༸སྐྱབས་མགོན་ས་སྐྱ་༸གོང་མ་ཁྲི་འཛིན་རིན་པོ་ཆེ་མཆོག་ཨ་རི་ཁ་ནི་ཧྥང་ན་ཡ་དང་ནིའུ་ཡོག་ལ་ཆིབས་བསྒྱུར་གནང་འཆར་འཐོན་འདུག
ཁ་རྩང་༸སྐྱབས་མགོན་ས་སྐྱ་༸གོང་མ་ཁྲི་འཛིན་རིན་པོ་ཆེ་མཆོག་ཨ་རིའི་ཁ་ནི་ཧྥི་ཡ་ལ་ལོ་སྲ་ཇི་ལ་ཆིབས་བསྒྱུར་གནང་བ་སྦྲགས་མཁན་པོ་བྱམས་པ་བསྟན་འཕེལ་གྱིས་སྣེ་ཁྲིད་པའི་ཐེན་ཝན་དང་རྒྱ་ནག་གི་དད་གཉེར་ཅན་ཁག་གཅིག་ལ་མཇལ་ཁ་དང་འདིའི་ཟླ་བའི་སྤྱི་ཚེས་༡༠ ཉིན་བླ་མ་བྱམས་པ་མཐའ་ཡས་མཆོག་གི་ཆོས་ཚོགས་སུ་ཞབས་ཀྱིས་བཅགས་པ་དང་ཕྱི་དྲོའི་ཆུ་ཚོད་༣ པའི་ཐོག་ཏུ་སློབ་དཔོན་གུ་རུ་རིན་པོ་ཆེ་མཆོག་གི་བཀའ་དབང་གནང་དང་སྤྱི་ཚེས ༡༡ ལ་ས་སྐྱ་བརྩེ་ཆེན་ཆོས་འཁོར་གླིང་ལ་ཆིབས་
བསྒྱུར་དང་དཔལ་འབྱུང་པོ་འདུས་བྱེད་ཀྱི་དབང་དང་མི་མང་ལ་བཀའ་ཆོས་གནང་འཆར་དང་། སྤྱི་ཚེས ༢༠ རེས་གཟའ་ཉི་མ་ཉིན་ལ་༸སྐྱབས་མགོན༸གོང་མ་ཁྲི་འཛིན་རིན་པོ་ཆེ་མཆོག་ནིའུ་ཡོག་ས་གནས་སུ་ཆིབས་བསྒྱུར་སྐབས་སུ་ནིའུ་ཡིག་གི་ཚོགས་པ་དང་སྐྱིད་སྡུག་ཁག་གི་འགོ་ཁྲིད་པ་ཚོས་ཕེབས་བསུ་གནང་འཆར། 
སྤྱི་ཟླ་ ༦ པའི་ཚེས ༣ པ་རེས་གཟའ་ཉི་མ་ཉིན་ཞོགས་པའི་ཆུ་ཚོད ༡༠ ནས་ཉིན་རྒྱབ་ ༣ པའི་ཐོག་ལ་ཨ་རི་ས་སྐྱ་བརྩེ་ཆེན་ཚོགས་པའི་གོ་སྒྲིག་འོག་༸སྐྱབས་མགོན་༸གོང་མ་ཁྲི་འཛིན་རིན་པོ་ཆེ་མཆོག་གིས་ནོར་ལྷའི་གཏེར་བདག་ཨརྱ་ཛམྦྷ་ལའི་བཀའ་དབང་དང་ཆོས་དང་འབྲེལ་བའི་མི་ཚེ་དོན་ལྡན་ཇི་ལྟར་བྱ་བའི་ཚུལ་གྱི་བཀའ་སློབ་གནང་འཆར། དེ་བཞིན་དུ་འཕགས་པ་སྤྱན་རས་གཟིགས་ཀྱི་གཟུངས་སྔགས་ཡི་གེ་དྲུག་པའི་ཁྲིད་ལུང་གནང་འཆར་བཅས་ཀྱི་གནས་ཚུལ་འཐོན།
Leave a Reply