ཆང་བུམ།
ཁྱམས་རའི་ཕྱི་ནང་ཀུན་ཏུ་རླུང་ཡང་ལྡང་ངོ་།།
རླུང་བུ་གཡུག་སྟངས་དེ་ལ་ཁ་ཕྱོགས་མེད་དོ།།
རབ་གསལ་ནང་ལ་ཉི་མའི་འཛུམ་ཞལ་བསྟན་ཡང་།།
དྲོ་གྲང་རེས་ཀྱིས་འཁོར་བ་འགྲོ་ཕྱོགས་ཤིག་རེད།།
ཉིན་མཚན་རེས་སུ་འཁོར་བ་དུས་ཀྱི་ཚོད་དོ།།
འགྱུར་བའི་རང་བཞིན་དངོས་པོའི་གཤིས་སུ་གྲུབ་བོ།།
དྭངས་པའི་མཁའ་རུ་ཟླ་བའི་དཀྱིལ་འཁོར་མཐོང་ཡང་།།
ནམ་ཟླ་འགྱུར་བ་དུས་ཀྱི་འཁོར་ཕྱོགས་ཤིག་རེད།།
རླུང་བུ་ངེས་མེད་ཅིག་ཀྱང་དལ་གྱིས་ལྡང་ངོ་།།
ལོ་མ་ཁེར་འཐོར་རེ་རེས་གདུང་ཉམས་སྟོན་ནོ།།
ཁྲུང་ཁྲུང་ལྷོ་རུ་འཕུར་བའི་བསྟར་ཕྲེང་བསྒྲིགས་དུས།།
འཛོམས་པ་ལས་ཀྱིས་འཕྲད་ཀྱང་གྱེས་སྟངས་ཤིག་རེད།།
༢༠༢༡ ༩ ༩ཉིན།
Leave a Reply