིན་ནམ་སོམ་ཉིར་སྣང་ངོ༌། »།ཐུན་མོང་གི་འཁོར་བརྒྱད་བརྒྱད་དྲུག་ཅུ་རྩ་བཞིའི་བསྐུལ་༼མཆོད་རྟེན༽༼མུ༽བཅོམ་ལྡན་མི་བསྐྱོད་དཔལ་ཆེན་མ། ཕྱོགས་སྐྱོང་བཅུ་སྤྲུལ་པ་དང་བཅས་པའི་བསྐུལ་༼མཆོད་རྟེན༽༼མུ༽བཅོམ་ལྡན་དཔལ་ཆེན་ཧེ་རུ་ཀ་མ། སྤྲུལ་པའི་ཕོ་ཉ་ལྔ་གཎྜིའི་ཁྲོ་བོ་དང་བཅས་པའི་བསྐུལ་༼མཆོད་རྟེན༽༼མུ༽དཔལ་ལྡན་མ་ཧཱ་ཀཱ་ལ་མ། རུ་འདྲེན་སྡེ་བཞིའི་ཟོར་བསྐུལ་༼མཆོད་རྟེན༽༼མུ༽མགོན་པོའི་སྤྲུལ་པ་མ་སྟེ་ཆོས་སྡེ་བཞི་པོ་དཀྱུས་གཅིག་ཏུ་བཞུགས་པ་དམ་པ་ཀུན་དགའ་གྲགས་ཀྱིས་མཛད་པ། ཇོ་ནང་ལོ་ཙཱ་བ་བློ་གྲོས་དཔལ་གྱིས་མཛད་པའི་མགོན་པོའི་གཏོར་བསྐུལ་ཕྲིན་ལས་ལེགས་གྲུབ་མ་རྣམས་སོ། །དགུ་པ་རྫོང་ལུགས་ལ།«་་་་་འདིའི་ཆོས་ཚན་ཕྱི་མ་གསུམ་པོ་རྫོང་ཆུང་གླེགས་བམ་དུ་མེད་ཀྱང་བརྒྱུད་པ་གཅིག་པས་མུའི་རྟགས་བཀོད་པ་ཡིན། »ནག་པོ་ཆེན་པོའི་ཆོས་སྐོར་གྱི་དཀར་ཆག་༼མུ༽རྫོང་ཆུང་པ་བྱམས་པ་རྡོ་རྗེ་རྒྱལ་མཚན་གྱིས་ཆུ་སྤྲུལ་རྒྱལ་ཟླའི་ཚེས་བཅུ་གཉིས་ལ་ས་སྐྱའི་ཞེ་དགོན་དུ་བྲིས་པ། དེས་སྟག་ཚང་ལོ་ཙཱ་བ་མཉྫུ་ཤྲཱིའི་གསུང་བཞིན་ས་སྐྱར་བྲིས་༼མུ༽པའི་གྱི་ལྗང་ལུགས་ཀྱི་ཆོས་སྐོར་གྱི་དཀར་ཆག དེས་མཛད་པའི་རྒྱུད་གསུམ་མན་ངག་དང་བཅས་པའི་གསལ་བྱེད་ལས་ལེའུ་གཉིས་པ་བསྐང་གསོ་རྒྱས་འབྲིང་བསྡུས་གསུམ་༼མུ༽གྱི་ཐེམས་ཡིག་ཁོལ་དུ་ཕྱུང་བ། བསྐང་གསོ་ནག་པོ་མཆོད་རྟེན་གྱི་ས་བཅད་༼མུ༽སྔགས་འཆང་གཟུངས་པའི་སློབ་མ་བོ་དོང་དགེ་ལེགས་བཟང་པོས་མཛད་པ་རྣམས་སོ། །བཅུ་པ་གོང་དཀར་བའི་ལུགས་ལ། རོང་པ་རྒྭ་ལོའི་དཔོན་བརྒྱུད་བླ་མ་དཔལ་ལྡན་གྲགས་པ་ལ་བླ་དགས་སུ་ཆོས་རྗེ་བླ་མ་དམ་པས་ངག་དབང་གྲགས་པར་འབོད་ཅིང༌། ཕྱིས་གསང་ཕུ་བྲག་ནག་ཏུ་བཞུགས་པས་བྲག་ནག་པ་ངག་དབང་གྲགས་པར་འབོད་པ་དེས་མཛད་པའི་དཔལ་ལྡན་ས་སྐྱ་པའི་ཆོས་སྐྱོང་གུར་ཞལ་རྣམ་གཉིས་ཀྱི་མངོན་རྟོགས་མཆོད་བསྟོད་བཟླས་པ་རྗེས་གནང་བསྐུལ་སོགས་ཚང་བའི་སྒྲུབ་ཐབས་ཆེན་མོའི་མཇུག་ཏུ། ཇི་སྐད་དུ། ངག་དབང་གྲགས་པས་མཛད་པ་གཞིར་བཞག་ལ། །བརྒྱུད་པའི་ཕྱག་ལེན་རིམ་དང་