དབང་བསྐུར་བའི་ཆོ་གའི་སྡོམ་ཚིག

༼བ༽

༄༅། །དབང་བསྐུར་བའི་ཆོ་གའི་སྡོམ་ཚིག་བཞུགས།།

༄༅། །རིགས་ཀྱི་ཁྲོ་བོའི་ང་རྒྱལ་གྱིས། །སྔོན་འགྲོ་སྦྱངས་ནས་མཚམས་གཅོད་བྱ། །གནས་དང་མཆོད་པ་བྱིན་ཕབ་ནས། །བདག་བསྐྱེད་མཆོད་ནས་བཟླས་པ་བྱ། །བུམ་པ་གསལ་གདབ་མཆོད་ནས་བཟླ། །དཀྱིལ་འཁོར་བསྒྲུབས་ནས་བྱིན་གྱིས་བརླབ། །མཆོད་བསྟོད་གཏོར་མ་རྣམས་བདུན་གཏང༌། །གཙོ་མོའི་བུམ་སྟེང་མཆོད་རྟེན་ནི། །མིང་བྱང་བཅས་ལ་ཀུན་དུ་དང༌། །དཱུར་བ་སྔགས་དང་བཅས་པས་མཆོད། །ཕྱོགས་བཞིའི་གཏོར་མ་ཕྱོགས་ནས་གཏོང༌། །སོ་སོའི་གཏོར་བཅས་ལྷ་གཞན་ལ། །གསོལ་བ་བཏབ་ནས་སླར་ཡང་མཆོད། །བྱུར་བསལ་དུག་དབྱུང་རྣམ་གཉིས་བྱ། །རྒྱལ་བར་བྱེད་པས་བསླང་ནས་ནི། །གོས་སར་རྒྱན་གྱིས་བརྒྱན་བྱས་ནས། །དབང་བསྐུར་དོན་དུ་གསོལ་བ་གདབ། །སྤྱི་བོར་བུམ་བཞག་སོར་འབྲང་གི །གཟུངས་རིང་གཉིས་དང་སྔགས་གཞན་གྱིས། །དབང་བསྐུར་ནས་ནི་སྔགས་ཀྱིས་བསྲུང༌། །སྲུང་འཁོར་གདགས་ཤིང་རྡོ་རྗེས་བསྲུང༌། །བདེན་པའི་སྟོབས་ཀྱིས་བསྲུངས་བྱས་ནས། །སྨན་ནམ་ཟས་ལ་བདེན་པའི་སྟོབས། །བརྗོད་ནས་མངའ་དབུལ་ཤིས་པ་བརྗོད། །ཡོན་བླང་མཆོད་བསྟོད་གཤེགས་སུ་གསོལ། །དམ་པས་བསྐུལ་ནས་འཕགས་པས་སྦྱར།། །། ༈ གུ་རུས་དཔར་རྩ་སྤེལ་བའོ།།

རྩོམ་སྒྲིག་པ། ཕར་ནང་དར་རྒྱས།
ནང་དོན་འདིའི་དཔར་དབང་རྒྱལ་ཡོངས་ས་ཆེན་དྲ་བར་ཡོད་པས་ཡོངས་རྫོགས་སམ་ཆ་ཤས་གང་ཞིག་ཆོག་མཆན་མེད་པར་རང་དགར་སུས་དགོལ་མི་ཆོག ། གལ་སྲིད་དགོལ་ན་ཡོང་ཁུངས་གསལ་པོ་དང་སྦྲེལ་ཐག་ངེས་པར་དུ་འགོད་དགོས།
དྲ་བའི་སྦྲེལ་ཐག www.gyalyongsachen.com