གླག་བུ་དོན་བཀྲ།
བུ་མོའི་ལན་སྐྲ་དེ་ལ་ཅི་ཞིག་བརྒྱུས་པ། །
བུ་མོའི་མི་ཚེའི་ཁྲོད་ཀྱི་ལུག་ཁྱུ་ཡིན་པས། །
འབའ་འབའ་ཚེར་མོས་ངར་སྐད་སྒྲོག་ཐེངས་རེ་ལ། །
ལུག་གུ་འདྲ་བའི་སྙིང་སྡུག་ཞེ་ལ་འཁོར་ཡོང་། །
བུ་མོའི་ལན་སྐྲ་དེ་ལ་ཅི་ཞིག་བརྒྱུས་པ། །
བུ་མོའི་མི་ཚེའི་ནང་གི་བླ་གཡུ་ཡིན་པས། །
མཚན་ལྡན་བླ་མས་ཚེ་དབང་སྐུར་ཐེངས་རེ་ལ། །
བྱིན་རླབས་སྙིང་གི་བླ་གཡུ་དེ་ཐིམས་འགྲོ། །
བུ་མོའི་ལན་སྐྲ་དེ་ལ་ཅི་ཞིག་བརྒྱུས་པ། །
བུ་མོའི་མི་ཚེའི་ནང་གི་བདེ་སྡུག་ཡིན་པས། །
མངར་སྐྱུར་འཚོ་བའི་དྲོ་བ་མྱོང་ཐེངས་རེ་ལ། །
ལན་སྐྲ་དེ་ཡི་ཁ་དོག་རེ་རེ་སེ་འགྲོ། །
བུ་མོའི་ལན་སྐྲ་དེ་ལ་ཅི་ཞིག་བརྒྱུས་པ། །
བུ་མོའི་རང་གི་ལུས་ཀྱིས་དབང་ཐང་ཡིན་པས། །
དབང་ཐང་དེ་ལ་བསྐོས་པའི་རི་མོ་རེ་རེ། །
བུ་མོའི་མི་ཚེ་སྟོད་སྨད་བར་ནས་གསལ་འོང་། །
Leave a Reply