ལུང་ཡོད་པའི། །རིགས་རྣམས་ཞབས་སུ་བཏགས་པའི་བསྟོད་འབུམ་འདི། །རྡོ་རྗེ་གདན་དུ་བཀོད་ནས་རྣལ་འབྱོར་ལ། །བརྩོན་རྣམས་དགའ་ཕྱིར་པར་དུའང་བགྱིས་ཏེ་སྤེལ། །ཞེས་པ་ལྟར་བསྟོད་པ་རྣམས་མཇུག་ཏུ་བཏགས་པས་གཉིས་ཀ་སྦྲེལ་བར་བསྟོད་འབུམ་ཞབས་བཏགས་མར་གྲགས་པ་ལ། བྲག་ནག་པ་རང་གིས་མཛད་པའི་མཆོད་༼བྲག༽༼རྡོ་རྗེ༽གཏོར་སྒྲུབ་བསྟོད་ཕྱག་ལེན་རྒྱུན་ཆགས་གཅིག་ཏུ་བསྡུས་པ་བདུད་རྩིའི་དཔལ་འབྱུང༌།«་་་་་འདིའི་ནང་གི་དུར་ཁྲོད་ནག་པོའི་རྒྱུད་ལས་ཕྱུང་བའི་མགོན་པོའི་བསྟོད་པ་༼མུ༽འདས་དང་མ་འོངས་མ། བྲམ་ཟེ་ཆེན་པོས་མཛད་པའི་བསྟོད་པ་༼མུ༽མ་སྐྱེས་མཁའ་ཀློང་མ། རྒྱུད་ལས་ཕྱུང་བར་གྲགས་པའི་དཔལ་ལྡན་༼མུ༽མགོན་པོ་སའི་དམ་ཚིག་ཅན་གྱི་དགྲ་ལྷ་ནག་པོ་ཆེ་ཡིན། དུས་གསུམ་རྒྱལ་བའི་སྤྱན་སྔ་མ་༼མུ༽རྣམས་རྫོང་ལུགས་བསྟོད་འབུམ་ནའང་ཡོད། »བསྟོད་འབུམ་ལ། དགའ་ལྡན་པ་བཀྲ་ཤིས་དཔལ་གྱིས་མཛད་པའི་༼རྡོ་རྗེ༽བཤགས་པ་ཚིགས་བཅད་བླ་མ་རྣམས་དང་ཞེས་ཡོད་པ། མལ་ལོས་མཛད་པའི་༼རྡོ་རྗེ༽བསྐང་གསོ་མཐའ་ཡས་ཚོགས་རྫོགས་ཞེས་ཡོད་པ། བླ་ཆེན་བསོད་བློས་མཛད་པའི་༼རྡོ་རྗེ༽བསྐང་གསོ་ཧེ་རུ་ཀ་དཔལ་ནག་པོ་ཞེས་ཡོད་པ། འདི་ལ་བྱིན་རླབས་ཆེ་བའི་གཏམ་རྒྱུད་ཡོད་པར་སྣང༌། བྲམ་ཟེ་མཆོག་སྲེད་ཀྱིས་མཛད་པའི་བསྟོད་པ་ཉི་མའི་དཀྱིལ་འཁོར་༼རྡོ་རྗེ༽༼མུ༽དབུས་གནས་ཞེས་ཡོད་པ།«་་་་་གོང་གི་བསྟོད་འབུམ་ནའང་ཡོད། »དགེ་སློང་བུདྡྷ་དྷྭ་ཛས་ལྕགས་མོ་གླང་གི་ལོ་བྲེའི་༼རྡོ་རྗེ༽ཟླ་བར་སྦྱར་བའི་བསྟོད་པ་རྣམ་དག་གི་ཕྲེང་བ། ཐེག་ཆེན་ཆོས་རྗེས་མཛད་པའི་༼རྡོ་རྗེ༽ནག་པོ་རྔམ་པ་ཞེས་ཡོད་པ།«་་་་་གོང་གི་བསྟོད་འབུམ་ནའང་ཡོད། »བདུད་རེ་ལྡེ་འགོང་ཡག་གིས་མཛད་པའི་ལྷ་མོའི་༼རྡོ་རྗེ༽སྤྱན་འདྲེན་ཐོད་པ་དགུ་བརྩེགས་མ།«་་་་་གོང་གི་བསྟོད་འབུམ་ནའང་ཡོད། »འདི་ལ་སྤྱན་འདྲེན་མ་གཏོགས་ལྷ་ལ་དབང་སྒྱུར་མ་ནི་མི་འདུག