གྱིན་འདའ་བ། ཁྲི་འདུ།
གསུང་ལེགས་བཤད་ཀྱི་ཕན་བདེ་བསྩལ་བའི་སྙན་སྒྲོག་མ།
གཞུང་མདོ་སྔགས་ཀྱི་གནད་བརྒྱ་དགྲོལ་བའི་མཁྱེན་ཡངས་མ།
དད་གསུམ་སྙིམ་མཁར་ལ་བྱིན་རླབས་ཀྱི་ཆར་ཁྲིད་དེ།
སྒོ་གསུམ་རྨོངས་མུན་ལ་ཤེས་རབ་ཀྱི་འོད་འཁྱིལ་ཅིག
ཤེབ་རབ་ཀྱི་དབྱངས་སྦྲེང་བའི་ལྷ་མོ་ལགས།
ཐུགས་མཁྱེན་ལྡན་གྱི་ཡེ་ཤེས་མངའ་བའི་རྗེ་བཙུན་མ།
ཞེ་བདག་འཛིན་གྱི་སྤྲོད་པ་བྲལ་བའི་བཅོམ་ལྡན་མ།
འཁོར་འདས་རྟོག་འགྱུ་ཡི་རི་མོ་གླུ་རུ་བཞེངས་ཏེ།
དགེ་ལེགས་མི་ཟད་པའི་དངོས་གྲུབ་བདག་ལ་སྩོལ་ཅིག
ཤེབ་རབ་ཀྱི་དབྱངས་སྦྲེང་བའི་ལྷ་མོ་ལགས།
འོད་འཇའ་གུར་གྱི་ལྡིང་ཁང་ཕུབ་པའི་ཡིད་འཕྲོག་མ།
གདན་འདབ་བརྒྱད་ཀྱི་དཀྱིལ་འཁོར་རྫོགས་པའི་མཚོ་བྱུང་མ།
བདེན་ཚིག་གྲུབ་པའི་གཟུངས་མཆོག་གིས།
དུས་གསུམ་ཉོན་མོངས་དབྱི་བར་ཤོག
ཤེབ་རབ་ཀྱི་དབྱངས་སྦྲེང་བའི་ལྷ་མོ་ལགས།
ཕྱག་ལྡེམ་མྱུར་གྱིས་གྱིམ་ཤིང་སྦྲེང་བའི་དབྱངས་ལྡན་མ།
བཞིན་ཨུཏྤལ་གྱི་སྤྱན་ཟུང་གཡོ་བའི་སྨིན་ལེགས་མ།
དྲི་ཟའི་འཇིག་རྟེན་བསྲིང་བའི་མགོན་དུ་དང་།
སྲིད་ཞིར་འདོད་རྒུར་འཇོ་བའི་དཔལ་དུ་བྱོན།
ཤེབ་རབ་ཀྱི་དབྱངས་སྦྲེང་བའི་ལྷ་མོ་ལགས།
གོས་དར་ཟབ་ཀྱི་སང་རས་སྤུད་པའི་ཡིད་འོང་མ།
རྒྱན་མུ་ཏིག་གི་དོ་ཤལ་འཕྱང་བའི་འཇོ་སྒེག་མ།
ཚིག་གི་ཕོ་བྲང་བཞེངས་བའི་ལྡིང་ཁང་ནས།
ཟླ་གཞོན་ལང་ཚོ་རྒོད་པོས་གར་བསྒྱུར་ཤོག
ཤེབ་རབ་ཀྱི་དབྱངས་སྦྲེང་བའི་ལྷ་མོ་ལགས།
ལྷོ་ཆུ་འཛིན་གྱི་བོག་རེ་ཀློང་གི་གཟུགས་འཆང་མ།
དབྱངས་སྙན་འཇེབས་ཀྱིས་གཞན་དབང་གསོ་བའི་མཉེས་གཤིན་མ།
བྱམས་བརྩེའི་ལྷ་ལམ་གྱི་དཀྱིལ་འཁོར་ལས།
ཕན་བདེའི་གྲུ་ཆར་གྱི་དངོས་གྲུབ་རེ།
ཤེབ་རབ་ཀྱི་དབྱངས་སྦྲེང་བའི་ལྷ་མོ་ལགས།
དཔྱད་གཏམ་སྤེལ་མཁན་ལ་གསལ་བརྡ།