༧ སྐྱབས་རྗེ་རྫོང་གསར་མཁྱེན་བརྩེ་རིན་པོ་ཆེ།
སེམས་ཁམས་སྦྱོང་བརྡར་བྱེད་རྒྱུ་དེ་གལ་ཆེན་པོ་རེད། རྒྱུ་མཚན་ནི་སེམས་དེ་བདག་འཛིན་གྱི་རྩ་བ་ཡིན་པས་སོ། སྦྱོང་བརྡར་མ་བྱས་པའི་སེམས་དེས། ཁྱོད་རང་དཀའ་ངལ་འདྲ་མིན་མང་པོའི་ནང་དུ་འཇུག་པར་བྱེད། མ་ཟད་སྦྱོང་བརྡར་མ་བྱས་པའི་སེམས་དེ་ཁོང་ཁྲོ་ལང་སླ་བ་དང་། རང་བཞིན་འགྱུར་སླ་བ། ཕྱི་རོལ་ཡུལ་གྱི་གནོན་ཤུགས་འཕྲད་སླ་བ། གཞན་གྱིས་ཁ་ལོ་བསྒྱུར་སླ་བ། ངོ་བསྟོད་ཅུང་ཟད་ཙམ་གྱིས་སེམས་མགུ་སླ་བ། དོན་མེད་ཀྱི་བཤད་ཡམ་དང་རྒྱུ་མཚན་མེད་པའི་ཚིག་ངན་དག་གིས་གནོད་པ་བཟོ་སླ་བ། སེམས་དེ་དུས་རྒྱུན་ཧ་ཅང་གྱོང་པོ་དང་། ཨུ་ཚུགས་ཆེ་བ། བློ་ཐབས་གསར་པ་དེ་དག་དང་ལེན་བྱེད་མི་ཐུབ།
Leave a Reply