རྩོམ་པ་པོ། རིག་པའི་རྡོ་རྗེ།
གྲུབ་པའི་སྐྱེས་མཆོག འགྲོ་བའི་མགོན་པོ། འདྲེན་པའི་དཔལ་གྱུར། བླ་མ་ལགས།
ཁྱེད་ནི་ང་ཚོའི་ལམ་སྟོན་གྱི་ཉི་མ་སེར་པོ་དེ་ཡིན་ལ། ཁྱེད་ནི་ང་ཚོའི་ཞི་བདེ་ཡི་ཟླ་བ་དཀར་པོ་དེ་ཡིན། རྒྱ་གར་གྱི་གྲུབ་ཆེན་རིག་འཛིན་ལྭ་བ་པའི་རྣམ་འཕྲུལ་་་་་བྱང་ཆུབ་རྡོ་རྗེ་ལགས། ཁྱེད་མེད་པས་ང་ཚོའི་འཇིག་རྟེན་འདི་ནི་གྲང་ལྷང་ལྷང་ཞིག་ཏུ་གྱུར་ཡོད་ལ། ཁྱེད་མེད་པས་ང་ཚོའི་སེམས་ཁོང་འདི་ནི་སྟོང་སང་སང་ཞིག་ཏུ་གྱུར་ཡོད། བླ་མ་ལགས། རྗེ་སུ་དྲན།
མདོར་ན་ཁྱེད་ནི་ང་ཚོའི་ཡོད་ཚད་ཀྱི་ཡོད་ཚད་དང་་་་་ཐམས་ཅད་ཀྱི་ཐམས་ཅད་ཡིན་པས་ཁྱེད་ཉིད་ལྷག་་་་་ཏུ་དྲན། ནམ་་་་ཡང་དྲན། ཁྱེད་ཉིད་དྲན་ཐེངས་རེ་རེར་ང་ཚོས་སྐད་སྒྲ་མེད་པའི་མིག་ཆུ་རེ་ཤོར་བཞིན་ཡོད་ལ། ཁྱེད་ཉིད་དྲན་ཐེངས་རེ་རེར་ང་ཚོས་བཟོད་དུ་མེད་པའི་འཁུན་ངག་རེ་འདོན་བཞིན་ཡོད། བླ་མ་ལགས། ཁྱེད་ཧ་ཅང་དྲན། རིན་པོ་ཆེ། ཁྱེད་མེད་པའི་ང་ཚོའི་སེམས་པ་འདི་་སྐྱོ་སོང་ལ་་་འཇིག་རྟེན་འདི་སུན་སོང་། ང་ཚོ་ནི་དུས་ནམ་ཡང་ཁྱེད་ལ་འཕྲེང་བཞིན་ཡོད་ལ། ཁྱེད་ལ་འཕྲེང་བའི་ང་ཚོའི་དད་འདུན་གྱི་མིག་ཟུམ་དང་། ལག་ཟུང་གི་ཐལ་མོ། གསོལ་འདེབས་ཀྱི་སྨྲེ་སྔགས་འདོན་བཞིན་་་ཁྱེད་ཉིད་དྲན་པའི་་་སྡུག་བསྔལ་གྱི་གཏིང་མཐའ་མི་མངོན་བ་ཞིག་ཡིད་ལ་སྨིན་ཏེ་་་སྐྱོ་བ་ཡི་མིག་ཆུ་ལོང་ལོང་ཞིག་གདོང་ནས་ཟག་བཞིན་་་ཁྱེད་ལ་་རྗེས་དྲན་ཡང་ཡང་་་་ཞུ་བཞིན་ཡོད། བླ་མ་ལགས་་་་ཁྱེད་ནི་་་་ཉམ་་་་་ཐག་ལ་སྡུག་བསྔལ་གྱིས་མནར་བའི་སྐྱེ་འགྲོ་དུ་མའི་དོན་དུ་་་་་ཞིང་ཁམས་གཞན་ནས་གཞན་ཞིག་ཏུ་གཤེགས་ཟིན་ཀྱང་་་ཁྱེད་ཀྱི་གདམས་ངག་དང་བྱིན་རླབས་ཀྱིས་་་ང་ཚོ་ས་རུ་ཡུལ་དགོན་གྱི་མི་བུ་དེ་རྣམས་ད་དུང་འཚོ་་་བཞིན་་་་འཚོ་་བཞིན་ཡོད། ངའི་སེམས་ཁོང་གི་བླ་མ། སྙིང་དབུས་ཀྱི་སྐྱབས་མཆོག ལམ་སྟོན་གྱི་སྒྲོན་མེ། ངའི་་སེམས་གཏིང་ནས་བརྗེད་མི་སྲིད་པའི་་་་བླ་མ་བྱང་ཆུབ་རྡོ་རྗེ་ལགས་་་་་ཁྱེད་ཉིད་དུས་ནམ་ཡང་སྐྱབས་སུ་མཆི། རྗེས་སུ་དྲན། བླ་མ་དམ་པ་ཁྱེད་ཀྱི་ཐུགས་འོག་ཏུ་ཉམ་ཐག་གི་སྐྱེ་འགྲོ་ངེད་ཚོ་ཚེ་རབས་་ནས་ཚེ་རབས་དང་བསྐལ་བ་ནས་བསྐལ་བའི་བར་དུ་ཚུད་་་པར་་་་སྨོན། ཁྱེད་ཀྱི་རྗེས་སུ་་་ང་ཚོ་དུས་ནམ་ཡང་ཞུགས་པར་་སྨོན།
ཁྱེད་ཉིད་མཇལ་བའི་སྐལ་བཟང་དེ་་་་་ང་ཚོར་དུས་ནམ་ཡང་ཤར་བར་སྨོན། བླ་མ་ལགས་རྗེས་སུ་དྲན།
ཞེས་གླེ་དགོན་རིག་པའི་རྡོ་རྗེ་ནས་བླ་མ་རྗེས་སུ་དྲན་པའི་གདུང་འབོད་ཀྱིས་ཚུལ་དུ་བྲིས་པ་ལགས།
Leave a Reply