བསྟོད་པ་སེམས་ཉིད་ཕྲིན་ལས་༼རྡོ་རྗེ༽མ། ལྷ་མོ་ལ་ནམ་མཁའི་ལྷ་ཕྲན་རྣམས་ཀྱིས་བསྟོད་པ་བསྐལ་པ་༼རྡོ་རྗེ༽༼མུ༽མེ་འབར་མ།«་་་་་མེ་འབར་མ་ནའང་ཡོད། »གཉན་ལོས་མཛད་པའི་ཞལ་བཞི་པའི་༼རྡོ་རྗེ༽སྤྱན་འདྲེན་ལྷ་མཆོག་མ།«་་་་་ཆོས་སྐྱོང་ཆེ་ཆུང་འདྲེས་པ་འདྲ་ཞིག་འདུག་ཀྱང་ཡིག་ཆའི་དཀྱུས་བཞིན་གསན་ཡིག་གོང་མ་ཚོར་ཡང་སྣང་ངོ༌།། »ཁའུ་པས་མཛད་པའི་མཆོད་འབུལ་༼རྡོ་རྗེ༽དུར་ཁྲོད་གནས་བརྒྱད་མ། གཉན་གྱིས་མཛད་པའི་ཕྱག་མཚན་༼རྡོ་རྗེ༽བསྐང་གསོ་སྟོབས་ཆེན་ཤུགས་དྲག་མ། མཆོད་འབུལ་༼རྡོ་རྗེ༽འཇིག་རྟེན་ཁམས་ཀྱི་དགྲ་བགེགས་མ། ཁའུ་པ་དར་མ་རྒྱལ་མཚན་གྱིས་ཞལ་གཟིགས་དུས་མཛད་པའི་བསྟོད་པ་༼རྡོ་རྗེ༽རྡོ་རྗེ་འཆང་དབང་མ།«་་་་་ཚར་ལུགས་བསྟོད་འབུམ་ནའང་ཡོད། »འཕགས་པས་མཛད་པའི་བསྟོད་པ་༼རྡོ་རྗེ༽སངས་རྒྱས་ཐམས་ཅད་མ། བླ་མ་དམ་པས་མཛད་པའི་བསྟོད་པ་༼རྡོ་རྗེ༽སྲིད་གསུམ་དབང་སྒྱུར་མ། བྲག་ཐོག་པས་མཛད་པའི་བསྟོད་པ་༼རྡོ་རྗེ༽འཇིགས་བྱེད་རྔམས་ནག་མ། གཉན་ལོས་མཛད་པའི་ཞལ་གྱི་བསྐུལ་༼རྡོ་རྗེ༽དཔལ་ལྡན་མགོན་པོ་མ། དེས་མཛད་པའི་བསྐུལ་༼རྡོ་རྗེ༽ལེགས་ལྡན་ནག་པོ་མ། ཐམས་ཅད་མཁྱེན་པ་རྡོ་རྗེ་གདན་པ་ཀུན་དགའ་རྣམ་རྒྱལ་གྱིས་མཛད་པའི་༼རྡོ་རྗེ༽༼འ༽གུར་གྱི་མགོན་པོ་འཁོར་བཅས་ཀྱི་མདོས་ཆོག་རབ་འཇིགས་རྡོ་རྗེའི་མེ་ཆར།«་་་་་ཤར་ཕྱོགས་༼མུ༽ལྷ་སྲིན་མ་འདིའི་ནང་ན་ཡོད། »དེས་མཛད་པའི་མགོན་པོའི་བསྐང་གསོ་རྒྱས་པ་རྣམས་ཀྱི་༼རྡོ་རྗེ༽སྐབས་སུ་གནོད་སྦྱིན་ཡབ་ཡུམ་པུ་ཏྲ་མིང་སྲིང་སྒོ་མ་བཞི་རུ་འདྲེན་དང་བཅས་པའི་འཆམས་ཡིག་ལག་ལེན་ལ་འདྲིས་པར་བྱའོའི་མཐའ་ཅན་རྣམས་སོ། །བཅུ་གཅིག་པ་ངོར་ལུགས་ལ།«་་་་་ས་བཅད་འདི་སྐོར་གསེར་པོད་ན་མེད་ཀྱང་བརྒྱུད་པ་གཅིག་པས་ཨེའི་རྟགས་བཀོད་པའོ།། »དངུལ་ཆུ་ཆོས་རྫོང་གི་བླ་མ་འཕགས་པའི་དོན་དུ་རྡོ་རྗེ་འཆང་ཀུན་དགའ་བཟང་པོས་༼ཨེ༽མཛད་པའི་དཀར་ཆག དེས་མཛད་པའི་གུར་མགོན་ལྷ་བརྒྱད་ཀྱི་༼ཨེ༽རྗེས་གནང་ཐུན་མོང་མ་ཡིན་པ། དེས་མཛད་པའི་མགོན་པོ་ཆེ་ཆུང་གི་གཏོར་༼ཨེ༽མའི་ཆོ་ག་དགྲ་ལས་རྣམ་རྒྱལ། དེས་མཛད་པའི་བསྟོད་པ་བདུད་ལས་༼ཨེ༽རྣམ་རྒྱལ་ལེའུ་ལྔ་པ། དེས་མཛད་པའི་གཏོར་མ་ལ་བརྟེན་ནས་༼ཨེ༽སྒྲུབ་པའི་གདམས་པ་གཡུལ་ལས