ཐེད་པོའི་སྙན་ངག་བཅུ།

སྐྱོ་གར།
ཁ་སང་གི་རྐང་རྗེས་དེ་རིང་བསུབ་དགོས་ཚེགོམ་པ་སྤོས་དང་མ་སྤོས་ལ་ཁྱད་མི་འདུག
རྨི་ལམ་གྱི་ཡུལ་ལྗོངས་ཐན་པས་ཟིན་ཚེདབྱར་ཚེས་དང་མ་ཚེས་ལ་ཁྱད་མི་འདུག
འཚོ་གནས་ཀྱི་སྙིང་པོ་གཞི་ནས་ཤོར་ཚེཡུལ་འདིར་གསོན་དང་མ་གསོན་ལ་ཁྱད་མི་འདུག
འཇིག་རྟེན་གྱི་མི་ལ་བརྩེ་བས་སྟོང་ཚེབློ་གཏད་བགྱིས་དང་མ་བགྱིས་ལ་ཁྱད་མི་འདུག
ཡིན་ནའངངས་དེ་ལྟར་བསྒྲུབ་མི་ཐུབ
     2021.6.27 
༢ \ སུན་སྣང་ཚད་མེད་པ། 
མིད་པ་འགག་དུསརྒྱུན་པར་ཉན་སྤྲོ་བའི་གླུ་གཞས་ཀྱིས་སུན་པོར་བཟོ་ཡོངམཐོང་ངོས་ཀྱི་ཅ་ལག་ཤི་རོ་དག་གིས་དྲན་པ་གཏོར་སོངམཚམས་མི་ཆད་པའི་ཆར་ཞོད་དེས་ཀྱང་དགུན་ཁ་འཁྲིད་ཡོང
ད་ནི་སེམས་པ་ཁེན་ས་ཞིག་ཀྱང་མི་འདུག་སྟེསྙན་ངག་འབྲི་བར་ཞེ་གཏིང་ནས་སུན་སྣང་སྐྱེས་ཡོད
    2021.6.23
༣\ འུར་ཐུག་པའི་ངག
               ཁྱོད་ལ་སྐད་ཆ་བཤད་ཤེས་པའི་མིག་ཟུང་ཞིག་ཡོདམཚན་མོ་གཉིད་མི་ཡོང་དུསང་ལ་སྒྲུང་འཆད་རོགས་བྱེད
ཁྱོད་ལ་རི་མོ་འབྲི་ཤེས་པའི་མཆུ་སྒྲོས་ཤིག་ཡོདང་ཡི་མི་འཇིགས་པའི་དྲན་ངོས་སུམིང་མེད་པའི་དམ་ཚིག་གི་རི་མོ་འབྲི
ཁྱོད་ལ་བྱམས་བརྩེ་མངའ་བའི་ལག་ཟུང་ཞིག་ཡོདང་རང་ངལ་ཞིང་དུབ་པའི་ཚེསེམས་པའི་མཐིལ་ནས་བྱིལ་བྱིལ་ཡང་ཡང་གནང
ཡིན་ནའངཁྱོད་ལ་ལྡོག་སྟེ་སྐྱེས་པའི་ལྕེ་ཞིག་ཡོདངའི་ཕྱོགས་ལ་ནམ་ཡང་བེད་སྤྱོད་གཏོང་མི་སྲིད
                   2021.6.25
༤\ ང་དང་ཟླ་བ།

