འཕགས་ཡུལ་དཔལ་རྫོང་གསར་བཤད་གྲྭ་ཆོས་ཀྱི་བློ་གྲོས་ཀྱི་འདུས་སྤྱི་ཡིས་རིང་ནས་གསོལ་བ་ཕུར་ཚུགས་སུ་བཏབ་པ་བཞིན། ༧སྐྱབས་རྗེ་འཇམ་དབྱངས་མཁྱེན་བརྩེའི་དབང་པོ་པདྨ་འོད་གསལ་མདོ་སྔགས་གླིང་པ་སྐུ་བལྟམས་ནས་ལོ་ཉིས་བརྒྱ་འཁོར་བའི་དུས་དྲན་དང་བསྟུན། རིས་མེད་བསྟན་པ་རྒྱ་མཚོའི་མངའ་བདག་ྋསྐྱབས་རྗེ་རྫོང་གསར་འཇམ་དབྱངས་མཁྱེན་བརྩེ་རིན་པོ་ཆེ་མཆོག་གི་ཞལ་སྔ་ནས། སྤྱི་ལོ་ ༢༠༢༢ ཟླ་བ་ ༡༠ ཚེས་ ༡ ཉིན་ནས་དབུ་འཛུགས་ཀྱིས་ <<སྒྲུབ་ཐབས་རིན་པོ་ཆེ་ཀུན་ལས་བཏུས་པ།>> རྗེ་འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ནས་བརྒྱུད་པའི་བཀའ་ཆོས་བསྩལ་གནང་མཛད་རྒྱུ་དང་། བཀའ་ཆོས་ཀྱི་མཇུག་ཏུ་རྫོང་གསར་བཤད་གྲྭའི་མཁན་སློབ་འདུས་མང་ཡོངས་ཀྱིས་ྋསྐྱབས་རྗེ་མཁྱེན་བརྩེ་རིན་པོ་ཆེར་བརྟན་བཞུགས་རྒྱས་པ་ཞིག་འབུལ་རྒྱུ་བཅས་ཆསོ་བརྡ་སྔོན་སོང་བཞིན། ད་ཆར་སྒྲུབ་ཐབས་ཀུན་བཏུས་ཀྱི་གསུངས་ཆོས་གནང་མུས་རེད་འདུག
Leave a Reply