་རྣམ་རྒྱལ། དེས་མཛད་པའི་གུར་མགོན་གྱི་བསྐང་བའི་ཆོ་ག་༼ཨེ༽ཧེ་རུ་ཀ་དཔལ་ཞེས་པའི་ཤླཽ་ཀ་གཅིག་འགོར་ཡོད་པའི་དཔལ་ལྡན་མགོན་པོ་མ། བསྟོད་ཚོགས་དངོས་གྲུབ་རྒྱ་མཚོའི་༼ཨེ༽ལག་ལེན་རྒྱལ་ཚབ་ཀུན་དགའ་དབང་ཕྱུག་གིས་ཨེ་ཝཾ་ཆོས་ལྡན་དུ་བྲིས་པ་དགེ་བར་གྱུར་ཅིག་གི་མཐའ་ཅན། དེས་རྡོ་རྗེ་འཆང་ཀུན་དགའ་བཟང་པོའི་གསུང་བཞིན་བརྗེད་ཐོར་བཏབ་པའི་༼ཨེ༽མགོན་པོ་གདོང་བཞི་པའི་ཐུགས་དམ་བསྐང་བའི་ལག་ལེན། འགོར་ཨོཾ་སྭ་སྟི་སིདྡྷཾ་དཔལ་ནག་པོ་ཆེན་པོ་ལ་ཕྱག་འཚལ་ལོ། །ནག་པོ་ཆེན་པོའི་སྲུང་འཁོར་བསྒོམ་པར་འདོད་པས་ཞེས་ཡོད་པའི་མགོན་པོ་ཁྲོ་བཅུའི་༼ཨེ༽སྲུང་འཁོར་མཁས་གྲུབ་གུང་རུའི་ཟིན་བྲིས་ཀུན་མཁྱེན་རྒྱལ་བའི་གོ་འཕང་ཐོབ་པར་ཤོག་གི་མཐའ་ཅན། འགོར་བླ་མ་དང་ལྷག་པའི་ལྷ་དབྱེར་མ་མཆིས་པ་ཀྱེ་རྡོ་རྗེའི་ཞབས་ལ་གུས་པས་ཕྱག་འཚལ་ལོ། །རྒྱལ་བའི་བསྟན་པ་བསྲུང་བ་དང་ཞེས་ཡོད་པའི་༼ཨེ༽གཏོར་སྒྲུབ་ངོར་ལུགས་ཀྱི་ཟིན་བྲིས་གསལ་བའི་སྒྲོན་མེ་རཏྣ་ཀཱིརྟིས་སྦྱར་བ་དེའི་ཞོར་ལས་བསྟོད་པ་དང་དབྱངས་ཀྱི་ཁུངས་བསྟན་པ། སྟོབས་སྲོག་གཞོམ་པའི་མན་ངག་ཅེས་པ་གཡུལ་ལས་༼ཨེ༽རྣམ་རྒྱལ་གྱི་«་་་་་འདི་དཀར་ཆག་ན་མི་གསལ་ཀྱང་ཟིན་བྲིས་ཀྱི་ཁྲོད་དུ་དོན་གྱིས་ཚང་བ་ཡིན་ནམ་སྙམ། »ཞལ་ཤེས་ཟབ་མོ་རྣམས་སོ། །བཅུ་གཉིས་པ་དྲུང་བཙུན་པ་ནས་བརྒྱུད་པ་ལ། མཁའ་འགྲོ་སྦགས་སྒྲུབ་ལ་འཇམ་པ་དང་རྩུབ་པར་སྒྲུབ་པ་གཉིས་ལས་དང་པོ་འཇམ་པར་སྒྲུབ་པའི་ནང་སྒྲུབ་ཞི་བའི་ཁྲིད་ཡིག་བྲག་རྫོང་མ་ནས་ཅུང་ཟད་༼མཆོད་རྟེན༽༼ཡར༽བསྣན་པ་དགེ་སློང་རྡོ་རྗེ་འཛིན་པ་སངས་རྒྱས་རིན་ཆེན་གྱིས་དབེན་གནས་དཔལ་ལྡན་རྩེར་བླ་མ་ཡི་དམ་མཁའ་འགྲོ་ཆོས་སྐྱོང་ལ་གསོལ་བ་བཏབ་ནས་སྙན་བརྒྱུད་ཟབ་མོ་ཡི་གེར་བྲིས་པ། དེས་དབུར་སྟོད་ལོ་དགོན་པར་རྣལ་འབྱོར་དབང་ཕྱུག་ཡར་ཀླུངས་པའི་ཡི་གེར་གཞི་བྱས་ནས་༼མཆོད་རྟེན༽༼ཡར༽བྲིས་པའི་རྩུབ་པར་སྒྲུབ་པའི་ནང་སྒྲུབ་དྲག་པོའི་ཡི་གེ ནང་ཁྲིད་འདི་གཉིས་ཐུན་མོང་བ་ཡར་ཀླུངས་པའི་ཁྲིད་ཡིག་དང་ཐུན་མོང་མ་ཡིན་པ་གསང་ཁྲིད་གཉིས་ནས་མན་ངག་ཐོར་བུ་ཙམ་བསྲེས་ཤིང་གཉིས་ཀ་དང་མི་འདྲ་བ་ཞིག་སྣང་ཞེས་རྡོ་རྗེ་འཆང་ཚར་པ་ཆོས་རྗེ་གསུང་ངོ༌། །གཏོར་མ་ལ་བརྟེན་ནས་དགྲ་བསད་པ་༼མཆོད་རྟེན༽༼ཡར༽༼སྒོ༽ཏིལ་འབྲུ་ཙམ་ཡང་མེད་པར་བྱས་པར་བསམ་མོའི་མཐའ་ཅན། བཙན་པོའི་མཁར་དུ་གཞུག་༼མཆོད་རྟེན༽༼ཡར༽༼སྒོ༽པ་ཞེས་པའི་མགོན་པོའི་གཟི་བརྗིད་བསྐྱེད་པ་ཐོད་པ་ཁ་སྤྲོད་ཀྱི་མན་ངག ནང་གི་སྲུང་འཁོར་རྡོ་རྗེ་༼མཆོད་རྟེན༽༼ཡར༽༼སྒོ༽བྲག་རྫོང་མའི་ཞལ་ཤེས་དགེ་སློང་སངས་རྒྱས་རིན་ཆེན་གྱིས་ཟིན་བྲིས་སུ་བཀོད་པའི་མཐའ་ཅན། རྨི་ལམ་ངན་པ་༼མཆོད་རྟེན༽༼ཡར༽༼སྒོ༽མཚན་མ་ངན་པ་བཟློག་པ། འཁོན་ནག་ཟས་སུ་ཟ་བའི་༼མཆོད་རྟེན༽༼ཡར༽མན་ངག་རྣམས་དུས་ཀྱི་ཐོ་རེངས་སུ་བྱ་འོའི་མཐའ་ཅན། འགོར་འཁོར་རྐྱང་གི་རྗེས་གནང་བྱ་ཚུལ་ནི་སྔོན་འགྲོ་མཆོད་གཏོར་༼མཆོད་རྟེན༽༼ཡར༽༼སྒོ༽བཤམ་པ་ཞེས་ཡོད་པའི་པུ་ཏྲ་མིང་སྲིང་གི་རྗེས་གནང་བརྟན་བཞུགས་གཤེགས་གསོལ་བསྲུང་བ་རྣམས་བྱ་འོའི་མཐའ་ཅན་རྣམས་སོ། །བཅུ་གསུམ་པ་ཐོར་བུའི་སྐོར་ལ། བོ་དོང་པཎ་ཆེན་གྱིས་མཛད་པའི་བསྐང་གསོ་རིན་ཆེན་འབར་བ།«་་་་་ཡང་དེས་མཛད་པའི་བསྟོད་པ་དང་བཀའ་སྡོད་དང་ཚོགས་བདག་ལྟར་སྒྲུབ་པ་གསུམ། »དེས་མཛད་པའི་མགོན་པོ་མངོན་པར་འབྱུང་བའི་རྒྱུད་ནས་བཤད་པའི་མགོན་པོ་ཕྱག་བཅུ་དྲུག་པ། བཅུ་གཉིས་པ། བརྒྱད་པ། དྲུག་པ། བཞི་པ། གཉིས་པ་སྟེ་མགོན་པོ་རིགས་དྲུག་གི་མངོན་རྟོགས། མགོན་པོ་རིགས་དྲུག་གི་རྗེས་གནང་དཔལ་ལྡན་ཕྱོགས་ཐམས་ཅད་ལས་རྣམ་པར་རྒྱལ་བའི་གསུང་གི་རིམ་པའོའི་མཐའ་ཅན། སྟག་ཚང་ལོ་ཙཱ་བས་མཛད་པའི་ཆོས་སྐྱོང་སྤྱི་ལ་བསྟོད་ཅིང་བསྐང་བཤགས་སུ་གསོལ་བ་རྡོ་རྗེ་འཆང་དབང་མ། དེས་མཛད་པའི་གུར་གྱི་མགོན་པོའི་བསྟོད་པ་བདུད་ཀྱི་སྟོབས་འཇོམས། དེས་མཛད་པའི་ཞལ་གྱི་བསྟོད་པ་དཔལ་ལྡན་མགོན་པོ་མ། དེས་མཛད་པའི་ལས་མགོན་གྱི་བསྟོད་པ་དཔལ་ཆེན་བཀའ་སྡོད་མ་རྣམས་ལེགས་པར་ཐོབ་བོ།།  ༈  །།རྩ་བའི་གཉིས་པ་མཁས་གྲུབ་ཕལ་ཆེར་གྱི་རྣ་བའི་སྤྱོད་ཡུལ་དུ་མ་གྱུར་པའི་སྙིང་ཁྲག་གི་ཟུངས་ལྟ་བུ་སྙན་བརྒྱུད་པོ་ཏིའི་སྐོར་ལ། རྡོ་རྗེ་འཆང་ཚར་པ་ཆོས་རྗེས་མཛད་པའི་རྡོ་རྗེ་ནག་པོ་ཆེན་པོའི་སྙན་བརྒྱུད་ཡི་གེར་བཀོད་པའི་དཀར་ཆག་སྙིང་གི་བདུད་རྩིའི་ཟིལ་དངར། དེ་ལས་བྱུང་བ་ལ་གོང་མའི་གསུང་«༼༡༽»སྒྲོས་ཀྱི་ཡི་གེ རྒྭ་«༼༢༽»ཨཱ་ནནྡ་དམ་པས་མཛད་པའི་ཡི་གེ བར་«༼༣༽»སྐབས་ཀྱི་སྙན་བརྒྱུད་འཛིན་པའི་གསུང་སྒྲོས། བདག་«༼༤༽»ཆེན་རྡོ་རྗེ་འཆང་གི་གསུང༌། རྗེ་བཙུན་«༼༥༽»རྡོ་རིང་པ་ཆེན་པོས་མཛད་པའི་ཡི་གེ རྡོ་རྗེ་འཆང་«༼༦༽»ཚར་པ་ཆོས་རྗེས་མཛད་པའི་ཡི་གེ དཀར་«༼༧༽»ཆག་ཏུ་མ་འཁོད་པའི་ཡི་གེ དེ་དག་«༼༨༽»ཀུན་ལ་ཐུན་མོང་དུ་ཉེ་བར་མཁོ་བའི་སྐོར་དང་བརྒྱད། དང་པོ་ལ། འགོར་ཨོཾ་སྭ་སྟི། དྷ་མ་སང་ཀྲི་མ་ཏང་བི་ར་ཞེས་ཡོད་པའི་ནག་པོ་ཆེན་པོའི་ལོ་རྒྱུས་ལྷ་བཀོད་ལས་སྦྱོར་གསུམ་དང་བཅས་པ་ལས་སྦྱོར་བདེ་བའི་རྣམ་དག་བཞུགས་སོའི་མཐའ་ཅན། འགོར་ནག་པོ་ཆེན་པོའི་ལོ་རྒྱུས་ནི་མ་རྒྱུད་མཁའ་འགྲོ་མ་རྡོ་རྗེ་གུར་ནས་ཞེས་ཡོད་པའི་མགོན་པོའི་བླ་མ་བརྒྱུད་པའི་ལོ་རྒྱུས་ཞེས་བྱ་བའི་ཡིག་ཆུང་དེང་སང་གི་བར་ན་ཀུན་ལ་གསལ་ཏེ་ལོ་རྒྱུས་སོའི་མཐའ་ཅན། འགོར་བླ་མ་དམ་པའི་ཞབས་ལ་ཕྱག་འཚལ་ལོ། །འཁོར་ལོ་མུ་ཁྱུད་ལྔ་བསྐོར། ལྟེ་བ་ལ་གྲི་གུག་གི་ཞེས་ཡོད་པའི་རང་སྲུང་འཁོར་ལོ་རབ་གནས་དང་བཅས་པ་ཨཱ་ཙཱརྻ་ཀྲྀཥྞ་པཱ་དའི་མན་ངག་ཐུན་མོང་མ་ཡིན་པ་བཛྲ་ཁ་ཐམ་གྱི་མཐའ་ཅན། འགོར་འཇམ་དཔལ་གཤིན་རྗེ་གཤེད་ལ་ན་མོ། གཤིན་རྗེ་པྲ་ཁོང་ནག་གི་རྒྱུད་ལས་ཞེས་ཡོད་པའི་དམ་ཅན་ལ་༼རྒྱ༽རུ་མཚོན་འཛུགས་པའི་ཡི་གེ་ཨཽ་ཌྱཱན་ཆེན་པོས་གུད་དུ་བཀོལ་བ་རྫོགས་བྱང་གི་མཐའ་ཅན། དེའི་ཞར་བྱུང་དུ་སྲོག་མདུང་རུ་མཚོན་འཛུགས་པའི་ཚིགས་བཅད་«་་་་་དཀར་ཆག་ན་མི་གསལ་བ་གོང་གི་ཁོངས་སུ་གཏོགས་སམ་སྙམ། »བཅོལ་བའི་ཕྲིན་ལས་གྲུབ་པར་མཛོད་ཀྱི་མཐའ་ཅན། འགོར་ལྷ་མོ་ཆེན་མོ་ལ་ཕྱག་འཚལ་ལོ། །དེའི་སྒྲུབ་པ་ལ་བཞི་སྟེ་ཞེས་ཡོད་པའི་ལྷ་མོ་ཕྱི་པ་མུ་སྟེགས་པ་ལྟར་སྒྲུབ་པའི་རྒྱ་གཞུང་གསལ་བྱེད་ཀྱི་ཡིག་ཆུང་ཡིད་བཞིན་ནོར་བུ་«་་་་་རྔོག་པའི་ལྷ་མོ་ཕྱི་སྒྲུབ་ཀྱི་