གབ་ཚིག

སྲོག་ཆགས་ཀྱི་སྐོར་གྱི་གབ་ཚིག

༡ ཕར་འཁོར་སྟག་འདྲ་བོ།
ཚུར་འཁོར་གཟིག་འདྲ་བོ།

དར་ཚོན་ཤིང་ལོ་འདྲ་བོ།

༢ ཁ་དམར་སྣ་དམར་སྤོག་རིལ་རྒྱ་མཚོ།

ཤུགས་མེད་མིག་མེད་སྙུག་མའི་རྒྱ་མཚོ།

༣ རྫ་མ་ནག་པོ་བྱུ་རུའི་མཆུ་ཏོ་ཅན།

༤ ནག་རིལ་སྟོང་གི་ཐོག་ན།

གི་གུ་རྭ་འཁྱིལ་ཞིག

༥ ཨབ་ཀྱིས་མ་བཟོས།

ཁབ་ཀྱིས་མ་བཙེམས།

གོས་ཀྱི་ཙར་ལོ་འཇོལ་ལོ་ལོ།

༦ ནམ་མཁའི་ལྷ་མོ་གླུ་ལེན་མ།

ས་ཡི་མེ་ཏོག་བཅུད་ལེན་མ།

༧ ཨ་ཐང་ཐང་གི་ཐང་དཀྱིལ་ན།

ཐང་དཀར་རྒོད་པོ་རྒྱགས་འགྲོ་བྱེད།

༨ ཤེལ་ཁང་གྲུ་གཞིའི་ནང་ནས།

བུ་རྒོད་པོ་ཁེར་རྒྱུག་ཉིས་རྒྱུག

༩ བྲག་མགོ་ན་གཡུ་ཕོར་བ་འདྲ་འདྲ།

བྲག་སྐེད་ན་འདྲེ་ར་མ་འདྲ་འདྲ།

བྲག་ཞབས་ན་དུག་ལག་ངར་འདྲ་འདྲ།

༡༠ ཤ་རུལ་སྟེང་ནས་འོད་དཀར་ཀྱི་ལི་ལི།

དེ་ནས་པདྨའི་སྟེང་ནས་གོ་ལོ་ལོ།

ཇི་ལྟར་གང་དྲན་གླུ་ལེན་ཤ་ར་ར།

༡༡ ཁྱེད་ཕར་ལ་སོང་། ང་ཁྱོའི་ཤུལ་ལ་ཡོང་།

༡༢ མ་སེམས་ཅན་ལྷ་ཉལ་ཀླུ་ཉལ་ཡིན།

འདྲེ་ཨུ་རུ་ཅོག་ལ་ཉལ་རྒྱུ་མེད།

༡༣ ཁྱེད་གང་ལ་སོང་།

ང་ཚ་ལ་སོང་།

ཁྱོད་ཚ་ཐིག་མེད་པ་ཅི་རེད།

༡༤ སྟོད་ནས་ཅོང་སྐད་ལྷང་ལྷང་།

སྨད་ནས་ལྕང་ལོ་ལྡེམ་ལྡེམ།

༡༥ མགོ་འདི་གཡུང་དྲུང་རྟགས་ཀྱི་མགོ

སྤུ་རིགས་ནག་པོ་ནག་གྱི་སྤུ།

སྐད་འདི་ལྷ་མ་ཡིན་གྱི་སྐད།

༡༦ གྱོན་མ་ཤེས་སློག་པ་ཕྱིར་སློག་བྱས།

འདོག་མ་ཤེས་བྱུ་རུ་སྣ་མགོར་བཏགས།

༡༧ ཀླུ་ཡི་བུ་མོ་ཡིད་འོང་སྐད་སྙན་མ།

སེམས་ཅན་ཡོངས་ལ་དུས་ཀྱི་སྐད་སྙན་སྒྲོག

༡༨ སྟག་མིན་པའི་ཐིག་ལེ་ཅན།

འབྲོང་མིན་པའི་རུ་ཐུར་ཅན།

༡༩ ལྷམ་སྐུད་པས་མ་བཙེམས་ཐོར་མེད་མ།

༢༠ ཨ་ཐང་ཐང་གི་ཐང་དཀྱིལ་ན།

མུ་ཏིག་ཤེལ་གྱི་ཕྲེང་བ་ཞིག

རིག་ནི་མང་ཡང་ལེན་ནི་དཀོན།

༢༡ གནམ་ཚོད་འཛིན་པའི་ལྷ།

ཐང་མ་བརྡལ་བའི་འདྲེ།

༢༢ ས་ཐོག་གི་རྔ་སྒྲ་སྐད་པོ་ཆེ།

ས་འོག་གི་འབྲེང་བ་ལྷོད་པོ་ཆེ།

༢༣ འཁོར་ལོ་དྲུག་བརྩེགས་དུང་གི་སྲོག་ཐུར་ཅན།