སྡེ་དགེ་སྙན་གྲགས།
ཟླ་ཞལ་གྱི་ངོས་ནས་འཛུམ་པའི་རི་བོང་གི་གཟུགས་རིས་བཀྲ་བཞིན།
གར་ལ་བྲེལ་ཞིང་།
བདག་ཡིད་ཀྱི་མཁའ་རུ་དལ་གྱིས་རྩེན་པའི།
ཀྱེ་ཚངས་སྲས་མ།
བདག་ལ་དངོས་གྲུབ་ཀྱི་ཆར་ཟིམ་འཇོ་བར་མཛོད་ཅིག
བདག་གིས།
སྙན་ངག་གི་ཐང་ཆེན་དུ།
ཚིག་གི་སྲབ་མདའ་བཟུང་སྟེ།
ཉམས་ཀྱིས་སྡེ་སྦྱོར་གྱི་རྟ་ཕོ་གོམ་པས་བགྲོད་བསམ།
ཀྱེ་ཚངས་སྲས་མ།
བདག་ལ་དངོས་གྲུབ་ཀྱི་ཆར་ཟིམ་འཇོ་བར་མཛོད་ཅིག
བདག་ནི།
ཚིག་ཕྲེང་གི་རྩིག་པ་རེ་རེས།
སྡེ་སྦྱོར་གྱི་ལག་ཆ་རེ་རེས།
སྙན་ངག་གི་ཕོ་བྲང་ཉམས་དོད་པོ་ཞིག་བཞེངས་བསྐྲུན་མཁན་ཞིག་བྱེད་འདོད།
ཀྱེ་ཚངས་སྲས་མ།
བདག་ལ་དངོས་གྲུབ་ཀྱི་ཆར་ཟིམ་འཇོ་བར་མཛོད་ཅིག
ཚིག་གི་རྒྱན་ཆ་སྒྲིགས་ཏེ།
སྡེ་སྦྱོར་གྱི་ཁ་བཏགས་འཐེན་ནས།།
བདག་གིས་སྙན་ངག་གི་མཛེས་མ་བག་མ་བསུ་འདོད།
དཔྱད་གཏམ་སྤེལ་མཁན་ལ་གསལ་བརྡ།