རྒྱ་གཞུང་གི་འགྲེལ་པ་ལག་ལེན་མ་དང་ཞུས་དག་ཕེར་ཞེས་ཚར་ཆེན་ཆོས་ཀྱི་རྒྱལ་པོ་གསུང་ངོ༌།། »ཞེས་བྱ་བ་ལོ་ཙཱ་བ་རིན་ཆེན་བཟང་པོ་ལ་གདམས་པ། འགོར་དཔལ་མགོན་པོ་ཞེས་བྱ་བའི་སྒྲུབ་ཐབས། དཔལ་ཧེ་རུ་ཀ་ལ་ཕྱག་འཚལ་ལོ། །བླ་མ་ལ་གུས་སྙིང་རྗེར་ལྡན། །ཞེས་ཡོད་པའི་ཡེ་ཤེས་ཀྱི་མགོན་པོ་དང་ལས་ཀྱི་མགོན་པོ་བེར་ནག་ཟངས་གྲི་ཅན་སྦགས་མའི་གསང་སྒྲུབ་ཀྱི་ཡིག་རྙིང་རྫོགས་སོའི་མཐའ་ཅན། ལས་མགོན་གྱི་ཡུམ་འཇིགས་བྱེད་ཁྲག་འཐུང་མ་རྣམ་འཕྲུལ་གྱི་གཎྜི་ལ་བརྟེན་ནས་སྒྲུབ་པ་དང༌། ལས་ཀྱི་མགོན་པོ་གསོད་བྱེད་གདུག་པའི་གྲི་གུག་ཅན་ཙནྡན་གྱི་བིང་དང་མཚོན་ཆ་གྲི་གུག་འབར་བ་ལ་བརྟེན་ནས་སྒྲུབ་པ་འཁོར་ལོ་དང་ལས་སྦྱོར་ལ་བརྟེན་ནས་དགྲ་བོ་མྱུར་དུ་སྒྲོལ་བའི་ཐབས་བལ་པོ་ཕམ་མཐིང་པ་ནས་མལ་ལོ་ལ་བརྒྱུད་པའི་ཡི་གེ་འབུམ་ཕྲག་གསུམ་བཟླས་ན་འདི་ཐམས་ཅད་འགྲུབ་པ་ཡིན་གསུང་བའི་མཐའ་ཅན།འགོར་སྐད་ཤན་སྦྱར་ཡོད་པའི་མུ་སྟེགས་ཀྱི་ངན་སྔགས་རྐྱལ་འབུད་ཅེས་པ་མོན་ཆུང་པུ་ཏྲའི་རྐྱལ་འབུད་ཀྱི་རྩ་བའི་ཡི་གེ་གཉལ་པ་རོང་ལིང་ལོ་ཙཱ་བས་བལ་ཡུལ་དུ་བྲམ་ཟེ་ཧ་ར་རི་མ་ལ་གསེར་སྲང་གསུམ་ཕུལ་ནས་ཞུས་པ།«་་་་་འདི་གསང་བའི་ལས་མཁན་པུ་ཏྲ་དང་ཐ་དད་ཡིན་པས་བསྲེ་བར་མི་བྱ་ཞེས་སྙན་བརྒྱུད་རོལ་མཚོ་དང་ལྷག་བསམ་རབ་དཀར་གྱི་དྲི་ལན་སོགས་སུ་སྣང་ངོ༌།། »འགོར་མོན་ཆུང་པུ་ཏྲའི་རྐྱལ་འབུད་ཐུན་མོང་མ་ཡིན་པ། ནག་པོ་ཆེན་པོ་ལ་ཕྱག་འཚལ་ལོ། །ཐེབས་བཟློག་བརྩི་མི་དགོས་ཞེས་ཡོད་པའི་དེའི་ལག་ལེན་གྱི་ཡི་གེ་རྣལ་འབྱོར་སྨྱོན་པའི་མཚོན་ཆར་གནང་བའི་མཐའ་ཅན། འགོར་ཨོཾ་སྭ་སྟི། མོན་ཆུང་རྐྱལ་འབུད་ལ་གསུམ་སྟེ་ཞེས་ཡོད་པའི་རྐྱལ་འབུད་ཀྱི་ཞལ་གདམས་ཡི་གེ་གནས་དབེན་པར་མིས་མི་མཐོང་བ་བྱའོའི་མཐའ་ཅན། འགོར་ན་མོ་མ་ཧཱ་ཀཱ་ལ། མུ་སྟེགས་ཤྲཱི་རལ་པ་ཅན་གྱི་རྐྱལ་འབུད་འདི་བྱུང་ཚུལ་ཇི་ལྟར་བརྒྱུད་པའི་རིམ་པ་ནི་ཞེས་ཡོད་པའི་ལོ་རྒྱུས་༼ཞ༽དང་བཅས་པའི་ཡི་གེ་བསྟན་པ་ལ་ཕན་པ་རྒྱ་ཆེན་པོ་འབྱུང་བར་གྱུར་ཅིག་གི་མཐའ་ཅན། ནོར་ཕྱིར་གཏང་བའི་མོན་