དགེ་གྲྭ་རྒྱལ། ལྕང་མ་སྒར།
ང་ནི་རི་བོ་འདིའི་ཕར་རོལ་བརྒལ་འདོད་ལ
གཙང་བོ་འདིའི་རྒྱང་གཟུགས་ལྟ་འདོད
ཉག་ཉོག་གི་འཁོར་ཡུག་དང་རླུང་ནག་གི་ཚིག་རྩིབ་ལ་བྲལ་འདོད
ད་རུང་ངས་ཕྱི་ཡུལ་གྱི་མཛེས་ལྗོངས་དང་རྣམ་པ
འཁོར་ཡུག འགྲོ་ལུགས་དང་འདུག་ལུགས
འདོར་ན་བཤད་ལུགས་སོགས་ཀུན་མཐུན་གྱི་སྤྱོད་པ་དང་ལྟ་བ་ལ་མྱོང་རོལ་བྱེད་འདོད
ངན་སྨད་སྡུག་སྨད་ལ་སྔོན་ནས་སུན་དེ
བཟོད་སྒོམ་དང་གུས་བཀུར་གྱི་ཐ་སྙན་ལ་རེ་ཐག་ཆད
གནས་འདི་ནས་འཚོ་སྡད་ཀྱི་ཕུགས་འདུན་མེད་ལ་ཡིད་ཆེས་འང་མེད
ང་གང་ཏུ་ཆས་གང་ཏུ་སྡད
ཚིག་ངན་གྱི་རལ་གྲི་དང་དབུ་འཕངས་ཀྱི་འགྲོ་འདུག་མེད་བའི་གནས་ལ་ལྷུང
དབུ་ཁྲིད་ལ་དྲང་བདེན་དང་འཁོར་འཕངས་ལ་གུས་ལུགས
ཚིག་ངན་དང་ཞི་དྲག་ལ་མི་བལྟ་པའི་གནས
ཕྱིའི་སྤྱི་མཐུན་ལ་དགའ་བའི་རང་དབང་གི་ལམ་ཁ་ཞིག་ལ་བསྙེག་འདོད།
Leave a Reply