ཟླ་བ་གནནམ་མཁའ་སྲུང་མཁན་ཡིན་ཚེང་ནི་མཚན་མོ་འདི་སྲུང་མཁན་ཡིན་པ་འདྲཉི་མ་སོང་ཤུལ་དུནམ་མཁའ་ཧྲིལ་པོ་སྟོང་པར་གྲུབ་རྗེསཟླ་བ་འཁྲེང་ཞེན་རིགས་ཤིག་གིས་མྱུར་བར་མཁའ་དབྱིངས་སུ་མངོན་པར་བཞདང་ཡང་ཟླ་བ་བཞིན་མཚན་མོའི་སྒལ་གཞུང་དུ་མིག་ཟུང་ཧྲིག་གེར་འགྲེངས་ཡོད
སྐྱ་རེངས་འཆར་བ་དང་ཟླ་བ་མལ་སར་ལོག་སོངང་ཡང་ག་ལེར་གཉིད་དུ་ཡུར་སོང
2021.1.6 ཞོགས་པར་སྦྱར།
༥\ ཉི་ནུབ་ཀློང་གི་སྐྱོ་ཡུས།                           ནམ་མཁའ་སྟོང་པའི་ངོས་ཀྱི་སྤྲིན་པ་ཐེད་པོསྤྲིན་པ་ཐེད་པོའི་གསེང་གི་ཉི་འོད་འཁྱག་པ
ལུང་པ་སྟོང་པའི་ཕུག་གི་བྲག་ཆ་ཡུལ་པོབྲག་ཆ་ཡུལ་པོའི་ནང་གི་འོ་དོད་གཉོམ་པོ
ས་སྲོད་གྲངས་མེད་ཀློང་གི་དྲན་གདུང་ལྕི་མོདྲན་གདུང་ལྕི་མོའི་ནང་གི་འཐོར་ཞིག་སྡུག་མོ་ཨང
༦\ ༠
ཁོ་ཆད་བྱུང་ཞེས་བཤད་ནའངསེམས་པ་འདི་ཤི་རྒྱུ་མི་འདུག
འཚོ་བ་ལ་གྲང་ངར་གྱིས་ཇི་ལྟར་གཙེས་རུངའདིར་ནར་མས་མི་འཚོ་གང་དུ་འགྲོ
ཀྱི་ཧུདཆེས་མཛེས་པ་ནི་འཆི་བ་ཁོ་ནར་དབང་ངམ
མ་གཞི་ཆེས་མཛེས་པ་དེ་འཐོབ་འདོད་མེད་ནའངའཐོབ་འདོད་ལྕི་བའི་ཁྱོད་རང་ཆེས་མཛེས་པ་དེ་ཡིན་སྲིད་དམ
           2021.3.3
༧\ ཆིག་ལབ།
མིག་ཆུ་ཁོག་ཏུ་མི་ཤོང་དུསངས་མིག་ཟུང་ཤེད་ཀྱིས་བཙུམ་མྱོངམཚན་གཞུང་དུ་རྨི་ལམ་གྱིས་སྟོང་དུསངས་ཚེ་རབས་སྟོང་གི་བག་ཆགས་སློང་མྱོང
མ་ཟདཡིད་སེམས་ཤིན་ཏུ་འཁྱག་དུསངས་རོལ་དབྱངས་ཀྱིས་བུད་ཤིང་བསྒྲུགས་ནསསྙན་ངག་གིས་མེ་ཁ་གསོས་མྱོང
ཡིན་ནའངམིད་པ་ཡོངས་སུ་འགག་དུསམིག་ཆུ་ལྐོག་འཐུང་བྱེད་པ་ལསབྱ་ཐབས་ཅི་ཡང་མི་འདུག
༨\ འཚོ་བའི་ཕྱི་ནང་།

ཉིན་མོ་ཡོད་ཚད་འཁྲུལ་སྣང་གིས་བཟུངའཁྲུལ་སྣང་མ་ལུས་མ་རིག་པ་ཆེན་པོས་བཟུངམ་རིག་པའི་རྩ་བ་སྒྱིད་ལུག་གིས་བཟུངསྒྱིད་ལུག་གི་རྩ་བ་རྒུད་པ་ཆེན་པོས་བཟུང
མཚན་མོ་ཡོད་ཚད་རྨི་ལམ་གྱིས་བཟུངརྨི་ལམ་ཧྲིལ་པོ་ཁྱོད་ཀྱིས་བཟུངཁྱོད་ཉིད་ཧྲིལ་པོ་མིག་ཆུས་བཟུངམིག་ཆུའི་དོག་པ་འཁྱག་ལ་འབྱར
འཚོ་བའི་ཕྱི་ནང་སྐྱོ་སྣང་གིས་བཟུངསྐྱོ་སྣང་བརྩེ་དུང་གི་རྨས་སྐྱོན་གྱིས་བཟུངབརྩེ་དུང་གི་རྨས་སྐྱོན་ལན་ཆགས་ཀྱིས་བཟུངལན་ཆགས་མ་ལུས་མནར་གཅོད་ཀྱིས་གཟིར
2021.4.19
 ༩\ ཁེར་རྐྱང་།

 ཁེར་རྐྱང་ནི་རོགས་མེད་པ་ཞིག་ལ་མི་གོགྲོགས་མེད་པ་ཞིག་ལའང་མི་གོལྷག་ཏུ་ཚེ་རོགས་དང་གཉེན་ཉེ་ཡོད་མེད་ལ་འབྲེལ་བ་མེད
ཁེར་རྐྱང་ནི་ནགས་གསེང་གི་སྡོང་པོ་ཞིག་རེདགྲམ་གཞུང་གི་རྡོ་བ་ཞིག་རེདགཏིང་ཟབ་པའི་གཙང་པོ་ཞིག་རེད
མཚན་ཐུན་གཅིག་ལའངམཚན་མོ་བྱེ་བ་ཁྲག་བརྒྱའི་དུས་ཡུན་དེ་རེད
ཁེར་རྐྱང་གི་ཟབ་ཚད་ཁྲོལ་ཐུབ་མཁན་ནིའཆི་ཁའི་མིག་ཟུང་ཁོ་ནའོ
༡༠\ ནང་འགྱོད་མེད།

ཐེད་པོ་ནི་གྲང་ངར་གྱིས་གཙེས་པའི་དགུན་ཁ་ཞིག་ཡིནམི་ལོ་ལྔ་བཅུར་དབྱར་ཚེས་མ་མྱོང་བའི་དགུན་ཁ་ཞིག་ཡིནགལ་ཏེ་ང་རང་ཐེད་པོ་ཞིག་མིན་ཚེ་ཕྱགས་མས་བདར་བཞིན་པའི་ལོ་མ་ཞིག་ཡིན་ནའངང་ལ་ནང་འགྱོད་ཡོད་མི་སྲིད
          2021.4.5

---