བུ་པུ་ཏྲ་ནག་པོ་རྣམ་གསུམ་གྱི་ཡི་གེ་མལ་ལོའི་ལུགས་སློབ་དཔོན་སྙེ་སྟོན་གྱིས་ཇོ་སྲས་རྒྱལ་མཚན་ལ་གནང་བ། བདུད་པུ་ཏྲའི་སྒྲུབ་ཐབས་གཙང་རོང་གི་རྭ་ནག་ལོ་ཙཱ་བའི་གདམས་པ་ཁྱད་པར་ཅན་རྒྱ་སྟོན་གྱིས་གསལ་བར་བྲིས་པ། ཕྱི་པའི་ལྷ་བཤན་པ་རོ་ཁུར་«་་་་་འདི་ལ་ཡང་བདུད་པུ་ཏྲར་ལྷག་བསམ་རབ་དཀར་གྱི་དྲི་ལན་དུ་ངོས་འཛིན་ནོ།། »གྱི་མན་ངག་བཤན་པའི་ཆོ་འཕྲུལ་མགོ་བརྙན་མར་གྲགས་པ་ཡར་ཀླུངས་པས་ཀླུའི་དགོན་པ་ཤུག་ར་བདེ་ཆེན་དུ་དག་པར་བགྱིས་པ། སྦགས་སྒྲུབ་ཀྱི་སྐབས་སུ་མ་ཧཱ་ཀཱ་ལའི་སྒྲུབ་ཐབས་ཀྱི་རིགས་བསྡུས་པ་ཞེས་པ་དཔལ་ལྡན་མགོན་པོ་མ་ཧཱ་ཀཱ་ལ་ལ་མགོན་པོ་ཆེན་པོ་བཅུ་གཉིས་ཀྱིས་བསྐོར་ཞེས་སོགས་བརྒྱད་བརྒྱད་དྲུག་ཅུ་རྩ་བཞི་སྟོན་པའི་ཡིག་ཆུང་ཚིགས་«་་་་་འདི་དང་ཁ་སྐོང་པོ་ཏིར་ཡོད་པ་འདྲ་མིན་སྣང༌། »བཅད་མ་དགྲ་བགེགས་མ་ལུས་ཐལ་བའི་རྡུལ་དུ་རློག་གི་མཐའ་ཅན། ལས་སྦྱོར་གྱི་སྐབས་སུ་ཉེ་བར་མཁོ་བའི་སློབ་དཔོན་ཆེན་པོ་པདྨས་མཛད་པའི་སྲུང་མ་སྤྱིའི་དམོད་བཅོལ་«་་་་་མེ་འབར་མར་ཡང་བཞུགས»། ༼རྒྱ༽མི་བརྗེད་གཟུངས་ཐོབ་ཇོ་མོ་མཁར་ཆེན་བཟླའི་བླ་དཔེ། ཡང་དེས་མཛད་པའི་ཆོས་སྐྱོང་སྤྱིའི་སྙིང་ཆུ་༼རྒྱ༽བསྲེ་བ་ཡོན་ཏན་རབ་རྒྱས་མ། དེས་མཛད་པའི་ཆོས་སྐྱོང་གི་སྲོག་འཕྲོག་པ།བཅིང་བ། ཁྱི་བཞིན་ཁྲིད་པ། སྔ་མ་ལ་ཕྱི་མ་མི་འཁྲིད་པ། རྩལ་འགྲན་པ་སྟེ་ཟབ་པའི་གནད་༼རྒྱ༽༼རྡོ་རྗེ༽ལྔའི་མན་ངག འཁོན་ནག་ཟས་སུ་ཟ་བའི་གདམས་པ་སློབ་དཔོན་ཀླུ་སྒྲུབ་ནས་རི་སུལ་གྱི་རྣལ་འབྱོར་མ་དང་གཉན་ལོ་ནས་བརྒྱུད་པ། བྱ་རོག་གི་དབང་པོ་ལྔ་སོགས་ལ་བརྟེན་པའི་ནག་༼མུ༽༼ཞ༽པོ་ཆེན་པོའི་ཆོ་འཕྲུལ་སྟོན་པའི་མན་ངག་རྣམས་སོ།། >རྗེས་མ།>>>

རྩོམ་སྒྲིག་པ། སྟག་ལྗོངས་འཆི་མེད།

ནང་དོན་འདིའི་དཔར་དབང་རྒྱལ་ཡོངས་ས་ཆེན་དྲ་བར་ཡོད་པས་ཡོངས་རྫོགས་སམ་ཆ་ཤས་གང་ཞིག་ཆོག་མཆན་མེད་པར་རང་དགར་སུས་དགོལ་མི་ཆོག ། གལ་སྲིད་དགོལ་ན་ཡོང་ཁུངས་གསལ་པོ་དང་སྦྲེལ་ཐག་ངེས་པར་དུ་འགོད་དགོས།

དྲ་བའི་སྦྲེལ་ཐག  www.gyalyongsachen.com