དབུས་བོད་མིའི་སྒྲིག་འཛུགས་ཀྱི་ཆོས་རིག་ལས་ཁུངས་དང་དཔལ་ས་སྐྱའི་མཐོ་སློབ་གཉིས་ཀྱིས་ཟུང་འབྲེལ་ཐོག་གོ་སྒྲིག་ཞུས་པའི་རིས་མེད་བགྲོ་གླེང་ཐེངས་གསུམ་པ་དེ་རིང་དབུ་འཛུགས་གནང་བ་དང་། བགྲོ་གླེང་དེ་ཡང་ཕྱི་ཟླ་ ༣ ཚེས་ ༢༨ ནས་ ༣༡ བར་ཉིན་གྲངས་བཞིའི་རིང་ཚོགས་རྒྱུ་དང་། ཐེངས་འདིའི་བགྲོ་གླེང་ནང་བོད་ཀྱི་ཆོས་ལུགས་ཆོས་བརྒྱུད་ཁག་ནས་གསུང་བཤད་གནང་མཁན་བཅུ་གཅིག་དང་། 
ཝ་ཎ་དབུས་གཙུག་ལག་སློབ་གཉེར་ཁང་ནས་ཆེད་མངགས་ཚད་མའི་ལོ་རྒྱུས་ཐོག་དཔྱད་རྩོམ་དང་གཏམ་བཤད་གནང་མཁན་མཁས་པ་ཞིག་གདན་འདྲེན་ཞུས་ཡོད། མཉམ་ཞུགས་གནང་མཁན་དགོན་སྡེ་འདྲ་མིན་ནས་བཙུན་པ་དང་བཙུན་མ་གྲངས་ ༡༧༠ ཙམ་མཉམ་ཞུགས་གནང་ཡོད་འདུག
Leave a Reply