༄༅། །༸སྐྱབས་མཆོག་༸ཤར་ཆེན་༸ཀླུ་ལྡིང་མཁན་ཆེན་རྡོ་རྗེ་འཆང་ཆེན་པོ་མཆོག་གི་སྐུ་ཡི་མཚན་དཔེ་གསར་དུ་བཞད་པའི་དུས་བཟང་དང་སྟབས་བསྟུན། ཕྱི་ནང་དུ་བཞུགས་པའི་རང་ལུགས་འཛིན་པའི་ཁམས་ལི་ཐང་སེར་སྐྱ་མཆོག་དམན་ཡོངས་ནས་གོ་སྒྲིག་སྦྱིན་བདག་ཀྱིས་གདན་ས་གཉིས་པ་འཕགས་ཡུལ་དཔལ་ངོར་ཨེ་ཝཾ་ཆོས་ལྡན་གྱི་གཙུག་ལག་ཁང་དབུས་མའི་ནང་།
༸སྐྱབས་རྗེ་ཕུན་ཚོགས་ཕོ་བྲང་གི་འཁོན་གདུང་ཨ་བྷི་ཀི་ཏ་བཛྲ་རིན་པོ་ཆེ་མཆོག་དང་འཁོན་གདུང་ཨ་བྷ་ཡ་བཛྲ་རིན་པོ་ཆེ་མཆོག་རྣམ་གཉིས་དབུར་བཞུགས།
༸ངོར་གྱི་མཁན་ཞབས་རྣམ་གསུམ་དང་གཞན་ཡང་བླ་སྤྲུལ་དགེ་འདུན་པ་དང་བཙུན་མ་བཅས་ལྔ་བརྒྱ་ལྷག་ནས་རྗེ་བཙུན་མ་སྒྲོལ་མ་དཀར་མོ་ཡིད་བཞིན་འཁོར་ལོ་འོད་ཟེར་དྲུག་སྦྲགས་ཀྱི་སྒོ་ནས་བརྟན་བཞུགས་སྒྲུབ་ཞག
དང་། དེ་བཞིན་སངས་རྒྱས་སྟོང་སྐུ་ལྷ་ཁང་། ས་པཎ་སྟོང་སྐུ་ལྷ་ཁང་། མགོན་ཁང་བཅས་རྣམས་སུ་གནས་བརྟན་བཅུ་དྲུག་བསྟན་པ་རྒྱས་པའི་ཆོ་ག །འཕགས་མ་སྒྲོལ་མ་མཎྜལ་བཞི་པའི་ཆོ་ག །ཆོས་སྲུང་དམ་ཅན་རྒྱ་མཚོར་བསྐང་བ། དགེ་ཚུལ་ཆུང་བ་རྣམས་ནས་སྐྱབས་འགྲོ་སྒྲོལ་མ་ཚེ་གཟུངས་བཅས་ཉིན་བདུན་རིང་སྒྲུབ་རྒྱུ་དང་། 
ཉིན་བརྒྱད་པ་ལ་བརྟན་བཞུགས་འབུལ་རྒྱུ་བཅས་བརྟན་བཞུགས་སྒྲུབ་ཞག་འཚོགས་བཞིན་པ་རེད་འདུག
དཔྱད་གཏམ་སྤེལ་མཁན་ལ་གསལ་བརྡ།