གདན་སའི་ཆོས་ཚོགས་གོ་སྒྲིག་ལྷན་གྱིས་ཐུགས་དགོངས་ཆེར་བཞེས་མཛད་ནས་གདན་སའི་དམའ་རིམ་སློབ་གྲྭའི་བཙུན་གསར་རྣམ་པ་རྒྱུད་སྡེ་ཁག་གི་སྒྲུབ་མཆོད་ཀྱི་ལས་ལ་དབང་བ་སོགས་ཀྱིས་མཚོན་དམིགས་བསལ་དགོས་མཁོར་ཆེད་གཟིགས་ཀྱིས་
རང་ཅག་རྣམས་པའི་ཚེ་རབས་གཏན་གྱི་སྐྱབས་མཆོག་རིགས་དང་དཀྱིལ་འཁོར་ཀུན་གྱི་གཙོ་བོར་གྱུར་བ་དཔལ་གདན་ས་སྐྱ་ངོ་མཚར་སྤྲུལ་པའི་ལྷ་ཆེན་གྱི་ཁྲི་རབས་༤༧པ་ཕ་བླ་མ་རྡོ་རྗེ་འཆང་༸བྱམས་པ་མཐུ་སྟོབས་སེང་གེ་བཀྲིས་གྲགས་པའི་རྒྱལ་མཚན་དཔལ་བཟང་པོར་ཇི་ལྟར་གསོལ་འདེབས་ཞུས་པ་ལགས་ན་མགོན་པོ་གང་གིས་ཀྱང་དེ་དེ་བཞིན་དུ་ཞལ་བཞེས་ཟབ་མོ་ལེགས་པར་བྱུང་བའི་རྟེན་ཅིང་འབྲེལ་བྱུང་ལས་དུས་ཡུན་ཉིན་གྲངས་བརྒྱད་ཀྱི་རིང་
༸མགོན་པོ་གང་གིས་བདག་ཅག་ལས་སྐལ་ལྡན་པའི་སློབ་ཚོགས་བརྒྱ་ཕྲག་ལྔ་ལ་ཉེ་བར་སྒྲུབ་རྒྱུད་འདིའི་དགོས་མཁོ་ཆེ་བའི་ཡི་དམ་རྣམས་དང་ཆོས་སྐྱོངས་བའི་ལྷ་སྲུང་རྣམས་ཀྱི་དབང་ཆེན་ཁག་དང་རྗེས་གནང་བྱིན་རླབས་ཟབ་མོ་བཀྲིན་ལེགས་པར་བསྩལ་ནས་དེ་རིང་ཉིན་མཇུག་མར་ངན་སོང་ཐམས་ཅད་ཡོངས་སུ་སྦྱོང་བའི་རྒྱལ་པོ་དཔལ་རྣམ་སྣང་ཆེན་མོའི་བཀའ་དབང་དང་ཕྱི་དྲོའི་དུས་སུ་མགོན་པོ་གང་ཉིད་བསྟན་དང་འགྲོ་བའི་མགོན་དུ་སྐུ་ཚེ་མི་འགྱུར་ཚེ་མཐའ་ཡས་པའི་ངོ་བོར་བརྟན་པར་བཞུགས་ཆེད་བདག་ཅག་འཁོར་སློབ་ཀུན་པོས་བཀྲིན་གཏང་རག་ཟབ་རྒྱས་ཕུལ་ཏེ་ལེགས་པར་གྲུབ་ཟིན་པའོ། 
Leave a Reply